حالىقارالىق وليمپيادا كوميتەتٸ 2008 جىلى بەيجٸڭدە ٶتكەن وليمپيادا ويىندارىندا دوپينگ پايدالانعان سپورتشىلار تٸزٸمٸن جارييالادى. ولاردىڭ قاتارىندا قازاقستاندىق 5 سپورتشى بار, دەپ حابارلايدى "ۇلت اقپارات" ماسساگەت پورتالىنا سٸلتەمە جاساپ.
حوك-تىڭ رەسمي حابارلاماسىندى «قارا تٸزٸمگە» ۇزىن سانى 16 سپورتشى ەنگەن. ونىڭ 11-ٸ جٷلدەگەرلەر قاتارىنان كٶرٸنگەن.
قازاقستاندىق اۋىر اتلەت يرينا نەكراسوۆا (كٷمٸس) مەن مارييا گرابوۆەتسكايا (قولا), ەركٸن كٷرەستەن ەسەت مەمبەتوۆتٸڭ (قولا) دوپينگ قولدانعانى بٸرنەشە كٷن بۇرىن بەلگٸلٸ بولعان ەدٸ. بٷگٸن بۇل قاتاردى اۋىر اتلەت ۆلاديمير سەدوۆ (تٶرتٸنشٸ ورىن) تولىقتىردى. سونداي-اق ماييا مانەزانىڭ دا دوپينگ قولدانعانى رەسمي تٷردە حابارلاندى.
دوپينگ پايدالانعاندار قاتارىندا رەسەيدەن 4 سپورتشى (حاسان باروەۆ – كٷمٸس, حادجيمۋرات اككاەۆ – قولا, دميتريي لاپيكوۆ – قولا, ەلەنا سلەسارەنكو – IV ورىن), ۋكراينادان 3 سپورتشى (دەنيس يۋرچەنكو – قولا, ناتاليا داۆىدوۆا – قولا, ۆيتا پالامار – V ورىن), ەزٸربايجاننان 2 سپورتشى (نيزامي پاشاەۆ – V ورىن, ۆيتاليي راحيموۆ – كٷمٸس), بەلارۋس ( يرينا كۋلەشا – IV ورىن) جەنە گرەكييا ەلٸنەن (حريسوپييا دەۆەتتسي – قولا) بٸر-بٸر سپورتشىدان بار.
ايتا كەتەيٸك, وسىعان دەيٸن سۆەتلانا پودوبەدوۆا, زٷلفييا چينشانلو جەنە ماييا مانەزا دا 2012 جىلعى وليمپيادا مەدالدارىن كەرٸ قايتاراتىن بولعان ەدٸ. سونداي-اق, بالۋان تەيمۋراز تيگيەۆتٸڭ دوپينگ قولدانۋىنا بايلانىستى بەيجٸڭ وليمپياداسىنداعى كٷمٸس جٷلدەسٸنەن ايىرعان ەدٸ.
الداعى ۋاقىتتا حوك قازاقستاندىق اۋىر اتلەتتەر يليا يلين مەن الماس ٶتەشوۆكە قاتىستى شەشٸمٸن شىعاراتىن بولادى.
