دميتريي مەدۆەدەۆ رەسەي ٷكٸمەتٸن تاعى دا باسقاراتىن بولدى

بٷگٸن, 8 مامىردا رەسەي مەملەكەتتٸك دۋماسى دميتريي مەدۆەدەۆتٸ پرەمەر-مينيستر ەتٸپ تاعايىندادى. بۇل تۋرالى ازاتتىق جازدى.

دۋما جيىنىندا سٶز سٶيلەگەن مەدۆەدەۆ ەلدەگٸ زەينەت جاسىن كٶتەرۋدٸ ۇسىندى. ونىڭ پايىمداۋىنشا, رەسەيدە حالىقتىڭ جاعدايى جاقسارىپ, ورتا جاسى جوعارىلاعان. قازٸر رەسەيدە ەرلەر 60, ەيەلدەر 55 جاستا زەينەتكە شىعادى. مەدۆەدەۆ زەينەت جاسى ناقتى قانشا جاسقا كٶتەرٸلەتٸنٸن ايتقان جوق.

7 مامىر كٷنٸ ۆلاديمير پۋتين يناۋگراتسييادان كەيٸن پرەمەر-مينيستر قىزمەتٸنە مەدۆەدەۆتٸڭ كانديداتۋراسىن ۇسىنعان ەدٸ.

مەملەكەتتٸك دۋمادا پۋتيننٸڭ پارتيياسى – "ەدينايا روسسييا" باسىم ورىندى يەلەنگەن. ال مەدۆەدەۆ - وسى پارتييانىڭ جەتەكشٸسٸ. رەسەي كونستيتۋتسيياسىنا سەيكەس, جاڭا پرەزيدەنت سايلانعاندا ٷكٸمەت وتستاۆكاعا كەتەدٸ.