فوتو: ريا نوۆوستي
جانارمايدىڭ قازٸرگٸ باعاسى مۇناي-گاز سالاسىنا ينۆەستيتسييا تارتۋعا مٷمكٸندٸك بەرمەي وتىر. بۇل تۋرالى قر ەنەرگەتيكا مينيسترٸنٸڭ مٸندەتٸن اتقارۋشى بولات اقشولاقوۆ ايتتى, دەپ حابارلايدى قازاقپارات اگەنتتٸگٸ.
«جانارماي تاپشىلىعىن بولدىرماۋ ماقساتىندا تٷرلٸ شارالار قابىلداندى. وسى ورايدا جانارمايدى تەمٸرجول جەنە اۆتوكٶلٸكپەن شىعارۋعا تىيىم سالىندى. رەسۋرس يەلەرٸنە جانارمايدى تٸكەلەي جانارماي قۇيۋ ستانتسييالارىنا ساتۋعا مٸندەتتەيتٸن زاڭنامالىق نورمالار قابىلداندى. مۇنايدى جەتكٸزۋ جەنە مۇناي ٶنٸمدەرٸن ساتۋ كەزٸندەگٸ دەلدالدارعا توسقاۋىل قويىلدى. بۇدان باسقا, بىلتىر تامىز ايىندا تاپشىلىقتى ازايتۋ ٷشٸن سارالانعان باعانى جەنە ليميت ەنگٸزدٸك. بٸراق بارلىق شەكتەۋگە قاراماستان, «كٶلەڭكەلٸ ەكسپورت» ارقىلى وتىندى شىعارۋ مٷمكٸندٸكتەرٸ تابىلدى. وسىعان بايلانىستى تاپشىلىقتى بولدىرماۋ ٷشٸن شۇعىل تٷردە قىمبات يمپورتتىق وتىندى ساتىپ الۋعا مەجبٷر بولىپ وتىردىق», - دەدٸ اقشولاقوۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ ايتۋىنشا, ەلٸمٸزدە قازٸرگٸ تٶمەن باعالار ساقتالسا, قازاقستاندا قانشا جانارماي ٶندٸرٸلسە دە, بارلىق سۇرانىستى قامتاماسىز ەتۋ مٷمكٸن بولمايدى.
«ەكٸنشٸدەن, باعالار اراسىنداعى ايتارلىقتاي ايىرماشىلىققا بايلانىستى كٶرشٸ ەلدەرگە «اعىن» جالعاسا بەرەدٸ, ونىڭ كٶلەمٸ ارتا تٷسەدٸ. ەشقانداي شەكتەۋلەر نەتيجە بەرمەيتٸنٸ انىق. ٷشٸنشٸدەن, جانارماي باعاسىنداعى ديسپروپورتسييا «كٶلەڭكەلٸ» نارىقتى نىعايتىپ, ۇلتتىق ەكونوميكاعا, مٷددەگە كەرٸ ەسەرٸن تيگٸزەدٸ. تٶرتٸنشٸدەن, جانارماي بويىنشا تٶمەن باعانى ساقتاۋ مۇناي-گاز سالاسىنا ينۆەستيتسييا تارتۋعا, ونى دامىتۋعا, گەولوگييالىق بارلاۋ جۇمىستارىن جٷرگٸزٸپ, رەسۋرستىق بازانى تولىقتىرۋعا مٷمكٸندٸك بەرمەي وتىر», - دەدٸ مينيستردٸڭ مٸندەتٸن اتقارۋشى.
اقشولاقوۆتىڭ سٶزٸنە قاراعاندا, ٸشكٸ نارىقتاعى جانارماي جاعدايىن تۇراقتاندىرۋ ٷشٸن قازاقستاننىڭ كٶرشٸ ەلدەرمەن سالىستىرعانداعى باعا بويىنشا ايىرماشىلىقتى ازايتۋ قاجەت.
