بەلگٸلٸ تەلەجٷرگٸزۋشٸ دينارا سەتجان ٶزٸنٸڭ "قازاقستان رترك" اق باسقارما تٶراعاسىنىڭ كەڭەسشٸسٸ قىزمەتٸنە تاعايىندالۋىنا قاتىستى پٸكٸر بٸلدٸردٸ, - دەپ جازادى kaz.tengrinews.kz.
دينارا سەتجاننىڭ ايتۋىنشا, ول بۇل قىزمەتٸندە تەلەارناداعى ارنايى جوبالارعا جەتەكشٸلٸك ەتەدٸ.
"بۇيرىق شىعىپ قويدى. باسقارما تٶراعاسىنىڭ ارنايى جوبالار بويىنشا كەڭەسشٸسٸ بولىپ سايلاندىم. قازٸرگٸ ۋاقىتتا ماعان ارنانى بەزەندٸرۋ مەن ونىڭ ستيليستيكاسىنا قاتىستى تاپسىرمالار بەرٸلدٸ", - دەيدٸ تەلەجٷرگٸزۋشٸ.
سونداي-اق, دينارا سەتجان نەلٸكتەن ەكٸ جىل ۋاقىتتان سوڭ تەلەۆيدەنيە سالاسىنا ورالۋدى شەشكەنٸن تٷسٸندٸرٸپ بەردٸ.
"مەنٸڭشە, مەن بۇل قىزمەتكە دەر كەزٸندە كەلٸپ وتىرمىن. بٸز جاڭا تەلەۆيزييالىق ماۋسىمعا دايىندالىپ جاتىرمىز. بۇل جوباعا كەلٸستٸم, سەبەبٸ مەن تەلەۆيدەنيە سالاسىمەن جاقسى تانىسپىن جەنە وسى سالادا جۇمىس ٸستەپ جاتقانىما 17 جىل بولدى. باستاپقىدا بۇل جۇمىس قولىمنان كەلمەيدٸ دەپ ويلادىم, سەبەبٸ قازٸر مەنٸڭ ٶزٸمنٸڭ بيزنەسٸم بار, سونداي-اق, مەن تەلەۆيدەنيەدە وسىمەن ەكٸ جىل ۋاقىت ەشتەڭە ٸستەگەن جوقپىن عوي", - دەدٸ بەلگٸلٸ تەلەجٷرگٸزۋشٸ.
ونىڭ ايتۋىنشا, ادامدار جاقىندا تەلەديدارعا قايتىپ كەلەدٸ. "مەن ٶزٸم سوڭعى ەكٸ جىلدا تەلەۆيدەنيە سالاسىندا ەشتەڭە ٸستەگەن جوقپىن. بٸراق مەن ادامداردىڭ تەلەديدار مەن پۋلتتٸ ساعىناتىن ۋاقىتى كەلەتٸنٸنە سەنٸمدٸمٸن. دەگەنمەن دە مۇنىڭ بارلىعى كونتەنتكە بايلانىستى. تەلەۆيدەنيەدە كٶرەرمەن سەنەن نە كٷتەدٸ سونى ٸستەۋ كەرەك. كٶرەرمەن تەلەۆيزييالىق كارتينانى, قىزىقتى ەرٸ جارقىن جٷرگٸزۋشٸلەردٸ كٷتەدٸ", - دەدٸ دينارا سەتجان.
سونىمەن قاتار, دينارا سەتجان وسىعان دەيٸن "قازاقستان" تەلەراديوكەشەنٸ باسقارماسىنىڭ تٶراعاسى بولىپ تاعايىندالعان ەرلان قارينگە قاتىستى ٶز ويىن ايتتى.
"ەرلان قارين - تاماشا ستراتەگ. ول جاقسى مەديامەنەدجەر رەتٸندە عالامدىق تۇرعىدا ويلانا الادى. 3-4 ايدا تەلەارنادا جاقسى ٶزگەرٸستەر بولدى. ٶتكەن اپتادا بٸزدٸڭ ارنادا ەلەمدٸك جۇلدىز دجەكي چان بولدى. تاعايىنداۋ تۋرالى ۇسىنىستى قابىلدادىم. سەبەبٸ, مەن تەلەۆيدەنيەنٸ جاقسى كٶرەمٸن. كٶرەرمەن قىزىقتى كونتەنت كٷتەدٸ, سونى ٸستەۋ كەرەك, - دەيدٸ تەلەجٷرگٸزۋشٸ.
دينارا سەتجان كٶرەرمەندەرگە الداعى ماۋسىمدا كٶپتەگەن جاڭاشىلدىق بولادى دەپ ۋەدە بەردٸ.
"قىركٷيەكتە بارلىعىمىز مٷلدە جاڭا تەلەارنانى كٶرەمٸز. ٶتە زاماناۋي ارنا بولادى. مەنٸڭشە, جاڭا تەلەارنا جاڭا جوبالاردىڭ ارقاسىندا قوسىمشا قاراجات تاۋىپ وتىرادى", - دەدٸ تەلەجٷرگٸزۋشٸ.
