Belgili telejúrgizýshi Dinara Sátjan óziniń "Qazaqstan RTRK" AQ basqarma tóraǵasynyń keńesshisi qyzmetine taǵaiyndalýyna qatysty pikir bildirdi, - dep jazady kaz.tengrinews.kz.
Dinara Sátjannyń aitýynsha, ol bul qyzmetinde telearnadaǵy arnaiy jobalarǵa jetekshilik etedi.
"Buiryq shyǵyp qoidy. Basqarma tóraǵasynyń arnaiy jobalar boiynsha keńesshisi bolyp sailandym. Qazirgi ýaqytta maǵan arnany bezendirý men onyń stilistikasyna qatysty tapsyrmalar berildi", - deidi telejúrgizýshi.
Sondai-aq, Dinara Sátjan nelikten eki jyl ýaqyttan soń televidenie salasyna oralýdy sheshkenin túsindirip berdi.
"Menińshe, men bul qyzmetke der kezinde kelip otyrmyn. Biz jańa televiziialyq maýsymǵa daiyndalyp jatyrmyz. Bul jobaǵa kelistim, sebebi men televidenie salasymen jaqsy tanyspyn jáne osy salada jumys istep jatqanyma 17 jyl boldy. Bastapqyda bul jumys qolymnan kelmeidi dep oiladym, sebebi qazir meniń ózimniń biznesim bar, sondai-aq, men televideniede osymen eki jyl ýaqyt eshteńe istegen joqpyn ǵoi", - dedi belgili telejúrgizýshi.
Onyń aitýynsha, adamdar jaqynda teledidarǵa qaityp keledi. "Men ózim sońǵy eki jylda televidenie salasynda eshteńe istegen joqpyn. Biraq men adamdardyń teledidar men pýltti saǵynatyn ýaqyty keletinine senimdimin. Degenmen de munyń barlyǵy kontentke bailanysty. Televideniede kórermen senen ne kútedi sony isteý kerek. Kórermen televiziialyq kartinany, qyzyqty ári jarqyn júrgizýshilerdi kútedi", - dedi Dinara Sátjan.
Sonymen qatar, Dinara Sátjan osyǵan deiin "Qazaqstan" teleradiokesheni basqarmasynyń tóraǵasy bolyp taǵaiyndalǵan Erlan Qaringe qatysty óz oiyn aitty.
"Erlan Qarin - tamasha strateg. Ol jaqsy mediamenedjer retinde ǵalamdyq turǵyda oilana alady. 3-4 aida telearnada jaqsy ózgerister boldy. Ótken aptada bizdiń arnada álemdik juldyz Djeki Chan boldy. Taǵaiyndaý týraly usynysty qabyldadym. Sebebi, men televidenieni jaqsy kóremin. Kórermen qyzyqty kontent kútedi, sony isteý kerek, - deidi telejúrgizýshi.
Dinara Sátjan kórermenderge aldaǵy maýsymda kóptegen jańashyldyq bolady dep ýáde berdi.
"Qyrkúiekte barlyǵymyz múlde jańa telearnany kóremiz. Óte zamanaýi arna bolady. Menińshe, jańa telearna jańa jobalardyń arqasynda qosymsha qarajat taýyp otyrady", - dedi telejúrgizýshi.
