"ارىستاننىڭ بەلگٸسٸ - ارتىنا قاراپ اقىرمايدى, نار تٷيەنٸڭ بەلگٸسٸ - قابىرعاسىن سٶكسە دە باقىرمايدى, ناعىز تۋعان اسىل ەر, قانشا قاسٸرەت شەكسە دە, قايعىلانىپ "اھ" ۇرمايدى"... وسى بٸر دانالىق سٶز - يسلام ەكەمىزعا ارنالعانداي...
ارىستاندىعى - ول شىن مەنٸندە تەۋەلسٸز ۇلتتىق ٶزبەك مەملەكەتٸن قۇردى... لەنيندٸ تۇعىرىنان قۇلاتىپ, كەڭەستٸك كٶسەمنٸڭ ورنىنا ٶزبەك xالقىنىڭ جاڭا ۇلتتىق سيمۆولى رەتٸندە ەلەمنٸڭ 27 ەلٸن باعىندىرعان, ادامزات تاريxىنداعى ۇلى قولباسشىلاردىڭ بٸرٸ - ەمٸر تەمٸردٸ يەمدەندٸ... لاتىن ەلٸپبيٸنە بٸردەن كٶشٸپ الىپ, ٶزبەك تٸلٸن ٶز ەلٸندە پاتشا تٸل ەتتٸ... "قازاقتا العاش مەملەكەتتٸلٸكتٸ ورناتقان ادام - نازارباەۆ" دەگەن پۋتيننٸڭ سٶزٸنە ماسايراپ, بٸز قازاق xاندىعىنىڭ 500 جىلدىعىن تويلاتىپ جاتقاندا, ول "ٶزبەك مەملەكەتتٸگٸنە ٷش مىڭ جىل" دەپ, ٶزبەك تاريxىن قايتا جازدىرىپ, ونى وقۋلىقتارعا ەنگٸزٸپ, الىستى تەرەڭنەن بولجاپ, ميىعىنان مىرس كٷلٸپ وتىردى...
نار تٷيەلٸگٸ - ول ەشكٸمدٸ باسىندىرعان جوق. "ەسٸكتەن كەلٸپ - تٶر مەنٸكٸ, ىلديدان كەلٸپ - ٶر مەنٸكٸ" دەيتٸندەردٸڭ بەرٸن ەلٸنەن قۋىپ شىقتى... سىرتقا دا, ٸشكە دە بٸردەي , دەربەس, تەۋەلسٸز تاستٷيٸن ساياسات جٷرگٸزدٸ... كرەمل مەن باتىس, يسلام مەملەكەتٸن قۇرعىسى كەلەتٸن دٸني تاجالدار دا ٶز ويىندارىنىڭ قۇربانى قىلا المادى, قىتىرلاتىپ شاعىپ تاستايتىن ونىڭ "وڭاي جاڭعاق" ەمەس ەكەنٸن ەۋەلدەن-اق ۇعا قويدى... كەرٸموۆ - ناتو-نىڭ ەسكەري بازاسىن جاۋىپ تاستاپ, سوروس قورىن كەتٸردٸ, ەۋرووداقتىڭ سانكتسييالارىنا بىلق ەتپەدٸ, گۋۋام-نان مٷشەلٸكتەن شىقتى, وبسە-نٸ پىسقىرماي, ودكب-عا دا بايلانىپ قالمادى, قىرعىزستاندا رەسەيلٸكتەردٸڭ ەسكەري بازا ورناتۋىنا قارسىلىق بٸلدٸرٸپ, ەۋرازييالىق وداقتى ماڭىنا جۋىتپادى... "نا نەكوتورىح زارۋبەجنىح تەلەكانالاح وتمەچايۋتسيا فاكتى ۆوسحۆالەنييا لەنينسكيح ي ستالينسكيح ۆرەمەن, ەپوحي سسسر. نام نەپريەملەم تاكوي پودحود. ۋ ناس ەست سۆوي پۋت رازۆيتييا, وتۆەچايۋششيي چايانييام نارودا. يا حوچۋ ەششە راز زاياۆيت, چتو ۆوزۆراتا ك تاكومۋ پروشلومۋ نە بۋدەت. ۋزبەكيستان نيكوگدا نە ۆويدەت ۆ وبەدينەنييا ناپودوبيە بىۆشەگو سسسر» —دەدٸ يسلام اقساقال پارلامەنت تٶرٸندە...
ەشبٸر ەلمەن سوعىسپادى, تالاسپادى, ٶزٸن ەلەمدٸك دەڭگەيدەگٸ ساياساتكەر ەكەنٸن دەلەلدەۋگە تىرىسپادى, بارلىق ەلمەن تەڭ دەرەجەدە بالانس ساقتادى... ەدەتتە دٸلمەرسي كەلەتٸن سىرتى سىپايى شەتەلدٸك قوناقتارعا بۋداقتاتىپ اقشا شاشپادى... يسلام ەكسترەميستەرٸن قىرىپ تاستاپ, قىرعىزستانمەن اراداعى 1000 شاقىرىمعا جۋىق شەكاراسىن تٷگەلدەي تەمٸر شەڭگەلمەن قورشاپ, اۋعانستانمەن شەكتەسەتٸن 112 شاقىرىم شەكارانى 380 ۆولتتىق ەلەكتر توقپەن قارۋلاپ, تەجٸكستانمەن شەكارالاس 1500 شاقىرىم اۋماقتى مينالارمەن بەكٸتٸپ, ەلەمنەن ەسٸگٸن تارس جاۋىپ وتىرىپ الدى...
ازاماتتىعى - بٷكٸل ەلەم ونى "ديكتاتور" اتاپ جاتقاندا, "اھ" ۇرمادى... شەتكە قول جايماي, ەكونوميكاسىن ەرتاراپتاندىرۋعا اتسالىسىپ, اۋىلشارۋاشىلىعىن دامىتتى... تەكستيل, جەمٸس-جيدەك, اۆتوموبيل, پويىز, ماقتا, قارا تەمٸرٸ, التىنى مەن مۇناي - گازىن شىعاردى... ەۋرازييالىق وداققا مٷشەلٸككە ەنبەسە دە, رەسەيمەن ساۋدا اينالىمى بويىنشا تمد ەلدەرٸنٸڭ ٸشٸندە 4-شٸ ورىندا. سوڭعى 9 ايدا كٶكٸنٸس پەن جەمٸس-جيدەكتٸ رەسەيگە تاسىمالداۋ 78,4 پايىزعا ٶسكەن. "گازپروم" مەن "ٶزبەكمۇنايگاز" 4 ملرد تەكشە مەتر كٶگٸلدٸر وتىندى ەكسپورتتاۋ جٶنٸندە ٶزارا كەلٸسٸم-شارتقا وتىردى... مىقتى, مىعىم, سانى مەن تەxنيكالىق قۋاتى جاعىنان ەشكٸمگە دەس بەرمەيتٸن ۇلتتىق ارمييا قۇردى. تسرۋ مەلٸمەتٸ بويىنشا, ۇلتتىق ەسكەري پوتەنتسيالى جٶنٸندەگٸ رەيتينگتە ٶزبەكتەر بٸزدەن بٸر ادىم الدا. "ٶزبەك بايىسا - تام سالادى" دەپ كٷلسەك, ولار: "قازاق بايىسا - استانا سالادى" دەپ زٸلدٸ ەزٸلدەرٸمەن بٸزدٸ سازعا وتىرعىزدى... تەۋەلسٸزدٸكتٸڭ باسىندا xالىق سانى 19 ملن ەدٸ, قازٸر 31 ملنعا جەتتٸ, دەموگرافييالىق اxۋالدىڭ ارتۋىنا بايلانىستى, ينفراقۇرىلىمسىز سالىنعان قىشلاقتاعى ەسكٸ ٷيلەر بۇزىلىپ, ورنىنا 150 شارشى مەترلٸك زامانۋي ەكٸ قاباتتى تۇرعىن ٷيلەر تۇرعىزىلدى. 50 مىڭ دوللار اقشا 15 جىلعا ازعانتاي پايىزبەن نەسيەگە بەرٸلٸپ, ميلليونداعان ٶزبەك ٷيلٸ بوپ قارىق بوپ قالدى...
دەسە دە, كەدەيلٸكتٸڭ كەبٸسٸن كيٸپ, ٶزگە ەلدە ۇلتان بوپ جٷرگەن ٶزبەك كٶپ. تەك قانا رەسەيدە 1,9 ملن ەڭبەك ميگرانتتارى تٸركەلگەن. تەجٸكستان جەنە قىرعىزستانداعى سۋ داۋى ەلٸ شەشٸلگەن جوق, بٸزبەن شەكارالاس اۋماقتا شەكاراشىلارىمىزدىڭ ارا-تۇرا قاعىسىپ قالاتىن سەتتەرٸ از ەمەس. ناركوترافيك, ۆاليۋتا مەسەلەسٸ كٷردەلٸ... بۇل ەلدە ورتا جەنە شاعىن بيزنەستٸ جٷرگٸزۋ وڭاي ەمەس. ٶزبەكستانداعى ادام قۇقىعى مەن سٶز بوستاندىعىنا, قۇقىق قورعاۋ ورگاندارىنىڭ وزبىرلىعىنا تٶبە شاشىڭىز تٸك تۇرادى, كٶرشٸگە قاراپ, بٸزدەگٸ ساياسي اxۋالعا شٷكٸرشٸلٸك ايتىپ قوياتىنىمىز تاعى بار... ەندٸجانداعى قاقتىعىستا قازا تاپقان 187 ادامنىڭ ٶلٸمٸ - تەۋەلسٸزدٸكتٸڭ قالىپتاسۋى جىلدارى تاريxىنداعى قارا تاڭبا بوپ قالارى xاق... تۋعان قىزى گٷلنەرمەن تاق تالاستىعى مەن اقشا ارازداستىعى - ٶزبەك ليدەرٸنٸڭ بەدەلٸن كٶتەرە قويمادى, جەمقورلىق اتتى ٸندەتپەن كٷرەستە ازۋلى ديكتاتوردىڭ ەلٸ جەتپەگەنٸ ەمبەگە ايان... "ترانسپەرەنسي ينتەرنەشنل" xالىقارالىق ۇيىمىنىڭ رەيتينگٸسٸ بويىنشا ٶزبەكستان 150-شٸ ورىندا...
1996 -شى جىلى يۋنەسكو-نىڭ شەشٸمٸمەن "ەمٸر تەمٸر جىلى" تويلانىپ جاتقان تۇستا, ۇمىتپاسام, فرانتسييادا سٶيلەگەن سٶزٸندە يسلام كەرٸموۆتىڭ "ەمٸر تەمٸر - ەۋروپانى ساقتاپ قالدى" دەگەنٸ بار-تىن, ٶزبەك ليدەرٸنٸڭ 27 جىلدىق ەل باسقارۋىن ساراپتاي كەلٸپ, يسلام كەرٸموۆ - ورتا ازييانى يگ سودىرلارىنان ساقتاپ قالعان تۇلعا دەگٸم كەلەدٸ...
"قاتتى جەرگە قاق تۇرار, قايراتتى ەرگە باق تۇرار" دەگەن... يسلام اعانىڭ بٸربەتكەي مٸنەزٸ, قايسارلىعى مەن جٷرەكتٸلٸگٸ - ەلەم كٶز الارتقان يەن بايلىقتىڭ يەسٸ - ورتالىق ازييا اۋماعىنىڭ تۇتاستىعىنا قالقان بولعان نەگٸزگٸ فاكتور...
جازىلىپ كەتسٸن ٶزبەكتٸڭ ەمٸر-تەمٸرٸ...
تاۋلار الىستاعان سايىن, بيٸكتەي تٷسە مە, قالاي...بٸزدٸڭ ەندٸگٸ ۋايىم - كەرٸموۆتىڭ ورنىنا كٸم كەلەدٸ? كٶپجىلدىق قالقان تالقاندالىپ قالماي ما?
باۋىرلاس ەلگە بٸزدەن تٸلەك - تەك قانا تىنىشتىق بولسىن!
دينا ەلگەزەكتٸڭ فەيسبۋكتەگٸ جازباسىنان
