ديماش قۇدايبەرگەننٸڭ جازدا ەلوردادا ٶتەتٸن «ارناۋ» اتتى جەكە كونتسەرتٸن شەتەلدٸك بٸرنەشە تەلەارنا كٶرسەتەتٸن بولادى, دەپ حابارلايدى قازاقپارات تٸلشٸسٸ.
ەسكە سالا كەتسەك, ديماش قۇدايبەرگەن اقش-تاعى تانىمال ينتەرنەت الاڭداردىڭ بٸرٸ - Ranker-دەگٸ «The Best Singers of All Time» (دەۋٸردٸڭ ۇلى ەنشٸلەرٸ) داۋىس جيناۋ سايىسىنا قاتىسقانىن بۇعان دەيٸن حابارلاعان بولاتىنبىز. ەنشٸ اتالمىش رەيتينگتە ەۋ باستا ەكٸنشٸ ورىنعا دەيٸن كٶتەرٸلگەنٸمەن, كەيٸن جٷزدٸكتەن شىعىپ قالعان ەدٸ.
وكق-دا ٶتكەن باسپاسٶز مەسليحاتىندا ديماشقا اتالمىش ينتەرنەت-ساۋالناماعا قاتىستى سۇراق قويىلدى.
«سٶزدٸڭ شىنى كەرەك, ينتەرنەتتەگٸ داۋىس بەرۋ بايقاۋىن وقىرماندارىمنان ەستٸپ بٸلدٸم. ٶيتكەنٸ, مەن ول كەزدە شەتەلدە جٷردٸم. قىزۋ تالقىعا تٷسٸپ جاتقان نە داۋىس بەرۋ دەپ قاراپ ەدٸم, ٸشٸندە مەنٸ مايكل دجەكسون, فرەددي مەركيۋري سەكٸلدٸ ەلەمدٸك جۇلدىزدارمەن قاتار قويىپتى. بٸر جاعىنان, بۇل جاعداي مەنٸ ٶتە ەرەكشە سەزٸمگە بٶلەدٸ. ونداي كٸسٸلەرمەن دەڭگەيلەس بولۋ ٷشٸن ەلٸ كٶپ تەر تٶگٸپ, ايانباي ەڭبەك ەتۋٸم كەرەك. وسى ورايدا داۋىس بەرۋ كەزٸندە قولداعان جەرلەستەرٸمە, شەتەلدەگٸ تىڭدارماندارىما شىن جٷرەكتەن العىس ايتامىن. بٸراق, ول ەشقانداي بايقاۋ نەمەسە جوبا ەمەس, ينتەرنەت جٷيەسٸندەگٸ كٸشٸگٸرٸم ساۋالناما عانا بولاتىن. سٸزدەردٸڭ ماعان دەگەن ماحابباتتارىڭىز بەن نيەتتەرٸڭٸز وسىندايدا كٶرٸندٸ. ٷمٸتتەرٸڭٸزدٸ اقتاۋ ٷشٸن بارىمدى سالىپ, جانىمدى سالىپ, تالماي, تىنباي ەڭبەك ەتە بەرەمٸن», - دەدٸ ديماش قۇدايبەرگەن.
باسپاسٶز مەسليحاتى بارىسىندا «قازاقستان» رترك اق تٶراعاسى ەرلان قارين استانادا ٶتەتٸن ديماشتىڭ كونتسەرتٸنە شەتەلدٸك تەلەارنالار قازٸردٸڭ ٶزٸندە قىزىعۋشىلىق تانىتىپ وتىرعانىن تٸلگە تيەك ەتتٸ.
شەتەلدٸك تەلەارنالار مەن تەلەراديوكورپوراتسييالار ەرتٷرلٸ سۇراۋلار جولداپ جاتىر. استانادا ٶتەتٸن وسىناۋ كونتسەرت بٸرنەشە شەتەلدٸك تەلەارنا ارقىلى تارالادى. سول سەبەپتٸ, اۋديتورييا ٷلكەن. ۇيىمداستىرۋ جۇمىسىن كەڭ اۋقىمدا جٷرگٸزگەلٸ وتىرمىز. ٶز ەلٸندە, ٶز الاڭىندا, مىڭداعان فاناتتارىنىڭ الدىندا ٶتەتٸن ديماشتىڭ كونتسەرتٸنە وراي قولداۋلارىڭىزدى سۇرايمىز», - دەدٸ ەرلان قارين.
ەسكە سالا كەتسەك, بٷگٸن وكق-دا ٶتكەن باسپاسٶز مەسليحاتىندا ديماش قۇدايبەرگەن جاستار جىلى اياسىندا استانادا كونتسەرت بەرەتٸنٸن ايتقان بولاتىن.
