قازاقستاندىق ەنشٸ ديماش قۇدايبەرگەن قىتايدىڭ حۋنان پروۆينتسيياسىندا بولعان سۋ تاسقىنى اپاتىنان زارداپ شەككەندەرگە اقشالاي كٶمەك كٶرسەتتٸ, دەپ حابارلايدى قازاقپارات.
Hunan تەلەارناسىنىڭ weibo ەلەۋمەتتٸك پاراقشاسىندا جارييالانعان اقپاراتقا قاراعاندا, ديماش Mango V قورى ارقىلى حۋنان پروۆينتسيياسىنداعى سۋ تاسقىنىنان كەيٸن قايتا قالپىنا كەلتٸرۋ جۇمىستارى ٷشٸن كٶمەك رەتٸندە 300 مىڭ يۋان (14 ميلليون تەڭگە) قاراجات اۋدارعان.
قازاقستاندىق ەنشٸ حۋنان پروۆينتسيياسىندا ٶتكەن «Singer» ەن بايقاۋى ارقىلى ەلەمگە تانىلعاندىعىن ايتا كەلٸپ, بۇل كٶمەكتٸ ٶزٸنٸڭ ازاماتتىق بورىشى دەپ ەسەپتەيتٸندٸگٸن جەتكٸزگەن.
ايتا كەتەيٸك, ماۋسىم ايىنىڭ سوڭىنان باستاپ جاۋعان تولاسسىز جاۋىن سالدارىنان قىتايدىڭ حۋنان پروۆينتسيياسىندا الاپات سۋ تاسقىنى بولىپ, كٶپتەگەن ادامدار ٷي-كٷيسٸز قالعان ەدٸ. اپاتتىڭ سالدارىن جويۋعا قىتاي ٷكٸمەتٸ مەن ەلدٸڭ تانىمال ادامدارى قول ۇشىن بەرۋدە.
ەسكە سالساق, ديماش بيىلعى جىلدىڭ باسىندا حۋنان پروۆينتسيياسىنىڭ ورتالىق قالاسى چانشا قالاسىندا «Singer 2017» ەن بايقاۋىنا قاتىسىپ ەكٸنشٸ ورىندى جەڭٸپ الدى. سول ارقىلى قازاقستاندىق ەنشٸ قىتايعا جەنە ەلەمنٸڭ كٶپتەگەن ەلدەرٸنە تانىمال بولدى.
