قازاقستاندىق تانىمال ەنشٸ ديماش قۇدايبەرگەننٸڭ شىعارماشىلىعىنا ارنالعان سۋرەت بايقاۋى جارييالاندى, دەپ حابارلايدى "ۇلت اقپارات" قالالىق مەدەنيەت جەنە سپورت باسقارماسىنا سٸلتەمە جاساپ.
ٷزدٸك سۋرەت تۋىندىلارى 26 ماۋسىم - 26 شٸلدە ارالىعىندا «مەڭگٸلٸك ەل» قاقپاسىنداعى زاماناۋي ٶنەر گالەرەياسىنا قويىلادى. ولاردى كٶرمە كەلۋشٸلەرٸ مەن ديماش قۇدايبەرگەنوۆتٸڭ فاناتتارى ساتىپ الا الادى.
«بايقاۋعا كارتينالار, مٷسٸندەر, كەستەلەر مەن ديماش قۇدايبەرگەننٸڭ باسقا دا تەحنيكالاردا ورىندالعان سۋرەتتەرٸ قابىلدانادى. وندا كەسٸپقوي جەنە ەۋەسقوي سۋرەتشٸلەر, ستۋدەنتتەر, سەندٸك-قولدانبالى ٶنەر شەبەرلەرٸ جەنە كەز كەلگەن ادام قاتىسا الادى. قاتىسۋشىلارعا ەش شەكتەۋ قويىلمايدى. كٶرمەگە قاتىسۋعا ٶتٸنٸمدەر مەن تۋىندىلاردىڭ فوتوسۋرەتتەرٸ 5-20 ماۋسىم ارالىعىندا triumf.arka@mail.ru ەلەكتروندى مەكەنجايىنا جولدانۋى تيٸس», - دەلٸنگەن باسقارمانىڭ رەسمي حابارلاماسىندا.
كٶرمەگە كٸرۋ ٷشٸن «مەڭگٸلٸك ەل» قاقپاسىنا بيلەت ساتىپ الۋ كەرەك: ەرەسەكتەر ٷشٸن - 500 تگ., بالالار ٷشٸن - 350 (7 جاسقا دەيٸنگٸ بالالارعا تەگٸن), ستۋدەنتتەر مەن جەڭٸلدٸگٸ بار ساناتتاعى ازاماتتارعا - 250 تگ.
ەسكە سالايىق, ديماش قۇدايبەرگەنوۆتٸڭ جەكە كونتسەرتٸ 29 ماۋسىمدا «استانا ارەنا» ستاديونىندا ٶتەدٸ. ديماشتىڭ «ارناۋ» اتتى شوۋ باعدارلاماسى ەلوردا كٷنٸنە ارنالادى. كونتسەرتكە ەلەمنٸڭ 15 مەملەكەتٸنەن ديماشتىڭ فاناتتارى كەلەدٸ.
