ەنشٸ ديماش قۇدايبەرگەن تۋعان جەرٸ اقتٶبە قالاسىنا كەلدٸ, دەپ حابارلايدى قازاقپارات تٸلشٸسٸ.
اقتٶبەدە «باقىتتى بالا» اشىق بالالار ۆوكالدىق فەستيۆال-بايقاۋى ٶتەدٸ. 1-2 ماۋسىم كٷندەرٸ ٶنەر ورتالىعىندا ٶتەتٸن بايقاۋعا ديماش قۇدايبەرگەن دە قاتىسىپ, ٷمٸتكەرلەردٸڭ ٶنەرٸن تاماشالايدى. بۇعان دەيٸن حابارلاعانىمىزداي, گالا كونتسەرت, ماراپاتتاۋ كەزٸندە ديماش قۇدايبەرگەن, دانەليا تٶلەشوۆا ەن شىرقايدى. اقىلداستار القاسىنا كٸرگەن ەنشٸ ديماش قۇدايبەرگەن فەستيۆال سوڭىندا ٶزٸنٸڭ اتاۋلى جٷلدەسٸن تابىس ەتپەك.
«بايقاۋدا ەدٸلقازىلار القىسى مەن اقىلداستار القاسى بار. ديماش اقىلداستار القاسىنا كٸرٸپ وتىر. ول كونكۋرسقا قاتىسۋشىلاردى تىڭداپ, ٶز پٸكٸرٸن ايتا الادى. بٸراق ەدٸلقازىلاردىڭ شەشٸمٸنە ارالاسپايدى. ال گالا كونتسەرت كەزٸندە ديماش قۇدايبەرگەن بٸرنەشە ەن ايتادى», - دەدٸ «ديماش الي» شىعارماشىلىق ورتالىعىنىڭ جەتەكشٸسٸ قانات ايتباەۆ
ايتا كەتەيٸك, ديماش قۇدايبەرگەننٸڭ «باستاۋ» اتتى كونتسەرتٸندە شوۋ دايىنداعان رەجيسسەر اننا وبويانسكايا «باقىتتى بالا» بايقاۋىنىڭ گالا كونتسەرتٸن ٶز قولىنا الدى.
