Ánshi Dimash Qudaibergen týǵan jeri Aqtóbe qalasyna keldi, dep habarlaidy QazAqparat tilshisi.
Aqtóbede «Baqytty bala» ashyq balalar vokaldyq festival-baiqaýy ótedi. 1-2 maýsym kúnderi Óner ortalyǵynda ótetin baiqaýǵa Dimash Qudaibergen de qatysyp, úmitkerlerdiń ónerin tamashalaidy. Buǵan deiin habarlaǵanymyzdai, gala kontsert, marapattaý kezinde Dimash Qudaibergen, Danelia Tóleshova án shyrqaidy. Aqyldastar alqasyna kirgen ánshi Dimash Qudaibergen festival sońynda óziniń ataýly júldesin tabys etpek.
«Baiqaýda ádilqazylar alqysy men aqyldastar alqasy bar. Dimash aqyldastar alqasyna kirip otyr. Ol konkýrsqa qatysýshylardy tyńdap, óz pikirin aita alady. Biraq ádilqazylardyń sheshimine aralaspaidy. Al gala kontsert kezinde Dimash Qudaibergen birneshe án aitady», - dedi «Dimash Ali» shyǵarmashylyq ortalyǵynyń jetekshisi Qanat Aitbaev
Aita keteiik, Dimash Qudaibergenniń «Bastaý» atty kontsertinde shoý daiyndaǵan rejisser Anna Oboianskaia «Baqytty bala» baiqaýynyń gala kontsertin óz qolyna aldy.
