فوتو: Dimashnews.com
ەلەمگە ەيگٸلٸ قازاقستاندىق ەنشٸ ديماش قۇدايبەرگەن نيۋ-يوركتەگٸ اتاقتى Madison Square Garden ساحناسىندا جەكە كونتسەرت ٶتكٸزدٸ. بۇل — تمد ەلدەرٸنٸڭ ٸشٸندە وسى ساحنادا جەكە كونتسەرت قويعان تۇڭعىش ەنشٸ, دەپ حابارلايدى Ult.kz QAZAQSTAN ارناسىنا سٸلتەمە جاساپ.
20 مىڭ كٶرەرمەنگە ارنالعان ارەنانى جانكٷيەرلەر لىق تولتىردى. كەشكە اقش-پەن قاتار, ەۋروپا, ازييا جەنە لاتىن امەريكاسىنان كەلگەن تىڭدارماندار قاتىستى. ديماشتىڭ ٶنەرٸن كٶرۋگە اسىققان كٶرەرمەندەر ونىڭ ساحناعا شىعۋىن ۇزاق كٷتكەندەرٸن ايتتى.
كونتسەرت بارىسىندا ديماش قازاقتىڭ رۋحىن تانىتقان ەرەكشە باعدارلاماسىن ۇسىندى. كٶرەرمەندەر ەنشٸمەن بٸرگە قازاقستاننىڭ ەنۇرانىن ورىنداپ, دومبىرا ٷنٸمەن كٶمكەرٸلگەن حالىق ەندەرٸنە سٷيسٸنە قول سوقتى. ەسٸرەسە «تاۋ ٸشٸندە» ەنٸ زالدى ەرەكشە ەسەرگە بٶلەدٸ. سونداي-اق ديماش تىڭدارمانعا جاڭا تۋىندىسىن دا تانىستىردى.
ديماش قۇدايبەرگەن:
«مەن – اقتٶبەدە تۋعان قاراپايىم قازاق بالاسىمىن. بٷگٸن ەلەمدەگٸ ەڭ اتاقتى Madison Square Garden ساحناسىندا قازاق تٸلٸندە ەن ايتىپ, ٶز مەدەنيەتٸمٸزدٸ دەرٸپتەپ تۇرمىن. بۇعان كەزٸندە ٶزٸم دە سەنبەس ەدٸم. بۇل — سٸزدەردٸڭ دۇعالارىڭىز بەن قولداۋلارىڭىزدىڭ ارقاسى. بارلىقتارىڭىزعا مىڭ العىس!»
كەش ٷش ساعاتقا سوزىلدى. كٶرەرمەندەردٸڭ ايتۋىنشا, ۋاقىت قالاي ٶتكەنٸن بايقاماي قالعان.
«ديماش ساحنادا بارىن سالدى. ونىڭ داۋىسى مەن ەنەرگيياسى تاڭعالدىرادى. بٸز ميلۋوكيدەن ارنايى كەلدٸك, كەلەسٸ كونتسەرتٸن دە جٸبەرمەيمٸز!» — دەدٸ تىڭدارمان ەريك.
«ول ورىنداعان ەربٸر ەننٸڭ ٶز سىرى بار. تٸپتٸ بٸز دە قازاقشا ەن ايتىپ كەتتٸك!» — دەپ قوستى دجوناتان ەسٸمدٸ كٶرەرمەن.
وسىلايشا ديماشتىڭ ەلەمدٸك گاسترولدٸك تۋرى اقش-تا باستالدى. ەكٸ كٷننەن كەيٸن ول مەكسيكادا, ال ودان سوڭ يسپانييا, ۇلىبريتانييا, گەرمانييا جەنە لاتۆييادا ٶنەر كٶرسەتپەك.
