ەنشٸ ديماش قۇدايبەرگەن اقش پرەزيدەنتٸ دجو بايدەننٸڭ يناۋگۋراتسيياسىن مەرەكەلەۋ اپتالىعىنىڭ اشىلۋ سالتاناتىنا قاتىسادى, دەپ حابارلايدى dimashnews.com.
دەستٷر بويىنشا بۇل ٸس-شارانى باۋىرلاس قالالار قاۋىمداستىعى – «Sister Cities International» ۇيىمى ٶتكٸزەدٸ. اقش-تىڭ جاڭادان سايلانعان پرەزيدەنتٸ دجوزەف بايدەن بۇل ۇيىمنىڭ قۇرمەتتٸ تەڭ تٶراعاسى بولدى. سونىمەن قاتار بۇل ٸس-شاراعا ديپلوماتييالىق كورپۋس تا قاتىسادى.
كوروناۆيرۋس پاندەميياسىنا بايلانىستى مەرەكە 2021 جىلدىڭ 17 قاڭتارىندا ساعات 19:00-دەن 21:00-گە دەيٸن (نۇر-سۇلتان ۋاقىتى بويىنشا ساعات 6:00-دەن 8:00-گە دەيٸن) ونلاين رەجيمدە ٶتەدٸ.
ايتا كەتەرلٸگٸ, ۆاشينگتوندا ورنالاسقان «Sister Cities International» حالىقارالىق ٷكٸمەتتٸك ەمەس ۇيىمىنىڭ نەگٸزٸن 1953 جىلى اقش-تىڭ 34-پرەزيدەنتٸ دۋايت ەيزەنحاۋەر قالاعان.
سول كەزدەن بەرٸ اقش پرەزيدەنتتەرٸ دجون ف. كەننەدي, ٷلكەن دجوردج بۋش, بيلل كلينتون, باراك وباما جەنە دونالد ترامپ بۇل ۇيىمنىڭ قۇرمەتتٸ تەڭ تٶراعالارى بولدى.
70 جىلعا جۋىق تاريحىندا «Sister Cities International» اقش قالالارى جەنە ونىڭ 130-دان اسا مەملەكەتتەگٸ باۋىرلاس قالالارىنىڭ ٶزارا ەرەكەتتەسۋٸنە بايلانىستى كٶپتەگەن ٸس-شارانى ٶتكٸزگەن.
وسى جىلى «Sister Cities International» سەگٸز مەرتە «گرەممي» جٷلدەگەرٸ – اڭىزعا اينالعان ەنشٸ دايون ۋورۆيككە ۇزاق جىلدار ەتكەن ەڭبەگٸ ٷشٸن ماراپات ۇسىنادى.
سونىمەن قاتار, دايون ۋورۆيكتٸڭ ەلەمگە «The Weeknd» رەتٸندە بەلگٸلٸ ٷش مەرتە «گرەممي» جٷلدەگەرٸ ابەل تەسفايمەن بٸرلەسٸپ جۇمىس ٸستەي باستاعانى بەلگٸلٸ بولدى.
«Sister Cities International» ۇيىمىنىڭ نەگٸزٸ قالانعالى جەنە اقش پەن قازاقستاننىڭ قارىم-قاتىناسى تاريحىندا العاش رەت جاڭا سايلانعان اقش پرەزيدەنتٸنٸڭ يناۋگۋراتسيياسىن تويلاۋ اپتالىعىن اشۋشى ٸس-شاراعا قازاقستاندىق ەنشٸ – ديماش قۇدايبەرگەن قاتىسادى.
«Sister Cities International» ٸس-شاراسىنان بٸر كٷن بۇرىن, 16 قاڭتاردا قازاقستاندىق ورىنداۋشىنىڭ «DIMASH DIGITAL SHOW» اتتى العاشقى ونلاين-كونتسەرتٸ ٶتكٸزٸلەتٸنٸن دە اتاپ ٶتۋ كەرەك. وعان بيلەتتەردٸ مىنا سٸلتەمەدە ساتىپ الۋعا بولادى.
