بٷگٸن قازاقتىڭ اتىن ايداي ەلەمگە تانىتقان تالانتتى ەنشٸ, وتانداسىمىز دٸنمۇحاممەد قاناتۇلى قۇدايبەرگەننٸڭ تۋعان كٷنٸ.
ديماش 1994 جىلى اقتٶبەدە تانىمال ەنشٸلەر, قازاقستان رەسپۋبليكاسىنىڭ مەدەنيەت قايراتكەرلەرٸ - سۆەتلانا جەنە قانات ايتباەۆتاردىڭ شاڭىراعىندا دٷنيە ەسٸگٸن اشتى. ديماشتىڭ اتا-ەجەسٸ دە ەنگە ەۋەس, مۋزىكاعا جاقىن ادامدار. بٸرٸ دومبىرادا ويناسا, ەكٸنشٸسٸنٸڭ ەن ايتۋعا بەيٸم.
ەنشٸ بالا كٷنٸنەن كيەلٸ ساحناعا قۇمار بولعان. 5 جاسىنان باستاپ فورتەپيانودا ويناۋدى ٷيرەنەدٸ. بالالار حورىندا ەن ايتادى. التى جاسىندا "اينالايىن" رەسپۋبليكالىق بايقاۋىنىڭ "فورتەپيانو" نوميناتسيياسىندا جەڭٸمپاز اتانادى. بۇل بالعىن بالا شاعىندا باعىندىرعان بٸر بيٸك بەلەسٸ ەدٸ. ودان سوڭ جاس تالانت قيياندارعا قانات قاعادى. رەسپۋبليكالىق, تٸپتٸ حالىقارالىق دودالاردا ەلٸنٸڭ اتىن اسقاقتاتىپ, ەلەمگە پاش ەتۋدەن تالمايدى.
2010 جىلى "بايقوڭىردىڭ ەسەم داۋىستارى" حالىقارالىق فەستيۆالٸنٸڭ لاۋرەاتى اتاندى. 2012 جىلى "جاس قانات" رەسپۋبليكالىق جاس ەن ورىنداۋشىلار بايقاۋىنىڭ گران-پريٸن جەڭٸپ الادى. 2012 جىلى "ۆوستوچنىي بازار" حالىقارالىق بايقاۋىندا تاعى دا باس جٷلدەنٸ قانجىعالادى. بٸر جىلدان سوڭ "مەيكين ازييا" ٸ حالىقارالىق فەستيۆالٸنٸڭ جەڭٸمپازى اتاندى.
2014 جىلى ديماش اقتٶبە قالاسىنداعى ا.جۇبانوۆ اتىنداعى مۋزىكالىق كوللەدجٸنٸڭ "اكادەمييالىق ەن ورىنداۋ" فاكۋلتەتٸن بٸتٸرٸپ, قازاق ۇلتتىق ٶنەر ۋنيۆەرسيتەتٸنٸڭ "ەسترادا ٶنەرٸ" فاكۋلتەتٸنە تٷستٸ. بۇل كەزدە جاس ەنشٸنٸ ٶنەرگە جاقىن جاندار مەن ەنشٸلەر, ٶزٸنٸڭ جەرلەستەرٸ عانا جاقسى بٸلسە كەرەك. ال جالپاق جۇرت ەلٸ ديماشتى تولىق تانىپ كەتە قويماعان. ەنشٸنٸڭ ەسٸمٸ دٷيٸم ەلگە ۆيتەبسك قالاسىندا ٶتكەن XXIV حالىقارالىق «سلاۆيان بازارى-2015» بايقاۋىندا گران-پريدٸ جەڭٸپ العان سوڭ مەشھٷر بولا تٷستٸ. ال ناعىز تانىمالدىقتى وعان قىتايدا ٶتكەن «I am singer» جوباسى سىيلادى.
كٸل مىقتىلار باس قوسقان بۇل جوبا باستالىسىمەن-اق ديماش مايتالمان ماماندار نازارىنا ٸلٸكتٸ. العاشقى سايىس كٷنٸ دانيەل بالاۆۋاننىڭ "SOS d'un terrien en detresse" ەنٸن ٶتە جوعارى دەڭگەيدە ورىنداپ, كٶرەرمەندەر كٶزايىمىنا اينالدى. تٸپتٸ, جوبا ماماندارى "تەڭٸر ٶزٸ نازارىنا العان جاس ەنشٸ" دەپ جوعارى باعا بەردٸ. ودان كەيٸنگٸ كەزەڭدەردە اتاقتى «وپەرا-2» ەنٸن ۆيتاستان 2 تون جوڭعارى ورىنداپ, بٷكٸل قىتاي حالقىن «بوتاداي بوزداتتى». ونىڭ جانكٷيەرلەرٸ كٷن ساناپ, ساعات ساناپ كٶبەيٸپ جاتتى. ەنشٸنٸ فاناتتارى كٷنٸ-تٷنٸ اڭدىپ, ول مٸنگەن ۇشاق رەيستەرٸنە بيلەت ساتىپ الۋدى شىعاردى. ونى ەۋەجايدان بٸر كٶرٸپ قالۋدىڭ ٶزٸن شەكسٸز باقىتقا بالايتىندار قاپتادى. وسى سەكٸلدٸ جاعدايلار كٶبەيگەن سوڭ ول قوناقٷيٸن جيٸ-جيٸ اۋىستىرىپ وتىرۋعا مەجبٷل بولادى. الايدا, جانكٷيەرلەرمەن كەزدەسە قالعان جاعدايدا بەرٸنە قولتاڭبا ٷلەستٸرٸپ, سۋرەتكە تٷسٸپ, جىلى شىراي تانىتۋدان قاشپايدى. بۇرىن-سوڭدى قازاق ەنشٸلەرٸنەن وسىنداي تانىمالدىلىققا جەتكەن, وسىنشا حالىقتى تالانتىنا تابىندىرعانى بولماعان ەدٸ. تٸپتٸ, ەلەمگە تاڭداي قاقتىرعان لارا فابيان سىندى كٷمٸس كٶمەي ەنشٸنٸڭ ٶزٸ قازاقستاندىق جاس تالانتپەن كەزدەسۋگە قۇمار ەكەندٸگٸن ەلەۋمەتتٸك جەلٸدە جازدى. بۇل تەك ديماشتىڭ ٶمٸرٸندەگٸ ەمەس, تۇتاس قازاق ەستراداسىنىڭ تاريحىنداعى جارقىن سەتتەر ەدٸ.
15 سەۋٸر كٷنٸ «I am singer» جوباسى مەرەگە جەتٸپ, ديماش قۇدايبەرگەن 2-شٸ ورىن الدى. بۇل جاس ەنشٸ ٷشٸن ٷلكەن جەتٸستٸك ەدٸ, سەبەبٸ كٸل مىقتىلار سىنعا تٷسكەن بۇل جوبانىڭ تالابى دا, دەڭگەيٸ دە جوعارى بولاتىن.
مٸنە, وسىلاي ەل داڭقىن اسپانداتقان داۋىلپاز ەنشٸ, بٷگٸنگٸ زاماننىڭ ەمٸرەسٸ 23 جاسقا تولىپ جاتىر. حالىقتىڭ سٷيٸسپەنشٸلٸگٸنە بٶلەنگەن ەنشٸگە ەردايىم اق جول تٸلەيمٸز!
