كٶرنەكٸ سۋرەت
اۆتوريتار باسشىسى "كوروناۆيرۋس جوق" دەپ مەلٸمدەگەن تٷركٸمەنستاندا ٸندەت باستالعالى بەرٸ كوۆيدپەن بايلانىستى 25 مىڭ ادام ٶلٸمٸ تٸركەلگەن. تٸزٸم قۇپييا تٷزٸلٸپ, جارييالانباعان. ازاتتىقتىڭ تٷركٸمەن قىزمەتٸنە ەلدەگٸ دەنساۋلىق ساقتاۋ سالاسىنداعى دەرەككٶزٸ وسىلاي دەپ مەلٸمدەدٸ.
"[كوروناۆيرۋستان] قايتىس بولعانداردىڭ ٶلٸمٸ تۋرالى مەلٸمەت جارييالانباعانمەن كٷن سايىن ايماقتاعىلار دەنساۋلىق ساقتاۋ مينيسترٸنە سول جٶنٸندە باياندايدى" دەدٸ دەرەككٶزٸ.
امەريكالىق دجونس حوپكينس ۋنيۆەرسيتەتٸ مەن دٷنيەجٷزٸلٸك دەنساۋلىق ساقتاۋ ۇيىمى جيناعان مەلٸمەتكە سەيكەس, ەلەمدە كوروناۆيرۋس جٶنٸندە دەرەك بەرمەگەن كەمٸندە بەس مەملەكەت بار. اراسىندا 6 ملن حالىق تۇراتىن تٷركٸمەنستان دا بار. ٷش ەل تىنىق مۇحيتىندا قۇرلىقتان الشاق ورنالاسقان. تٶرتٸنشٸسٸ – سولتٷستٸك كورەيا.
تٷركٸمەنستاندى 2006 جىلدان بەرٸ باسقارىپ كەلە جاتقان گۋربانگۋلى بەردٸمۇحامەدوۆ "ەلدە كوروناۆيرۋس بار" دەگەن اقپاراتتى تەرٸستەپ, قىركٷيەك ايىندا بۇۇ باس اسسامبلەياسىندا سٶيلەگەن كەزدە كوروناۆيرۋسپەن كٷرەس شارالارىن "ساياسيلاندىرۋدىڭ قاجەتٸ جوق" دەپ مەلٸمدەگەن.
