kórneki sýret
Avtoritar basshysy "koronavirýs joq" dep málimdegen Túrkimenstanda indet bastalǵaly beri kovidpen bailanysty 25 myń adam ólimi tirkelgen. Tizim qupiia túzilip, jariialanbaǵan. Azattyqtyń Túrkimen qyzmetine eldegi densaýlyq saqtaý salasyndaǵy derekkózi osylai dep málimdedi.
"[Koronavirýstan] qaitys bolǵandardyń ólimi týraly málimet jariialanbaǵanmen kún saiyn aimaqtaǵylar densaýlyq saqtaý ministrine sol jóninde baiandaidy" dedi derekkózi.
Amerikalyq Djons Hopkins ýniversiteti men Dúniejúzilik densaýlyq saqtaý uiymy jinaǵan málimetke sáikes, álemde koronavirýs jóninde derek bermegen keminde bes memleket bar. Arasynda 6 mln halyq turatyn Túrkimenstan da bar. Úsh el Tynyq muhitynda qurlyqtan alshaq ornalasqan. Tórtinshisi – Soltústik Koreia.
Túrkimenstandy 2006 jyldan beri basqaryp kele jatqan Gýrbangýly Berdimuhamedov "elde koronavirýs bar" degen aqparatty teristep, qyrkúiek aiynda BUU Bas assambleiasynda sóilegen kezde koronavirýspen kúres sharalaryn "saiasilandyrýdyń qajeti joq" dep málimdegen.
