گەرمانييا بارلاۋ مەكەمەسٸنٸڭ باسشىسى برۋنو كال رەسەيلٸك وپپوزيتسيونەر الەكسەي ناۆالنىيعا "نوۆيچوك" ەسكەري ۋىنىڭ "قاتتى ەسەرٸ بار" جاڭا تٷرٸ بەرٸلگەنٸ تۋرالى حاباردى راستادى. بۇل تۋرالى جۇما كٷنٸ نەمٸستٸڭ Der Spiegel جۋرنالى جازدى. كال ەلگٸ ۋ تۋرالى قۇپييا كەڭەستە ايتقان دەپ جازادى جۋرنال. رەسمي ورگاندار بۇل حاباردى راستاعان دا, تەرٸستەگەن دە جوق.
وسىعان دەيٸن گەرمانييانىڭ Die Zeit باسىلىمى ٶز دەرەك كٶزٸنە سٸلتەمە جاساپ, ناۆالنىيعا ەسكەري ۋدىڭ "نوۆيچوكتان" دا قاۋٸپتٸ جاڭا تٷرٸ بەرٸلگەن دەپ حابارلاعان. گازەتتٸڭ جازۋىنشا, ناۆالنىي ٶزٸ مٸنگەن ۇشاقتى شۇعىل قوندىرعان ۇشقىشتىڭ جەدەل قابىلداعان شەشٸمٸ مەن ومبىدا وپپوزيتسيونەرگە بٸردەن اتروپين دەرٸسٸن ەككەن جەدەل جەردەم دەرٸگەرلەرٸنٸڭ ەرەكەتٸ ارقاسىندا امان قالعان.
"نوۆيچوكتىڭ" "جاڭارعان" تٷرٸن قولدانۋ – گەرمانييانىڭ ناۆالنىيعا جاسالعان قاستاندىققا رەسەي ارنايى قىزمەتتەرٸ جاۋاپتى دەپ ايتۋىنا نەگٸزگٸ دەلەل بولىپ وتىر دەپ جازادى Der Spiegel. ٶيتكەنٸ ٶتە سيرەك ەرٸ قازٸرگٸ زامانعى مۇنداي ۋدىڭ مەملەكەتتٸڭ قاتىسۋىنسىز دايىندالۋى ٶتە كٷمەندٸ.
بۇعان قوسا نەمٸس جۋرنالى ٶتكەن دەمالىستا ناۆالنىي جاتقان بەرليندەگٸ "شاريتە" اۋرۋحاناسىنا بارعان حيمييالىق قارۋعا تىيىم سالۋ جٶنٸندەگٸ حالىقارالىق ۇيىم ٶكٸلدەرٸنە ناۆالنىيدان الىنعان سىناما ٷلگٸسٸ بەرٸلگەنٸن جازادى. ودان بۇرىن گەرمانييا بيلٸگٸ ناۆالنىيدان الىنعان اناليزدەن انىقتالعان زاتتىڭ ٸزٸ ونىڭ "نوۆيچوك" ۋىنا ۇقساس ەكەنٸنە "ەش كٷمەن جوق" دەپ حابارلاعان.
2018 جىلى ۇلىبريتانييانىڭ سولسبەري قالاسىندا رەسەي ەسكەري بارلاۋىنىڭ (گرۋ) بۇرىنعى وفيتسەرٸ سەرگەي سكريپال مەن ونىڭ قىزى يۋليياعا "نوۆيچوك" ۋىن قولدانىپ قاستاندىق جاسالعان. ەكەۋٸ اۋرۋحانادا ۇزاق ەمدەلٸپ, امان قالعان. بٸراق سول كەزدە كەزدەيسوق ۋلانعان بريتان ازاماتى قايتىس بولعان.
گەرمانييا مەن باتىستىڭ ٶزگە ەلدەرٸ رەسەيدەن ناۆالنىيعا جاسالعان قاستاندىقتىقتى تەرگەۋدٸ تالاپ ەتٸپ وتىر. رەسمي مەسكەۋ ناۆالنىيدىڭ ەستەن تانىپ قالۋىنا باسقا بٸر سەبەپ بولعان دەگەن ومبى اۋرۋحاناسى دەرٸگەرلەرٸنٸڭ سٶزٸنە سٸلتەپ, وپپوزيتسيونەردٸ ەلدەكٸمدەردٸڭ ۋلاعانىن جوققا شىعارادى. بۇعان قوسا رەسەي گەرمانييا بيلٸگٸنەن ناۆالنىيدىڭ اناليز تالداۋى جايلى اقپارات بەرۋٸن سۇراپ وتىر. رەسەي ٸشكٸ ٸستەر مينيسترلٸگٸ ناۆالنىيمەن ساپاردا بٸرگە بولعان ادامداردان جاۋاپ الىپ, تەرگەۋگە دەيٸنگٸ تەكسەرۋ باستاعان.
20 تامىزدا تومسكٸدەن مەسكەۋگە بارا جاتقان ۇشاقتا ەستەن تانىپ قالعان ناۆالنىي ومبى اۋرۋحاناسىنا تٷسكەن. 22 تامىزدا ونى گەرمانيياعا ارنايى ۇشاقپەن جەتكٸزدٸ. 19 كٷن ەس-تٷسسٸز جاتقان وپپوزيتسيونەر بەرلين اۋرۋحاناسىندا ەسٸن جيعان. باق ونىڭ جاعدايى جاقساردى دەپ حابارلادى, بٸراق ناۆالنىيدىڭ ماڭايىنداعىلار ولاي ايتۋعا ەلٸ ەرتە دەيدٸ.
