بٷگٸن پارلامەنت پالاتالارىنىڭ بٸرلەسكەن وتىرىسى ٶتٸپ, التىنشى سايلانعان پارلامەنت ەكٸنشٸ سەسسيياسىن اياقتادى, دەپ حابارلايدى "ۇلت اقپارات".
«قاي كەزەڭدە بولسا دا ەلٸمٸز ٷشٸن ەرقاشاندا زاڭنىڭ ورنى ەرەكشە, ماڭىزى ٶتە زور. بٷگٸن بٸز سول زاڭداردى شىعاراتىن ەلٸمٸزدەگٸ ەڭ جوعارى ٶكٸلەتتٸ ورگان قوس پالاتالى پارلامەتتٸڭ كەزەكتٸ سەسسيياسىن اياقتاپ وتىرمىز. التىنشى شاقىرىلعان پارلامەنتتٸڭ ەكٸنشٸ سەسسيياسى ٶتە ماڭىزدى جەنە تاريحي كەزەڭدە ٶتتٸ دەۋگە بولادى», - دەپ توقتالدى قر پارلامەنتٸ مەجٸلٸسٸنٸڭ تٶراعاسى نۇرلان نىعماتۋلين.
وسىعان وراي ول دەستٷر بويىنشا اتقارىلعان جۇمىستارعا ەسەپ بەرٸپ, بولاشاق جوسپارلارمەن بٶلٸسە كەلە, قازاقستان رەسپۋبليكاسى تەۋەلسٸزدٸگٸنٸڭ 25 جىلدىعى دەكلاراتسيياسى قابىلدانعانىن, ٸرٸ كونستيتۋتسييالىق رەفورمالار جٷرگٸزٸلگەنٸن ەسكە سالىپ ٶتتٸ. بۇل تٸكەلەي حالقىمىزدىڭ بولاشاعى ٷشٸن جاسالعان ٶتە ماڭىزدى قادام.
«وسىنداي ٶتە جاۋاپتى كەزەڭدە پارلامەنت دەپۋتاتتارى پرەزيدەنتٸمٸزدٸڭ ەكٸنشٸ سەسسييانىڭ اشىلۋىندا العا قويعان ستراتەگييالىق تاپسىرمالاردى جٷزەگە اسىرۋعا بەلسەنە ارالاستى. ەكٸنشٸ سەسسييادا قوس پالاتانىڭ التى بٸرلەسكەن وتىرىسى, مەجٸلٸستٸڭ 38 جەنە سەناتتىڭ 25 جالپى وتىرىستارى ٶتتٸ. بۇل كەزەڭدە پارلامەنت قاراۋىندا 111 زاڭ جوباسى بولدى, ونىڭ 84-ٸ قابىلداندى. ولاردىڭ ٸشٸندە 15 زاڭ جوباسىنا بٸزدٸڭ دەپۋتاتتارىمىز ٶزدەرٸ باستاماشى بولدى. پارلامەنت قابىلدانعان 66 زاڭعا بٷگٸنگٸ كٷنٸ پرەزيدەنت قول قويىپ, ولار ٶز كٷشٸنە ەندٸ», - دەدٸ مەجٸلٸس تٶراعاسى.
