بٷگٸن پارلامەنتتٸڭ بٸر توپ دەپۋتاتتارى سەنبٸلٸككە شىقتى. حالىق قالاۋلىلارى استانانىڭ «VIP-ايماعى» - ەكسپو-2017 كٶرمەسٸنٸڭ دەل جانىندا (ۇلى دالا مەن مەڭگٸلٸك ەل كٶشەلەرٸنٸڭ قيىلىسىندا) اعاش ەكتٸ, دەپ حابارلايدى قازاقپارات تٸلشٸسٸ.
تاڭعى ساعات 9:00-دە جينالعان دەپۋتتار ٷشٸن شىرشا, قاراعاي, ايۋبادام (بۋزينا), جيدە, مامىرگٷل, تٸپتٸ ەمەن اعاشىن دا دايىنداپ قويدى. جەر الدىن الا تىرمالانىپ, اعاشتى وتىرعىزاتىن شۇڭقىرلار دا قازىلدى. سوندىقتان دەپۋتاتتار ٷشٸن تەك كٷرەك الىپ, اعاشتاردى وتىرعىزۋ عانا قالعان ەدٸ. سول جەردە جٷرگەن جۇمىسشىلار توپىراقتى دا زەڭبٸلمەن جەتكٸزٸپ تۇردى. حالىق قالاۋلىلارى بولسا, اعاش وتىرعىزىپ قانا قويماي, بەيرەسمي تۇرعىدا ەڭگٸمەلەسٸپ, ٶزارا قالجىڭداسىپ, بۇقارالىق اقپارات قۇرالدارىنا سۇحبات بەرٸپ تە ٷلگەردٸ.
«بٸز جولدىڭ بويىندا قورشاعان ورتانىڭ جاعىمسىز فاكتورلارىنا تٶزٸمدٸ اعاش تٷرلەرٸن وتىرعىزىپ جاتىرمىز. ونداي اعاشتار ۇزاق ۋاقىت بويى سۋسىز تۇرا الادى. بايقاپ قاراساڭىز, بۇل جەردە كٶلٸكتەر كٶپ جٷرەدٸ, شاڭ-توزاڭ بار. سول سەبەپتٸ تٶزٸمدٸ اعاش پەن بۇتالاردى وتىرعىزۋعا تىرىسامىز», - دەيدٸ پارلامەنت مەجٸلٸسٸنٸڭ تٶراعاسى نۇرلان نىعماتۋلين. وسى جولى سپيكەر فوتو مەن ۆيدەو وبەكتيۆتەرگە ٶزٸ تٷسٸپ قانا قويماي, جۋرناليستەردٸڭ بٸرەۋٸن شاقىرىپ, وتىرعىزعان اعاشىن بٸرگە سۋاردى.
ال ەيەل دەپۋتاتتار بٶلەك توپتاسىپ جٷردٸ.
ٶز اعاشتارىن وتىرعىزىپ, فوتوعا تٷسٸپ جٷردٸ. «1999 جىلى استاناعا كەلگەلٸ بەرٸ بٸردە-بٸر سەنبٸلٸكتەن قالعان ەمەسپٸن. بٸر رەتتە قىزمەتتٸك ٸس-ساپارمەن كەتٸپ قالعاندا قاتتى الاڭدادىم, مەنسٸز سەنبٸلٸك ٶتپەيتٸن سيياقتى. مٸنە, بٷگٸن كەزەكتٸ رەت شىعىپ, اعاش ەگٸپ وتىرمىز. وسى كٶشەدەگٸ اعاشتاردىڭ بارلىعىن مەملەكەتتٸك قىزمەتكەرلەر وتىرعىزدى دەۋگە بولادى», - دەيدٸ دەپۋتات مايرا ايسينا. ونىڭ ايتۋىنشا, سەنبٸلٸكتٸڭ باستى ارتىقشىلىعى - كٷندەلٸكتٸ جۇمىستى بٸر سەتكە ۇمىتىپ, ۇجىمدى باسقا قىرىنان تانۋعا مٷمكٸندٸك بار.
ايتا كەتەيٸك, بٷگٸنگٸ سەنبٸلٸككە سەنات مەن مەجٸلٸس دەپۋتاتتارىنان بٶلەك, پرەزيدەنت ەكٸمشٸلٸگٸ, پرەمەر-مينيستر كەڭسەسٸ, «نۇر وتان» پارتيياسىنىڭ ورتالىق اپپاراتى جەنە باسقا دا بٸرقاتار مەملەكەتتٸك ورگانداردىڭ قىزمەتكەرلەرٸ قاتىستى. ال اعاشتار استانانىڭ ٸرگەسٸندەگٸ باقتان جەتكٸزٸلدٸ.
.jpeg)