فوتو: Ulysmedia.kz
مەجٸلٸس دەپۋتاتى جاناربەك ەشٸمجان باستاعان دەپۋتاتتار اقپاراتتىق قاۋٸپسٸزدٸك مەسەلەسٸن كٶتەرٸپ, ٷكٸمەت باسشىسى مەن باس پروكۋراتۋراعا ساۋال جولدادى, دەپ حابارلايدى Ulysmedia.kz.
«ەلەۋمەتتٸك جەلٸلەردە جەلدەي ەسكەن كەيبٸر جەل سٶز بەن الىپقاشپا ٶسەك-اياڭ ەڭگٸمەلەر مەملەكەتتٸك قۇندىلىقتاردى دەۆالۆاتسيياعا قۇلدىراتاتىنىن تٶڭٸرەگٸمٸزدە مىسال از ەمەس. وسى ورايدا قر باس پروكۋراتۋراسىنىڭ اقپاراتتىق قاۋٸپسٸزدٸككە قاتىستى جولداعان ٷندەۋٸ ۇلتى مەن ۇلىسىنا, تەگٸ مەن جىنىسىنا قاراماستان بٷكٸل رەسپۋبليكا جۇرتشىلىعىن الاڭداتۋعا تيٸس دەپ سەسەپتەيمٸز!» - دەيدٸ ول.
دەپۋتات «سٶزدٸ اۋزىڭنان شىققانشا سەن باسقاراسىڭ, ال اۋزىڭنان شىققان سوڭ ول سەنٸ باسقارادى» دەگەن تەمسٸلدٸ كەلتٸرەدٸ. ايتۋىنشا, ەلدٸ ەكٸۇداي كٷيگە تٷسٸرٸپ, جولىنان جاڭىلدىراتىن جالعان اقپارات – جاس بالانىڭ قولىنداعى ۇستارا سەكٸلدٸ. نە ٶزٸ اراندايدى, ياكي ٶزگەنٸ ارانداتادى.
«ٶزدەرٸڭٸزگە مەلٸم, سوڭعى كەزدەرٸ ٶمٸرٸمٸزگە دەندەپ ەنگەن جاڭا مەديا, تٷرلٸ ەلەۋمەتتٸك جەلٸلەردە بۇقارانى جولدان تايدىرۋعا باعىتتالعان جالعان اقپاراتتار تاسقىنى جيٸلەپ كەتتٸ. تٷرلٸ بلوگەرلەر مەن ەسٸم-سويىن جاسىرعان ەرتٷرلٸ اكاۋنتتار, جەڭ ۇشىنان جالعاسقان بوتتار ەلدٸڭ تىنىشىن قاشىرىپ, الاۋىزدىقتىڭ شوعىن ٷرلەۋگە جول بەرۋدە. جالعان مەلٸمەتتەر تاراتىپ, ەلدٸڭ قۇلاعىن كٶتەرٸپ, مەملەكەتتٸڭ ٸشكٸ تۇراقتىلىعىن شايقالتۋعا مٷددەلٸ تەرٸس پيعىلدىلار دا جوق ەمەس», - دەيدٸ ول.
جاناربەك ەشٸمجان قازٸر بٷكٸل دٷنيە وتتان كٶيلەك كيٸپ تۇر دەيدٸ. پرەزيدەنتتٸڭ «بٸزگە سىرتقى جاۋ دا, ٸشكٸ الاۋىزدىق تا كەرەك ەمەس, بٸزدٸڭ باعىتىمىز بٸرلٸك پەن تۇراقتىلىق» دەگەنٸن ەسكە سالادى.
«ەسٸرەسە, ميلليونداعان جازىلۋشىسى بار بلوگەرلەر مەن ينتەرنەت رەسۋرستار جەتەكشٸلەرٸنٸڭ مەملەكەتشٸلدٸك جاۋاپكەرشٸلٸگٸ ماڭىزدى. ەل ٸشٸن الاتايداي بٷلدٸرٸپ, بٶلشەكتەۋگە, الاۋىزدىقتى قوزدىرۋعا, جالعان اقپارات تاراتۋعا جاسالعان ەربٸر قادامعا قۇقىقتىق تۇرعىدان قاتاڭ باعا بەرٸلۋ كەرەك. مۇنداي فەيك اقپاراتتار بٸرٸنشٸ كەزەكتە قوعامدى تۇراقسىزداندىرىپ, جانجالدى ارتتىرىپ, مەملەكەتتٸك اپپاراتتىڭ قالىپتى جۇمىس ىرعاعىن بۇزۋعا, ەلدٸڭ تىنىشىن قاشىرۋعا باعىتتالاتىنى داۋسىز. وتاندىق اقپاراتتىق ٶرٸسكە شابۋىلدى ۇيىمداستىرۋ مەحانيزمٸن تيپتٸك دەپ ايتۋعا بولادى. نەگٸزٸنەن جالعان اقپاراتتار ەڭ الدىمەن تٷبٸ كٷمەندٸ رەسۋرستاردا پايدا بولادى, ولار نەگٸزٸنەن قازاقستاننان تىس جەرلەردە ورنالاسقان. ٸلە-شالا فەيكتەر بارلىق اقپاراتتىق پابليكتەردە جەنە بلوگەرلەر مەن انونيمدٸ تەلەگرامم-ارنالار ارقىلى جاڭا مەديادا كٶرسەتٸلەدٸ. مۇنداي سحەمانى جاقسى قارجىلىق قولداۋسىز جٷزەگە اسىرۋ مٷمكٸن ەمەس. سوندىقتان تٷرلٸ جولدارمەن ەلدٸڭ ٸشٸن ٸرٸۋتۋگە باعىتتالعان مۇنداي جوبالاردىڭ ارتىندا حراپۋنوۆ, ابليازوۆ سەكٸلدٸ مىسىقتٸلەۋلەر, كەشەگٸ «قاڭتار قاسٸرەتٸندە» حالىقتىڭ قالقاسىندا تۇرىپ تەۋەلسٸزدٸكتٸڭ تامىرىنا تاس اتقان نيەتٸ بۇزىق رەۆانشيستٸك توپتاردىڭ تۇرعانى انىق», - دەيدٸ ول.
جاناربەك ەشٸمجان فەيك اقپاراتتاردى «تاراتۋ» پروتسەسٸنە قاراپايىم جەلٸ قولدانۋشى ازاماتتار دا سەنٸپ قالىپ جاتقانىنا ٶكٸنٸش بٸلدٸرەدٸ. «جاڭالىقتى» العاننان كەيٸن ولار ونى بٸردەن تۋىستارىنا, تانىستارىنا بٶلٸسەدٸ, وسىنىڭ سالدارىنان قوعام تۇراقتىلىعىن بۇزۋعا جاسالعان تەرٸس ەرەكەتتەردٸڭ قاتىسۋشىسى ەكەنٸن سەزٸنبەيدٸ. وسى سەبەپتٸ, «ەلدەگٸ اقپاراتتىق كەڭٸستٸكتٸڭ شىنايىلىعىن, ەدٸلەتتٸلٸگٸن, تازالىعىن تۇراقتاندىرۋ ٷشٸن» دەپۋتاتتار مىناداي قادامدار جاساۋ قاجەت دەپ سانايدى:
- بٸرٸنشٸ. ۋەكٸلەتتٸ ورگاندار كەز كەلگەن مەسەلەگە سەتٸندە قۇقىقتىق باعا بەرٸپ, قوعامدى, ەلدٸ شىنايى اقپاراتتارمەن قامتاماسىز ەتۋ كەرەك. سونىمەن قاتار, زاماناۋي تەحنولوگييالار ٷشٸن تٷبٸ شيكٸ, شەتتەن قارجىلىق قولداۋ الاتىن انونيمدەردٸڭ جەكە باسىن انىقتاپ, ارانداتۋشىلاردىڭ ٸس-ەرەكەتٸنە اشىق تٷردە باعا بەرۋ قاجەت.
- ەكٸنشٸ. مەملەكەتتٸك ورگاندار اقپارات بەرەدٸ, بٸراق ونىڭ جيٸلٸگٸ, ەڭ باستىسى تارالۋ جىلدامدىعى جوعارىدا سيپاتتالعان سحەمامەن سالىستىرۋعا كەلمەيدٸ. سوندىقتان ەل تەۋەلسٸزدٸگٸ مەن مەملەكەتتٸڭ تۇراقتىلىعىن, اقپاراتتىق قاۋٸپسٸزدٸكتٸ قامتاماسىز ەتەتٸن باق-تاردىڭ جۇمىسىن كەسٸبي دەڭگەيدە ۇيىمداستىرۋ كەرەك.
