ورالدىڭ مەسليحات دەپۋتاتتارى جەلاەۆ جەنە كرۋگلووزەرنوە اۋىلدىق وكرۋگ ەكٸمدەرٸن سايلادى. ال سەرسەنبٸدە 12 اۋداندىق مەسليحات دەپۋتاتتارى 93 اۋىلدىق وكرۋگ ەكٸمدەرٸن سايلاماق.
ورتالىق سايلاۋ كوميسسيياسىنىڭ دەرەگٸنشە, باتىس قازاقستان وبلىسىندا (بقو) اۋىل ەكٸمدەرٸن سايلاۋ ەكٸنشٸ رەت ٶتٸپ جاتىر. اۋدان ەكٸمدەرٸ ۇسىنعان كانديداتتارعا اۋداندىق مەسليحات دەپۋتاتتارى داۋىس بەرەدٸ. بۇل سايلاۋدا قىزمەتٸن تٶرت جىل اتقارعان ەكٸمدەردٸڭ ورنىنا سايلاۋ ٶتەدٸ.
ورىندالماعان ۋەدەلەر
ورال قالاسىنان 25 شاقىرىم جەردە ورنالاسقان كرۋگلووزەرنىي اۋىلى قالاعا جاتادى. مۇندا بەس جارىم مىڭنان كٶپ ادام تۇرادى. جۇمىسقا جارامدى حالىقتىڭ كٶبٸ ورالعا اتتانادى.
تامىزدىڭ 7-سٸندە قالالىق مەسليحاتتىڭ 13 دەپۋتاتى اۋىلدىڭ جاڭا ەكٸمٸنە داۋىس بەردٸ. وبلىستىق جاستارمەن جۇمىس جٶنٸندەگٸ رەسۋرستىق ورتالىق باسشىسى, 33 جاستاعى كەنەسارى نۇرشينوۆ ەكٸم بولدى.
سايلاۋدان بٸر كٷن بۇرىن ازاتتىق اۋىل تۇرعىندارىنان قالا ەكٸمٸ ۇسىنعان ٷش كانديداتتى – «باتىس سۋ ارناسى» سۋمەن قامتۋ كوممۋنالدىق كەسٸپورنى ۋچاسكەسٸ باستىعى تەلجان ەسەتوۆتٸ, جەرگٸلٸكتٸ مەكتەپ ديرەكتورى اسلان شاحاروۆتى جەنە نۇرشينوۆتى تانيسىزدار ما?» دەپ سۇراعان ەدٸ. اۋىل تۇرعىندارى سايلاۋ بولاتىنىن ەستٸمەگەن بولىپ شىقتى.
— مۇنداعى جۇرتپەن ىلعي سٶيلەسٸپ جٷرمٸن, بٸراق سايلاۋ ٶتكەنٸن سەنەن ەستٸپ تۇرمىن, - دەيدٸ جەرگٸلٸكتٸ تاكسيست باقىتجان يمانعاليەۆ. – الدىڭعى ەكٸمنٸڭ ەسٸمٸ سالتانات ەكەنٸن ەستٸگەنمٸن, بٸراق ٶزٸن ەشقاشان كٶرمەپپٸن. ال ونىڭ الدىندا امان نۇرىشەۆ ەكٸم بولعان. مٸنە, سول كٸسٸ «وپەل» كٶلٸگٸمەن اۋىلدى ارالاپ جٷرەتٸن. ونى كٷنٸنە بٸر رەت بولسا دا كٶرەتٸنبٸز. ال ودان كەيٸنگٸ ەكٸمدەردٸڭ ٸشٸنەن حالىقپەن ارالاسقان ەكٸمدٸ كٶرمەپپٸن, - دەيدٸ تاكسيست.
باقىتجاننىڭ پٸكٸرٸنشە, اۋىل تۇرعىندارى ٷشٸن ەڭ كٶكەيكەستٸ مەسەلە – كرۋگلووزەرنىي اۋىلىنا كٸرەبەرٸستەگٸ ٷش كيلومەتر قيراعان جول.
— شۇڭقىرلاردى كٶرگەن شىعارسىز? كٷز بەن كٶكتەمدە ول جەرمەن جٷرە الماي قالامىز. جاز بولسا اياقتالىپ قالدى, جول ەلٸ جوق. ال سالىقتى ۋاقىتىندا تٶلەيمٸز, - دەپ شاعىنادى يمانعاليەۆ.
— ولارى كٸم ەكەن? نەمەن اينالىسادى? ولاردى سايلاعاننان نە پايدا? تٸپتٸ قايسىسىن بولسا دا... قورا-قوپسىمنان اۋىلعا دەيٸنگٸ ٷش شاقىرىم جولدى قاردان تازالاۋدى سۇراپ, ەكٸمدەرگە قىس سايىن تەلەفون سوعۋىما تۋرا كەلەدٸ. ولار موينىمدا مەملەكەتتەن العان نەسيە بار ەكەنٸن بٸلەدٸ, ولارمەن سوندا دا جانجالداسامىن. بۇل 1989 جىلدان بەرٸ جالعاسىپ كەلەدٸ, - دەيدٸ كەسٸپكەر.
كرۋگلوزەرنىي اۋىلدىق وكرۋگٸ تٸكەلەي قارايتىن ەكٸمدٸك اۋىلدان بەس شاقىرىم جەردەگٸ كٶرشٸ اۋىل سەرەبرياكوۆتە ورنالاسقان. دەمالىس كٷنٸ ەكٸمدٸكتە ەشكٸم جوق بولىپ شىقتى. اۋىلدىق وكرۋگ ەكٸمٸ مٸندەتٸن ۋاقىتشا اتقارۋشى تاتيانا سۋمكينانى جۇمىس ورىننان دا, ٷيٸنەن دە تابا المادىق.
2016 جىلدىڭ كٷزٸندە ورال قالاسىندا جول پوليتسيياسى اۋىلدىڭ بۇرىنعى ەكٸمٸ سالتانات ەسكەندٸروۆتٸ ماس كٷيٸندە كٶلٸك جٷرگٸزگەنٸ ٷشٸن ۇستاعان. ەكٸمدٸ ٷش جىلعا جٷرگٸزۋشٸ كۋەلٸگٸنەن ايىرعان. وبلىستىق مەملەكەتتٸك قىزمەتشٸ ەتيكاسى كەڭەسٸ وعان «قاتاڭ سٶگٸس» جارييالاۋدى ۇسىنىپ, ەسكەندٸروۆ قىزمەتٸنەن كەتكەن.
بيىلعى قاڭتاردىڭ 19-ىندا كرۋگلووزەرنىي اۋىلىنىڭ حالقىنا ەسەپ بەرۋ جيىنىندا ورالدىڭ سول كەزدەگٸ ەكٸمٸ ناريمان تٶرەعاليەۆ تۇرعىندارعا جولدى «قاراجات تاۋىپ, جٶندەتۋگە تىرىسامىن» دەپ ۋەدە ەتكەن. بٸراق قىزمەتٸن بٸر جىلداي اتقارعان تٶرەعاليەۆ سەنات دەپۋتاتىنا اينالىپ, استاناعا كەتتٸ. ال جولدى جٶندەۋ سول كٷيٸ باستالعان جوق.
جەرگٸلٸكتٸ ەكٸمدٸكتٸڭ 2017 جىلدىڭ التى ايىندا اتقارعان جۇمىسى تۋرالى ەسەپتە اۋىلعا كٸرەبەرٸستەگٸ ٷش شاقىرىم جولدى جٶندەۋ جايلى ايتىلمايدى.
ورنىندا قالعان ەكٸمدەر
دەپۋتاتتار تۋعان اۋىلىنىڭ ەكٸمٸن سايلاپ جاتقاندا زەينەتكەر مەرۋەرت ساپاروۆا شىجىعان كٷننٸڭ استىندا جەلاەۆ اۋىلى ايالداماسىندا №14 اۆتوبۋستى كٷتٸپ وتىر. ونىڭ ايتۋىنشا, اۆتوبۋستار ەر 45 مينۋت سايىن جٷرەدٸ. دەمالىس كٷندەرٸ ٷلكەن اۆتوبۋستار جٷرمەيدٸ, جولاۋشىلار سىيماي قالاتىن شاعىن «گازەلدەر» عانا جٷرەدٸ ەكەن. زەينەتكەر سايلاۋ تۋرالى ەستٸمەگەن, كانديداتتاردى تانىمايدى.
— بٸزدە بەرٸ جاقسى, تەك اۆتوبۋس جاعى قيىن. قالاعا تٷسكە تامان جەتۋ ٷشٸن ٷيدەن تاڭەرتەڭ شىعۋىڭ كەرەك. قىستىڭ كٷنٸ جەنە جاۋىن-شاشىندا بالالار مەن قارتتارعا قيىن. ەكٸم جۇرتتى ۇيىمداستىرا بٸلسە بولدى, بٸزدە حالىق جاقسى, - دەيدٸ زەينەتكەر.
دٷيسەنبٸدە قالالىق مەسليحات دەپۋتاتتارى جەلاەۆ اۋىلدىق وكرۋگٸنٸڭ قازٸرگٸ ەكٸمٸ تيمۋر ەشٸعاليەۆتٸ قولداپ, بٸر اۋىزدان داۋىس بەردٸ. قاراماعىنداعى قىزمەتكەرٸ, اۋىلدىق وكرۋگ ەكٸمٸ اپپاراتى بٶلٸم باستىعى نۇرلان باعىسقاليەۆ پەن ورال قالالىق جەر قاتىناستارى بٶلٸمٸ باستىعىنىڭ ورىنباسارى ماكسيم تٸلەگەنوۆ ونىڭ بەسەكەلەستەرٸ بولدى.
ەكٸمدٸ جۇمىس ورنىنان جولىقتىرۋدىڭ سەتٸ تٷسپەدٸ, ەكٸمدٸكتٸڭ قابىلداۋ بٶلمەسٸنەن «ول دەمالىستا» دەپ حابارلادى.
ورال قالاسىنان بەس شاقىرىم جەردەگٸ جەلاەۆ - 2283 ادام تۇراتىن شاعىن اۋىل. بيىل قاڭتاردا حالىققا ەكٸم بەرگەن سوڭعى ەسەپكە سەيكەس, كەنتتە 67 سيىر (2016 جىلى 75 باس بولعان), 113 قوي-ەشكٸ, 58 شوشقا مەن 842 ٷي قۇسى بار. اۋىل مەن قالا اراسىندا «پاز» ماركالى ەكٸ اۆتوبۋس پەن التى «گازەل» كٶلٸگٸ قاتىنايدى.
جەلاەۆ تۇرعىندارى قوعامدىق كٶلٸك جەتٸسپەيتٸنٸ جايلى ەكٸمنٸڭ ەسەپ بەرۋ جيىندارىندا ەكٸ جىل قاتارىنان شاعىمدانعان. بٸراق جاعداي ٶزگەرگەن جوق.
اۋىل ەكٸمدەرٸن سايلاۋعا قاتىستى كوممەنتاريٸندە جالپىۇلتتىق سوتسيال-دەموكراتييالىق پارتييانىڭ (جسدپ) وبلىستىق فيليالىنىڭ جەتەكشٸسٸ قاديشا مۇقانوۆا «ەكٸمدەردٸ اۋىل تۇرعىندارىنىڭ ٶزدەرٸ سايلاعانى اۋىلدىق وكرۋگ ٷشٸن جاقسى» دەيدٸ.
— ەكٸمدٸككە ۇسىنىلعان كانديداتتار اۋىلدى, وندا تۇراتىن حالىقتى جەنە ول جەردٸڭ قىر-سىرىن جاقسى بٸلگەنٸ ماڭىزدى. ول ورىنعا بٸر جاقتان ەكەلٸپ قويا سالماي, ونداي ادامداردى دايىنداۋ كەرەك, - دەيدٸ مۇقانوۆا.
وبلىس ەكٸمدٸگٸ سايتىندا ەكٸمدٸككە كانديداتتار تٸزٸمٸ سايلاۋ باستالاردان ٷش كٷن بۇرىن – تامىزدىڭ 4-ٸندە جارييالاندى. اۋداندارداعى 95 اۋىلدىق وكرۋگ ەكٸمٸ قىزمەتٸنە كانديدات رەتٸندە قازٸرگٸ 64 ەكٸم ۇسىنىلدى. 285 كانديداتتىڭ ٸشٸندە جەتەۋٸ عانا مەملەكەتتٸك قىزمەتكەر ەمەس.
سانات ورىن ەلي, ازاتتىق
