قر پرەمەر-مينيسترٸ
ب.ە.ساعىنتاەۆقا
قۇرمەتتٸ باقىتجان ەبدٸرۇلى!
بٸزدٸڭ دەپۋتاتتىق ساۋالعا «Qazaqstan Ardagerleri» قاۋىمداستىعىنىڭ ٶكٸلٸ, كەڭەس وداعىنىڭ باتىرى نيكولاي كرەمەنيشتٸڭ ۇسىنىس حاتى نەگٸز بولىپ وتىر.
ەلباسى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا: «ەجەپتەۋٸر جاڭعىرعان قوعامنىڭ ٶزٸنٸڭ تامىرى تاريحىنىڭ تەرەڭٸنەن باستاۋ الاتىن رۋحاني كودى بولادى. جاڭا تۇرپاتتى جاڭعىرۋدىڭ ەڭ باستى شارتى – سول ۇلتتىق كودىڭدى ساقتاي بٸلۋ», – دەپ اتاپ كٶرسەتتٸ.
بۇل رەتتە باتىر بابالارىمىزدىڭ بيٸك رۋحى حالىق, ەسٸرەسە, جاس ۇرپاق اراسىندا پاتريوتتىق ٶرلەۋ تۋعىزىپ, ۇلت تاريحىنا, وتانعا دەگەن ماقتانىش سەزٸمٸن ۇيالاتۋدا. سونداي ۇلتى ۇلىق تۇتاتىن, بولمىسى باتىرلىقپەن بٸتە قابىسقان تۇلعالارىمىزدىڭ بٸرٸ – قاسىم قايسەنوۆ.
ۇلى وتان سوعىسىنىڭ ەرجٷرەك باتىرى, قازاقستاننىڭ حالىق قاھارمانى, اتى اڭىزعا اينالعان داڭقتى پارتيزان, بٸلٸكتٸ بارلاۋشى, كٶرنەكتٸ جازۋشى قاسىم قايساۇلى قايسەنوۆ 1918 جىلى شىعىس قازاقستان وبلىسى ۇلان اۋدانىنىڭ اسۋبۇلاق اۋىلىندا دٷنيەگە كەلدٸ.
1940 جىلدىڭ قىسىندا ەسكەر قاتارىنا شاقىرىلادى, كەيٸن مەسكەۋ ماڭىنداعى ەسكەري بارلاۋ مەكتەبٸنە جٸبەرٸلەدٸ. بارلاۋ ٸسٸنٸڭ قاس شەبەرٸ رەتٸندە دۇشپان باسىپ العان اۋماقتاردا پارتيزان قوزعالىسىن ۇيىمداستىرادى, جاۋعا تورۋىلدار جاساپ, تۇتقيىلدان ۇرىس سالادى.
قاسىم قايسەنوۆ كەڭەس وداعىنىڭ باتىرى اتاعىنا لايىق ەدٸ جەنە سوعان ۇسىنىلعان. 1943 جىلى قىركٷيەكتە دنەپردٸڭ وڭ جاعالاۋى ٷشٸن قان-قاساپ شايقاستا ول ەرەن ەرلٸك جاسادى, ارقىراعان ارىندى ٶزەننەن ٶز پارتيزان وتريادىمەن بٸرٸنشٸ بولىپ ٶتٸپ, جاۋ تىلىنداعى گريگورەۆكا, لۋكوۆيتسى, زارۋبينتسى حۋتورلارىن تارتىپ الىپ, قىزىل ارمييانىڭ نەگٸزگٸ كٷشتەرٸ كەلگەنشە ٶلٸسپەي-بەرٸسپەي ۇستاپ تۇردى. الايدا سول قىرعىندا اۋىر جاراقات الىپ, ارتىنشا دنەپردەن بٸرٸنشٸ بوپ ٶتكەندەگٸ, بۋكرين پلاتسدارمىن دايىنداۋداعى ەرلٸگٸ ۇمىت قالدى دا, ەڭ جوعارعى اتاق-دەرەجەلەر ٶزگەلەر قانجىعاسىندا كەتكەن. ونىڭ قۇجاتى اراعا ۋاقىت سالىپ, پارتيزان شتابىنىڭ ارحيۆٸنەن تابىلعان. ق.قايسەنوۆتىڭ قاراماعىنداعى 13 جاۋىنگەرٸ كەڭەس وداعىنىڭ باتىرى اتاعىن الدى.
1941 جىلعى قاراشا – 1944 جىلعى ماۋسىم ارالىعىندا قاسىم قايسەنوۆ جاۋ تىلىنا تٶرت رەت دەسانتپەن تٷسٸرٸلگەن. ۋكراينا, بەلورۋسسييا, رۋمىنييا, كارپات تاۋىندا شايقاس جٷرگٸزٸپ, جەردٸ فاشيستەردەن ازات ەتۋگە سٷبەلٸ ٷلەس قوستى. 1995 جىلعى 9 مامىردا ەلباسى ن.نازارباەۆ ٶز جارلىعىمەن قاسىم قايسەنوۆكە ەلٸمٸزدٸڭ ەڭ جوعارعى ناگراداسى – «حالىق قاھارمانى» اتاعىن تابىستادى. ەلباسى ٶز قۇتتىقتاۋىن جولداپ, ەلٸمٸز 100 جىلدىق مەرەيتويىن اتاپ ٶتٸپ وتىرعان قاسىم قايسەنوۆتەي قاھارمانىمىزعا قانشا ماراپات كٶرسەتسەك تە, كٶپتٸك ەتپەيدٸ.
قۇرمەتتٸ باقىتجان ەبدٸرۇلى! جوعارىدا ايتىلعاندى ەسكەرە وتىرىپ, زايسان شەكارا وتريادىنىڭ 2017 ەسكەري بٶلٸمٸنە قاراستى شەكارا زاستاۆاسىن «قاسىم قايسەنوۆ اتىنداعى شەكارا زاستاۆاسى» دەپ قايتا اتاۋ مٷمكٸندٸگٸن قاراستىرۋىڭىزدى سۇرايمىن.
شىعىس قازاقستانداعى شەكارالىق زاستاۆاعا تەك وسى ٶڭٸردٸڭ عانا ەمەس, بٷكٸل ەلٸمٸزدٸڭ ماقتانىشى سانالاتىن باتىر قاسىم قايسەنوۆتىڭ اتىنىڭ بەرٸلۋٸ الدا كەلە جاتقان ۇلى وتان سوعىسىنداعى جەڭٸستٸڭ 75 جىلدىعىنا ٷلكەن تارتۋ بولار ەدٸ. جەنە بۇل ەلدٸڭ شەتٸندە, جەلدٸڭ ٶتٸندە جٷرٸپ, قازاقستانداعى بەيبٸتشٸلٸك پەن تۇراقتىلىقتى, بال بٶبەكتەردٸڭ تىنىش ۇيقىسى مەن كٷمٸس كٷلكٸسٸن قورعاعان ساردارىمىز بەن ساربازدارىمىزدىڭ رۋحىن كٶتەرٸپ, جٷرەكتەرٸنە ماقتانىش سەزٸمٸن ۇيالاتارى سٶزسٸز.
قۇرمەتپەن,
قر پارلامەنتٸ مەجٸلٸسٸنٸڭ دەپۋتاتى,
«نۇر وتان» فراكتسيياسىنىڭ مٷشەسٸ
باقىتبەك سماعۇل جەنە ٶزگە دە دەپۋتاتتار
