قازاقستاندىق ستۋدەنتتەردٸڭ شەتەلدە قيىن جاعدايعا تاپ بولۋى جەنە تۋريستٸك كومپانييالارعا قاتىستى الاياقتىق فاكتٸلەرٸ دەپۋتاتتىق ساۋالعا ارقاۋ بولدى. قۇرىلتاي دەپۋتاتى, «ەدٸلەت» پارتيياسى فراكتسيياسىنىڭ مٷشەسٸ كونستانتين پەتروۆ تۋريزم جەنە جاستار الماسۋ باعدارلامالارىن ۇيىمداستىرۋ سالاسىنداعى باقىلاۋدى كٷشەيتۋدٸ ۇسىندى, دەپ حابارلايدى ult.kz.
دەپۋتاتتىق ساۋال تۋريزم جەنە سپورت مينيسترٸ ەربول مىرزابوسىنوۆ پەن عىلىم جەنە جوعارى بٸلٸم مينيسترٸ ساياسات نۇربەككە جولداندى.
ساۋالدا جاقىندا اقش-قا Work and Travel باعدارلاماسى اياسىندا بارعان شامامەن 200 قازاقستاندىق ستۋدەنتتٸڭ قيىندىققا تاپ بولعانى ايتىلعان. جاستار ٷش اي جۇمىس ٸستەگەننەن كەيٸن ەل ٸشٸندە ساياحاتتاۋ ٷشٸن ۇيىمداستىرىلعان تۋرعا قاتىسقان. الايدا ساپاردىڭ بەسٸنشٸ كٷنٸندە تۋر توقتاتىلىپ, ستۋدەنتتەردٸڭ بٸر بٶلٸگٸ لوس-اندجەلەستە قوناقٷيسٸز جەنە كٶلٸكسٸز قالعانىن حابارلاعان. ەر ستۋدەنت تۋر ٷشٸن شامامەن 1100 دوللار تٶلەگەن. قازاقستاننىڭ سىرتقى ٸستەر مينيسترلٸگٸ ۇيىمداستىرۋشىلارمەن بايلانىسقا شىعىپ, جاعدايدى باقىلاۋعا العانىن مەلٸمدەگەن.
«بۇل جاعداي تۋريستٸك قىزمەت پەن جاستار الماسۋ باعدارلامالارىن ۇيىمداستىرۋ سالاسىندا ازاماتتاردىڭ قۇقىقتارىن قورعاۋ تەتٸكتەرٸن كٷشەيتۋ قاجەتتٸگٸن كٶرسەتتٸ», – دەپ اتاپ ٶتتٸ دەپۋتات.
سونداي-اق ساۋالدا اقتٶبەدەگٸ تۋريستٸك كومپانيياعا قاتىستى قىلمىستىق ٸس قوزعالعانى مىسال رەتٸندە كەلتٸرٸلگەن. قۇقىق قورعاۋ ورگاندارىنىڭ مەلٸمەتٸنشە, كومپانييا باسشىسى شەتەلگە تۋريستٸك ساپارلار ۇيىمداستىرۋ سىلتاۋىمەن ازاماتتاردان اقشا العان, الايدا مٸندەتتەمەلەرٸن ورىنداماعان. ٸس بويىنشا 70-تەن استام ادام جەبٸرلەنۋشٸ رەتٸندە تٸركەلٸپ, كەلتٸرٸلگەن ماتەريالدىق شىعىن 32 ملن تەڭگەدەن اسقان.
كونستانتين پەتروۆ حالىقارالىق تەجٸريبەنٸ دە ەسكەرۋدٸ ۇسىندى. ونىڭ ايتۋىنشا, اقش-تا جاستار الماسۋ باعدارلامالارى, سونىڭ ٸشٸندە Summer Work Travel, فەدەرالدىق دەڭگەيدە BridgeUSA جٷيەسٸ ارقىلى رەتتەلەدٸ. ال ەۋروپالىق وداقتا پاكەت تۋرلار مەن بايلانىستى تۋريستٸك قىزمەتتەرگە قاتىستى تالاپتار ۇيىمداستىرۋشىلاردىڭ جاۋاپكەرشٸلٸگٸن جەنە تۇتىنۋشىلاردى قورعاۋ كەپٸلدٸكتەرٸن قاراستىرادى.
دەپۋتات قازاقستاندا جاستاردى شەتەلگە تاعىلىمدامالار مەن الماسۋ باعدارلامالارىنا جٸبەرەتٸن دەلدالداردىڭ قىزمەتٸن باقىلاۋدى كٷشەيتۋ قاجەت دەپ سانايدى.
وسىعان بايلانىستى ول ٷش نەگٸزگٸ شارانى ۇسىندى:
بٸرٸنشٸدەن, شەتەلدٸك تاعىلىمدامالار مەن جاستار الماسۋ باعدارلامالارىن ۇيىمداستىراتىن تۋريستٸك جەنە بٸلٸم بەرۋ اگەنتتٸكتەرٸنە مەملەكەتتٸك اككرەديتتەۋ تالابىن ەنگٸزۋ ۇسىنىلدى. سونداي-اق ولار شەتەلدەگٸ رەسمي مويىندالعان قابىلداۋشى ۇيىمدارمەن تٸكەلەي كەلٸسٸمشارت جاساسۋى تيٸس.
ەكٸنشٸدەن, ازاماتتار كەلٸسٸمشارتقا وتىرماس بۇرىن كومپانييانىڭ زاڭدىلىعىن تەكسەرە الۋى ٷشٸن اككرەديتتەلگەن وپەراتورلاردىڭ بٸرىڭعاي اشىق تٸزٸمٸن قالىپتاستىرۋ ۇسىنىلدى.
ٷشٸنشٸدەن, حالىقارالىق ساپارلاردى ۇيىمداستىرۋشىلارعا كومپانييا بانكروتقا ۇشىراعان نەمەسە الاياقتىق ەرەكەتتەر ورىن العان جاعدايدا ازاماتتاردى شۇعىل ەلگە قايتارۋ شىعىندارىن جاباتىن رەزەرۆتٸك قور نەمەسە ساقتاندىرۋ ٶنٸمدەرٸن قالىپتاستىرۋ مٸندەتٸن ەنگٸزۋ ۇسىنىلدى.
دەپۋتات بۇل شارالار ازاماتتاردىڭ قۇقىقتارىن قورعاۋعا, تۋريستٸك قىزمەت نارىعىنداعى جاۋاپكەرشٸلٸكتٸ ارتتىرۋعا جەنە جاستاردىڭ شەتەلدٸك باعدارلامالارعا قاتىسۋ قاۋٸپسٸزدٸگٸن كٷشەيتۋگە باعىتتالعانىن اتاپ ٶتتٸ.
