مەجٸلٸس دەپۋتاتى ومارحان ٶكسٸكباەۆ دەنساۋلىق ساقتاۋ مينيسترلٸگٸنە بٶلٸنٸپ جاتقان قوماقتى قاراجاتتى تيٸمدٸ يگەرۋدٸڭ ۋاقىتى كەلگەنٸن ايتتى, دەپ حابارلايدى Sputnik قازاقستان تٸلشٸسٸ.
"قۇرمەتتٸ ەلجان امانتايۇلى (دەنساۋلىق ساقتاۋ مينيسترٸ), سٸز كەلگەلٸ بٸزدٸڭ دەنساۋلىق ساقتاۋ سالاسىنا قارجى مينيسترلٸگٸ اقشانى اياماي بەرٸپ جاتىر. وسى سوڭعى ٷش جىلدىڭ ٸشٸندە رەسپۋبليكالىق بيۋدجەتتەن بٸر تريلليوننان استام قاراجات بٶلٸندٸ. وعان جەرگٸلٸكتٸ بيۋدجەتتەن بٶلٸنەتٸن 500 ميلليارد تەڭگەنٸ قوسساق, بۇل ٶتە وراسان زور قارجى", - دەدٸ ٶكسٸكباەۆ مەجٸلٸستە مەديتسينالىق كٶمەكتٸڭ ساپاسىن ارتتىرۋعا قاتىستى ٶتكەن ٷكٸمەت ساعاتىندا.
سونىمەن قاتار, مەجٸلٸسمەننٸڭ ايتۋىنشا, التى مينيسترلٸكتٸڭ ٶزٸندە ۆەدومستۆولىق دەنساۋلىق ساقتاۋ جٷيەلەرٸ بار. وعان ورتاشا ەسەپپەن 100 ميلليارد تەڭگەدەن اسا اقشا باعىتتالىپ وتىر.
"سوندا حالىقتىڭ سالىعىنان تٷسٸپ وتىرعان ەكٸ تريلليونعا جۋىق اقشا دەنساۋلىق ساقتاۋ سالاسىنا جۇمسالىپ وتىر. ال ەندٸ, جاڭا كەزدە ەرٸپتەستەرٸم ٶز ەلٸمٸزدە ەمەس, شەتەلدە بارىپ ەمدەلەتٸندەر كٶبەيدٸ دەپ ايتتى. مەنٸڭشە, وسى قاراجاتتىڭ بارلىعىن دۇرىس جولعا قوياتىن كەز كەلگەن سيياقتى", - دەدٸ دەپۋتات.
دەنساۋلىق ساقتاۋ مينيسترٸ ەلجان بٸرتانوۆ شىعىستار جىل سايىن كٶبەيٸپ كەلە جاتقانىن مويىندادى.
"ونى مويىندايمىز, بٸراق, شىندىعىنا كەلسەك, ادام باسىنا شاققاندا سٸز ايتقان تريلليوندار 60 مىڭ تەڭگە عانا بولىپ شىعادى. ول كٶپ بولسا, 200 دوللار. ال, مەسەلەن, ەڭ دامىعان مەملەكەتتەردە تٶمەنگٸ شىعىستار مىڭ دوللاردان باستالادى", - دەدٸ مينيستر دەپۋتاتتىڭ سۇراعىنا بەرگەن جاۋابىندا.
بٸرتانوۆ سوڭعى بٸر-ەكٸ جىلدىڭ ٸشٸندە ونكولوگيياعا بٶلٸنەتٸن قاراجات 30 ميللياردتان 40 ميلليارد تەڭگەگە دەيٸن ۇلعايعانىن اتاپ ٶتتٸ.
"بٸراق بٷگٸن تاريفتەردٸ قايتادان ساناپ شىققاندا, بٸزگە جالپى ونكولوگيياعا 70 ميلليارد تەڭگە قاجەت. بىلتىر بٸز پرەزيدەنتكە تەگٸن مەديتسينالىق كٶلەمدە 360 ميلليارد تەڭگە تاپشىلىق بار ەكەنٸن ايتقان ەدٸك. سول دەفيتسيتتٸ قازٸر ٸشكٸ رەسۋرستاردان قاراستىرىپ, جويىپ جاتىرمىز. ەكٸنشٸ جاعىنان, ەلەۋمەتتٸك مەديتسينالىق ساقتاندىرۋ ارقىلى شەشۋدٸ جوسپارلاپ وتىرمىز", - دەدٸ ۆەدومستۆو باسشىسى.
