© Sputnik / ابزال كاليەۆ
مەجٸلٸس دەپۋتاتى امانجول ەلتاي پرەمەر-مينيستردٸڭ ورىنباسارى التاي كٶلگٸنوۆكە سوڭعى قوڭىراۋ شاراسى ٶتەتٸن كٷنگە قاتىستى ساۋال جولدادى, دەپ حابارلايدى "ۇلت اقپارات" Azattyq Ruhy پورتالىنا سٸلتەمە جاساپ.
«زۇلماتتى جىلدار قاسٸرەتٸن جادىمىزدا ساقتاپ, ساباق الۋ ٷشٸن 31 مامىر – اشارشىلىق جەنە ساياسي قۋعىن-سٷرگٸن قۇرباندارىن ەسكە الۋ كٷنٸ بولىپ بەلگٸلەندٸ. توتاليتارلىق جٷيەنٸڭ قاندى قاسابىنا ٸلٸككەن ميلليونداعان جاننىڭ قاسٸرەتتٸ تاعدىرىنا ويلانا قاراپ, اياۋلى ەسٸمدەرٸن ارداقتاي ەسكە الىپ, شىن كٶڭٸلٸمٸزبەن لايىقتى قۇرمەت كٶرسەتە الماي كەلەمٸز», - دەيدٸ دەپۋتات.
امانجول ەلتاي اتاپ ٶتكەندەي, «وسى كٷنٸ الاش ارىستارىنىڭ رۋحىنا جاساپ جٷرگەن قۇرمەتٸمٸز ولاردىڭ ەسكەرتكٸشتەرٸ مەن مەموريالدىق ورىندارعا گٷل شوعىن قويۋ, سول جەرلەردە بٸرەر پاراق سٶز وقۋدان اسپاي تۇر».
«ەلدٸڭ ەل بولۋى ٷشٸن عازيز باستارىن بەيگەگە تٸككەن ارىستار مەن قولدان جاسالعان زۇلماتتىڭ ارانىنا جۇتىلعان جازىقسىز باۋىرلارىمىزدىڭ ەرۋاقتارى الدىندا وسىنداي شارامەن شەكتەلۋٸمٸز ۇيات دەۋدٸڭ ٶزٸ از, بۇل – ەلدٸگٸمٸزگە سىن بولىپ تۇرعان جاعداي. وقۋ-اعارتۋ مينيسترٸنٸڭ 2022 جىلعى 12 تامىزداعى № 363 بۇيرىعىنا سەيكەس, ورتا بٸلٸم بەرەتٸن مەكتەپتەردەگٸ سوڭعى قوڭىراۋ 36 وقۋ اپتاسىنىڭ سوڭى – 31 مامىر بولىپ بەكٸتٸلٸپ وتىر. بۇل شەشٸمنٸڭ بەيٸت باسىندا توي جاساعانداي ەسەر ەتٸپ تۇرعانىن ايتپاساق بولمايدى. بۇل مينيسترلٸكتە وسىنى ۋاقىتىندا اڭعارىپ, دەر كەزٸندە بۇل بۇيرىقتا وڭتايلى شەشٸم ۇسىنۋعا تٷسٸنٸگٸ جەتەتٸن بٸر ادامنىڭ تابىلماعانى ما, شىنىمەن?! قايران بوزداقتاردىڭ رۋحىنا بٸر كٷندٸ دە قيماي, اپىل-عۇپىل ازا تۇتقانسىپ, ٸلە-شالا توي تويلاپ, دۋمانداتىپ كەتە بەرەتٸن بولساق, ەلدٸگٸمٸز قايسى?! ادامشىلىعىمىز قايسى?!» – دەيدٸ ول.
حالىق قالاۋلىسى وسى سەبەپتەن مەكتەپتەردەگٸ سوڭعى قوڭىراۋ كٷنٸن 30 مامىرعا, نە بولماسا 1 ماۋسىمعا اۋىستىرۋ كەرەك ەكەنٸن ايتادى. ونىڭ سٶزٸنشە, بۇل – ەشقانداي تالقىلاۋدى قاجەت ەتپەيتٸن ەدٸلەتتٸ تالاپ.
«ەڭ بولماسا, 31 مامىردا ەلەۋمەتتٸك جەلٸلەردەگٸ ەلدٸڭ بٸرلٸگٸن بٷلدٸرەتٸن, قوعامنىڭ دٸڭگەگٸن شٸرٸتەتٸن ادامداردى بٸر-بٸرٸن قارالاۋ, عايباتتاۋ, جالا جابۋ, ٶسەكتەۋ, قارعاۋ سەكٸلدٸ تەرٸس ەدەتتەردەن تىيىلۋعا شاقىرامىن. 31 مامىر – ازاتتىق ٷشٸن ارپالىسىپ ٶتكەن, مەملەكەت قۇرۋ جولىندا مەرت بولعان, ۇلت ٷشٸن اتىلعان, ۇرپاق باقىتى ٷشٸن ازاپ شەككەن اسىل بابالار الدىنداعى پارىزىمىزدى سەزٸنەتٸن, الاش اماناتىنا ادال بولۋعا قۇلشىناتىن كٷن. سونىمەن بٸرگە اشارشىلىق جەنە ساياسي قۋعىن-سٷرگٸن قۇرباندارىن ەسكە الۋ كٷنٸ دەپ بەلگٸلەنگەن 31 مامىرعا بايلانىستى ٷكٸمەت وسى كٷننٸڭ مەن-ماڭىزىنا, سالماعىنا لايىقتى شارالاردى ٸسكە اسىرۋعا تيٸس دەپ ەسەپتەيمٸن», - دەپ ساۋالىن تولىقتىردى امانجول ەلتاي.
دەپۋتاتتىڭ ايتۋىنشا, «جالپىحالىقتىق ٷنسٸز ەسكە الۋ مينۋتى» شاراسى دەستٷرلٸ ٶتۋٸ كەرەك. سول سەتتە ەل بويىنشا بٷكٸل قوزعالىس توقتاپ, بٸر مينۋتتىق ٷنسٸزدٸك ارقىلى ساياسي قۋعىن-سٷرگٸن قۇرباندارى مەن اشارشىلىق قۇرباندارىن ەسكە الۋ قاجەت.
ونىمەن قوسا, تەلەارنالاردا ەزٸل-قالجىڭ, شوۋ باعدارلامالار, ەسترادالىق كونتسەرتتەر توقتاتىلىپ, ونىڭ ورنىنا ەل تاريحىنداعى قاسٸرەتتٸ كٷندەردٸ جاس ۇرپاقتىڭ جەتٸك تٷسٸنۋٸنە جول اشاتىن مازمۇندى باعدارلامالار كٶرسەتٸلۋگە تيٸس.
«اقپارات قۇرالدارىندا اتاۋلى كٷننٸڭ تاريحي سالماعىن, تاعىلىمدىق ماعىناسىن جان-جاقتى جەتكٸزەتٸن ماقالالار بولۋى كەرەك. بالاباقشالار مەن مەكتەپتەردە, جوعارعى وقۋ ورىندارىندا بالالار مەن جاستارعا ارناۋلى دەرٸستەر, پٸكٸرلەسۋ ساعاتتارى, زييالى قاۋىم جەنە تاريحشىلارمەن كەزدەسۋ كەشتەرٸ ٶتكٸزۋدٸ جولعا قويۋ قاجەت», - دەيدٸ ول.
