مەجٸلٸستٸڭ جالپى وتىرىسىندا دەپۋتات مەدي احمەتوۆ بٸر رەتتٸك ەلەكتروندى تەمەكٸنٸڭ جاستار اراسىندا كەڭٸنەن تارالۋىنا الاڭداۋشىلىق بٸلدٸردٸ, دەپ حابارلايدى قازاقپارات.
«ەلٸمٸز پاندەمييامەن ارپالىسىپ جٷرگەندە, جاسٶسپٸرٸمدەر اراسىندا بٸر رەتتٸك ۆەيپ «ەپيدەميياسى» بەلەڭ الىپ بارادى. بٷگٸندە وڭ-سولىن تانىماعان جاس ۇرپاقتىڭ ساناسىن كٶك تٷتٸنمەن ۋلاعان بٸر رەتتٸك ەلەكتروندى شىلىمنىڭ دەۋرەنٸ جٷرٸپ تۇر. جاستار اراسىندا ۆەيپ تاڭسىق دٷنيە ەمەس, بٸراق سوڭعى ۋاقىتتا بٸر رەتتٸك تٷرٸ پايدا بولعالى جاعداي كٷرت ٶزگەردٸ. سٶرەلەردەن شىلىم كەتٸپ, ورنىن ارنايى سۇيىقتىقتى تولتىرۋدى, قايتا قۋاتتاندىرۋدى قاجەت ەتپەيتٸن قۇرامىندا نيكوتينٸ تەمەكٸدەن 2,5 ەسە جوعارى, بٸر رەتتٸك ۆەيپ الماستىردى. نەتيجەسٸندە, وسى ۋاقىتقا دەيٸن مەملەكەت تاراپىنان نيكوتيندٸ شەكتەۋگە باعىتتالعان اۋقىمدى جۇمىستى جوققا شىعارىپ وتىر», - دەپ توقتالدى م. احمەتوۆ قر پرەمەر-مينيسترٸنٸڭ ورىنباسارى ەرالى توعجانوۆتىڭ اتىنا جولداعان ساۋالىندا.
وسى ورايدا دەپۋتات اتالعان تەمەكٸنٸ بٸلٸم وشاقتارىنىڭ مانىڭدا اشىق سٶرەلەردە ساتۋعا رۇقسات ەتٸلمەيتٸنٸن, ياعني ولار كەز كەلگەن ساۋدا نٷكتەلەرٸندە جابىق پەردەلەردٸڭ ارتىندا, سٶرەلەردٸڭ استىندا بولۋى كەرەك ەكەنٸن ەسكە سالدى. كەز كەلگەن دٷكەن سٶرەسٸندە تولىپ تۇرعان تٷرلٸ-تٷستٸ مۇقابالى, سان تٷرلٸ دەمٸ بار بٸر رەتتٸك ۆەيپتەن كٶز سٷرٸنەدٸ جەنە ولار كەمەلەتكە تولماعان جەتكٸنشٸكتەرگە ەمٸن-ەركٸن ساتىلۋدا.
«دٷكەن بىلاي تۇرسىن, ەلەۋمەتتٸك جەلٸنٸ اشساڭىز, نيكوتيندٸ تاۋاردى تەۋلٸك بويى ٷيٸڭٸزگە تەگٸن جەتكٸزٸپ بەرەتٸن پابليكتەردە, انونيمدٸ تەلەگرام كانالداردا جٷزدەگەن جارناما بار. تاپسىرىس بەرۋشٸنٸڭ جاسىن سۇراپ, باس قاتىرىپ جاتقان ەشكٸم جوق. وسىنىڭ سالدارىنان وقۋ جىلىنىڭ باسىنان وقۋشىلار اراسىندا تٷتٸنٸ بۋداقتاعان زيياندى شىلىمعا سۇرانىس ەسەلەپ ارتقان. تٸپتٸ, كەيبٸر مەكتەپتەردە جوعارى سىنىپ وقۋشىلارى باستاۋىش سىنىپتارعا بٸر رەتتٸك تەمەكٸنٸڭ قۇنىنا اقشا قوسىپ ساتىپ, ەۋەستەندٸرٸپ جٷر. ەلٸمٸزدٸڭ ۇلتتىق قوعامدىق دەنساۋلىق ساقتاۋ ورتالىعىنىڭ سوڭعى 2019 جىلعى زەرتتەۋلەرٸنٸڭ مەلٸمەتٸنە سٷيەنسەك, 11 جاستان 15 جاسقا دەيٸنگٸ ەلەكتروندى تەمەكٸ شەگەتٸن جاسٶسپٸرٸمدەردٸڭ سانى 3 ەسەگە, ال قىزدار اراسىندا 2 ەسەگە ٶسكەن. كٶش باسىندا 3,9 پايىز كٶرسەتكٸشپەن الماتىلىق جاسٶسپٸرٸمدەر تۇر. اتالعان زەرتتەۋ سوڭعى ەكٸ جىل جٷرگٸزٸلمەگەندٸكتەن, قازٸرگٸ جاعداي مٷلدە بەلگٸسٸز», - دەدٸ م. احمەتوۆ.
ونىڭ ايتۋىنشا, ەلەمنٸڭ 35 ەلٸ تىيىم سالعان, 65 مەملەكەت ارنايى شارا قابىلداعان ەلەتروندى جەنە بٸر رەتتٸك تەمەكٸلەر بٸزگە قىتايدان ەشقانداي سەرتيفيكاتسىز, شەكتەۋسٸز مٶلشەردە اعىلىپ كەلٸپ جاتىر. بٸر قارىس قۇرالدىڭ قۇرامى ەلٸ كٷنگە دەيٸن انىقتالماعان, ناقتى زەرتتەۋ جوق, نيكوتين دوزاسىن دا ەشكٸم باقىلامايدى.
وسى ورايدا ناقتى ۇسىنىستار جاسالدى.
«بٸرٸنشٸدەن, وتاندىق نارىققا تۇراقتى تٷردە كەدەن ارقىلى زاڭعا قارسى, بٸردە-بٸر تەحنيكالىق رەگلامەتكە ساي كەلمەيتٸن بٸر رەتتٸك ۆەيپتەر ەلٸ كٷنگە دەيٸن توننالاپ قالاي كٸرگٸزٸلۋدە? بۇل پروتسەسكە تٸكەلەي جاۋاپتى قۇزىرەتتٸ ورگاندار قايدا قاراپ وتىر? ورىن العان جاعدايدىڭ انىق-قانىعىن زەردەلەپ, كٸنەلٸلەردٸ جاۋاپقا تارتۋدى سۇرايمىز. ەكٸنشٸدەن, شۇعىل تٷردە بٸر رەتتٸك ۆەيپتەردٸ زەرتتەپ, قۇرامىن بۇقاراعا جارييا ەتٸپ, مەسەلەنٸڭ مەن-جايى انىقتالعانشا, قۇزىرەتتٸ مەكەمەلەردەن بٸر رەتتٸك شىلىمدى ساتىلىمنان الىپ تاستاۋدى, كونفەسكٸلەۋدٸ سۇرايمىز. مەكتەپ ماڭىنداعى دٷكەندەرگە قوعامدىق باقىلاۋ ۇيىمداستىرىپ, زاڭدى بەلشەسٸنەن باسقاندارعا قاتاڭ شارا قولدانۋ كەرەك», - دەدٸ دەپۋتات.
