پاۆلودار قالاسىندا پاتشالىق-كەڭەستٸك كەزەڭدەردٸڭ يدەولوگيياسىنان تۋىنداعان اتاۋلاردى ەگەمەن ەلدٸڭ ونوماستيكا ساياساتىنا ساي اتاۋلارعا اۋىستىرۋ مەسەلەسٸ وقتىن-وقتىن كٶتەرٸلۋدە. نەتيجە جوق ەمەس, بار: كۋيبىشەۆ, سۆەردلوۆ, كالينين, دزەرجينسكيي سيياقتى قىزىل كوميسسارلاردىڭ قۇرمەتٸنە قويىلعان كٶشە اتاۋلارىنان ارىلعانىمىزعا بٸرشاما جىل ٶتتٸ. بٸراق ەرتٸستٸڭ كەرەكۋ ٶڭٸرٸنە ەش قاتىسى جوق پاتشازادانىڭ, رەسەي يمپەريياسىنىڭ قولباسشىلارى مەن بولشەۆيكتەر كٶسەمٸنٸڭ ەسٸم-سويلارىنان تۇراتىن اتاۋلاردان وسى كٷنگە دەيٸن قۇتىلا الماعانىمىز اششى شىندىق. جەرگٸلٸكتٸ بيلٸك تەۋەلسٸز ورىستٸلدٸ جۋرناليستەر مەن ات تٶبەلٸندەي پاتشاشىل-كەڭەسشٸل توپتىڭ كەرٸنەن سەسكەنٸپ, قول قۋسىرىپ قاراپ وتىر دەۋگە اۋىز بارمايدى.
قاراشا ايىنىڭ 16-سى كٷنٸ «كولوس» مەدەني-ساۋىق ورتالىعىندا ەكٸمدٸك قىزمەتكەرلەرٸ لەنين كٶشەسٸن «استانا» دەپ قايتا اتاۋ مەسەلەسٸ بويىنشا قوعامدىق تىڭداۋ ۇيىمداستىردى. جيىنعا قالا تۇرعىندارى مەن قالالىق مەسليحاتتىڭ دەپۋتاتتارى قاتىستى.
ەرينە, قاراما-قارسى پٸكٸرلەر ايتىلدى, سەزٸم اۋانىنا بەرٸلٸپ سٶيلەۋشٸلەر دە بوي كٶرسەتتٸ. ەيتسە دە, استانا اتاۋىن قولداۋشىلاردىڭ قاراسى قالىڭ ەرٸ ايتقان ۋەجدەرٸ سالماقتى بولدى. وسى جايتتى ەسكەرگەن 8 دەپۋتاتتىڭ 7-ەۋٸ كٶپشٸلٸك شەشٸمٸن ماقۇلداپ داۋىس بەردٸ. تەك دەپۋتات ۆ. دەيمۋند لەنين اتاۋىن ٶزگەرتۋگە قارسى ەكەنٸن مەلٸمدەدٸ!
سونىمەن, دەپۋتات ۆيكتور دەيمۋند نەلٸكتەن لەنين اتاۋىن «استانا» دەپ ٶزگەرتۋگە قارسى بولدى? مٷمكٸن بۇل جەرلەسٸمٸز كسرو قۇرامىنان بٶلٸنگەن ٶزگە رەسپۋبليكالاردى ايتپاعاندا, رەسەي فەدەراتسيياسىنىڭ ٶزٸندە لەنين ەسٸمٸ مەن لەنينيزم ٸلٸمٸنە قاتىستى «لەنينگراد», «ۋليانوۆسك», «وكتيابرسكايا» , «سوۆەتسكايا», «كوممۋنيستيچەسكايا» تەرٸزدٸ اتاۋلاردىڭ تٷگەلدەي ٶزگەرتٸلگەنٸن بٸلمەيتٸن شىعار? ەلدە ەگەمەندٸك كەزەڭٸندە لەنيننٸڭ ٶمٸربايانى تٷگٸل اتى-جٶنٸنەن مٷلدە حابارى جوق تۇتاس بٸر بۋىننىڭ ٶسٸپ جەتٸلگەنٸن بايقاماعان بولار? بايقاسا دا, ەلباسىنىڭ «رۋحاني جاڭعىرۋ» باعدارلاماسى باسشىلىققا الىنعان قازاقستاندىق قوعامدا جاس ۇرپاق تەربيەسٸنە لەنينيزم ٸلٸمٸن كٸرٸكتٸرۋگە قاجەتتٸلٸك جوق ەكەنٸن بايىپتاي المادى ما ەكەن? نەمەسە كەلەسٸ 2018 جىلى 20 جىلدىق مەرەيتويى اتالىپ ٶتٸلەتٸن استانا قالاسىنىڭ تەۋەلسٸز قازاقستاننىڭ سيمۆولى ەكەنٸن, كوممۋنيستٸك قوعامنىڭ كەلمەسكە كەتكەنٸنە شيرەك عاسىردان استام ۋاقىت ٶتكەنٸن اڭعارمادى ما? كٸم بٸلسٸن, ەيتەۋٸر, وسىنداي بٸر گەپ بار سيياقتى.
دەگەنمەن, ۆيكتور دەيمۋندتىڭ قالالىق مەسليحاتتىڭ دەپۋتاتتىعىنا ٶتۋٸنە قولداۋ كٶرسەتكەن سايلاۋشىلار اراسىنان وعان «لەنين» جەنە «استانا» سٶزدەرٸنٸڭ مەن-ماعىناسىن ۇعىندىرىپ بەرە الاتىن ازاماتتار تابىلادى دەگەن ٷمٸتتەمٸن. ال جاڭا اتاۋدىڭ قالالىق مەسليحاتتىڭ الداعى سەسسيياسىندا بەكٸتٸلەتٸنٸنە سەنٸمٸم مول.
ارمان قاني,
پاۆلودار قالاسى.
