مەجٸلٸس دەپۋتاتى سىرىم ەرتاەۆ بالالاردىڭ كٶپقاباتتى ٷي تەرەزەسٸنەن قۇلاۋ جاعدايلارى جٶنٸندە قر پرەمەر-مينيسترٸنٸڭ ورىنباسارى رومان سكليارعا ساۋال جولدادى, دەپ حابارلايدى "ۇلت اقپارات".
دەپۋتات قر ۇلتتىق ستاتيستيكا بيۋروسىنىڭ مەلٸمەتٸن كەلتٸرٸپ, سوڭعى بەس جىلدا قازاقستاندا 140-تان استام بالا كٶپقاباتتى ٷيدٸڭ تەرەزەسٸنەن قۇلاپ مەرت بولعانىن ايتتى. تەك وسى جىلدىڭ 1-شٸ توقسانىندا عانا 9 جاعداي تٸركەلگەن, ونىڭ 1-ٸ قازامەن اياقتالعان.
«ٶتكەن جىلى نۇر-سۇلتان قالاسىندا 2016 جىلى تۋعان بالا ٷلكەندەردٸڭ قاراۋىنسىز قالىپ, بەسٸنشٸ قاباتتاعى پەتەر تەرەزەسٸنەن قۇلاپ, سول جەردە قايتىس بولدى. ەكٸنشٸ جاعداي تارازدا, 7-شاعىناۋداندا بولعان. قاراۋسىز قالعان 2018 جىلى تۋعان بالا بەس قاباتتى تۇرعىن ٷيدٸڭ تٶرتٸنشٸ قاباتىنىڭ تەرەزەسٸنەن قۇلاپ, اۋىر جاراقات العان», - دەدٸ س. ەرتاەۆ مەجٸلٸستٸڭ جالپى وتىرىسىندا.
ونىڭ ايتۋىنشا, كٶپتەگەن ەلدەردٸڭ زاڭناماسىندا بالالار ورنالاستىرىلاتىن عيماراتتىڭ تەرەزەلەرٸنە شەكتەگٸشتەر قويۋ مٸندەتٸ بەكٸتٸلگەن. ولارعا اۋرۋحانا, مەكتەپ جەنە بالاباقشالار جاتادى. باسقا ەلدەردە تەرەزەلەر ٶندٸرٸسٸندە مٸندەتتٸ تٷردە شەكتەگٸشتەردٸ ورناتۋ قاراستىرىلعان.
«بٸزدە, قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ تٶراعاسىنىڭ بۇيرىعىمەن تۇرعىن ٷي تەرەزەلەرٸنەن بالالاردىڭ قۇلاپ كەتپەۋٸ ٷشٸن قاۋٸپسٸزدٸك قۇلىپتارىن ورناتۋ بويىنشا مٸندەتتٸ تالاپتار ەنگٸزٸلگەن. بٸراق, بۇل ەرەجە 2018 جىلدان باستاپ پايدالانۋعا بەرٸلگەن جاڭا عيماراتتارعا عانا قاتىستى. بۇل رەتتە, بۇرىن سالىنعان عيماراتتارعا وسى ستاندارتتىڭ تالاپتارى ەش سەيكەس كەلمەيدٸ. تٸپتەن قازٸر بەرٸلٸپ جاتقان جاڭا ٷيلەردە دە بۇل تالاپتار ورىندالماۋدا. سوندىقتان بالالاردىڭ قاۋٸپسٸزدٸگٸن قامتاماسىز ەتۋ ٷشٸن تيٸستٸ شارالاردى قابىلداۋىڭىزدى سۇرايمىن», - دەدٸ سىرىم ەرتاەۆ.
