ەلەۋمەتتٸك جەلٸدە پارلامەنت مەجٸلٸسٸنٸڭ دەپۋتاتى, زاڭگەر باقىتجان بازاربەك كازينودا وتىرعان سۋرەت تارادى. بۇل فوتو قوعامدا قىزۋ تالقىعا ۇشىرادى. كەيبٸرەۋلەر قوعامدا ورنى بار ادامنىڭ مۇنداي جەردە جٷرۋٸن قۇپتاماعان, - دەپ حابارلايدى Tengrinews.kz سايتى.
ٶز كەزەگٸندە دەپۋتات Facebook-پاراقشاسىندا وسى سۋرەتكە قاتىستى پٸكٸر بٸلدٸردٸ.
"كازينوداعى سۋرەتتەرٸمە قاتىستى! وبەكتيۆتٸ اقپاراتقا سەنۋگە جەنە جالعان اقپاراتقا بەرٸلمەۋگە كەڭەس بەرەمٸن. بۇل سۋرەت 7 اي بۇرىن, مەجٸلٸس دەپۋتاتى ەتٸپ سايلاعانعا دەيٸن, دەلٸرەك ايتساق, 2022 جىلعى 24 جەلتوقساندا قوناەۆ قالاسىندا كازينودا تٷسٸرٸلدٸ, وندا جۇبايىم ەكەۋمٸز بٸر تانىمال پوپ-توپتىڭ كونتسەرتٸنە كەلدٸك. سۋرەتتەگٸ فوندا شىرشا تۇرعانىن بايقاساڭىز, مەنٸڭ ٷستٸمدە دە قىسقى جەمپٸر. دوستار, مەن - ويىنشى ەمەسپٸن, ەشقاشان كازينودا ويناعان ەمەسپٸن جەنە مۇنى مەن باقىلاپ تۇرعان نەمەسە جۇبايىممەن تەتتٸمەن شاي ٸشٸپ وتىرعان سۋرەتتەردەن كٶرۋگە بولادى", - دەيدٸ ول.
ونىڭ سٶزٸنشە, مۇنىڭ بەرٸ ونىڭ دەپۋتات رەتٸندە جۇمىسىنا كەدەرگٸ كەلتٸرۋ ماقساتىندا جاسالعان.
"پارلامەنت مەجٸلٸسٸنە دەيٸن مەن كەسٸبي كوممەرتسييالىق جەر زاڭگەرٸ بولدىم, ٶمٸرٸمدە ەشقاشان مەملەكەتتٸك قىزمەتتە جۇمىس ٸستەمەدٸم جەنە كوممەرتسييالىق زاڭگەر رەتٸندە ۋاقىتىمدى قالاي جەنە قايدا ٶتكٸزگەنٸم جەكە ٸسٸم دەپ سانايمىن. مەنٸڭ ويىمشا, بۇعان بەرٸ كەلٸسەدٸ. بٸراق مەنٸڭ پارلامەنت مەجٸلٸسٸندەگٸ بەلسەندٸ ەرەكەتتەرٸمنەن كەيٸن 7 ايدان سوڭ بٸرەۋدٸڭ وسى جەكە سۋرەتتەردٸ (ولار جاسىرىن تٷردە سۋرەتكە تٷسٸرٸلگەن) جارييالاۋى كەزدەيسوق ەمەس جەنە ونىڭ ٶزٸندٸك سەبەپتەرٸ بار. كەيٸنگٸ ۋاقىتتا مەجٸلٸس تريبۋناسىنان ەلٸمٸزدەگٸ جەر قاتىناستارىنا قاتىستى جەنە قۇرىلىستىڭ ەڭ كٷردەلٸ مەسەلەلەرٸن كٶتەردٸم! 8 وبلىس ەكٸمدٸگٸنٸڭ جەكە تۇرعىن ٷي قۇرىلىسىنا ينجەنەرلٸك جەلٸلەردٸ جٷرگٸزۋگە بٶلٸنگەن 26 ميلليارد تەڭگەنٸ يگەرمەۋ جەنە ماقساتسىز پايدالانۋ مەسەلەسٸن كٶتەردٸم. پارلامەنت تريبۋناسىندا ٷكٸمەتتەن مەملەكەتتٸك جەر كاداسترىن اشىپ, بارلىق جەر يەلەرٸ مەن جەر پايدالانۋشىلاردىڭ ەسٸمدەرٸن جارييالاۋدى تالاپ ەتتٸم. ٷكٸمەتتٸڭ قارسىلىعىنا قاراماستان, بۇل ۇسىنىستى زاڭسىز شىعارىلعان اكتيۆتەردٸ قايتارۋ تۋرالى زاڭ جوبالارىنا جەنە جايىلىم مەسەلەلەرٸ بويىنشا ەنگٸزدٸم. ...وسى ۇسىنىستاردىڭ بارلىعى ەكٸمدٸكتەردٸڭ ۇياتسىز شەنەۋنٸكتەرٸ قۇراستىرعان قۇرىلىس سالۋشىلار ٷشٸن جەر بٶلۋ جٶنٸندەگٸ كٶپجىلدىق سىبايلاس جەمقورلىق تەجٸريبەسٸ مەن سحەمالارىن بۇزادى. مەنٸڭ دەپۋتات رەتٸندە كازينودا بولعانىم تۋرالى جالعان اقپاراتتى تاراتۋشىلاردىڭ باستى كٶزدەگەن ماقساتى - حالىق الدىندا بەدەلٸمدٸ تٷسٸرۋ, مەنٸ قارالاۋ جەنە وسىلايشا جەر قاتىناستارىنداعى سىبايلاس جەمقورلىققا قارسى كٷش-جٸگەرٸمدٸ ازايتۋ. ماعان اقپاراتتىق قىسىم جاساۋ ارقىلى ولار بۇل ۇسىنىستاردى زاڭ جوبالارى رەتٸندە جٷزەگە اسىرۋعا كەدەرگٸ كەلتٸرۋگە تىرىسادى. بۇل - تازا ارانداتۋشىلىق, مەنٸڭ دەپۋتاتتىق قىزمەتٸمە جاسىرىن تٷردە كەدەرگٸ. مۇنىڭ ارتىندا كٸم تۇرعانى بەلگٸلٸ. بۇل كٸمگە تيٸمدٸ ەكەنٸن بولجاۋعا بولادى", - دەپ جازدى ول.
سونداي-اق, باقىتجان بازاربەك لۋدومانيياعا قارسى كٷرەستە الدىڭعى شەپتەن كٶرٸنەتٸنٸن ايتتى.
"ويىن بيزنەسٸنە كەلەتٸن بولساق, تولىق تىيىم سالىنۋىن جاقتايمىن, بۇل تۋرالى پارلامەنت مەجٸلٸسٸنٸڭ جۇمىس توپتارىندا ايتتىم, بۇل تۋرالى تاعى دا وسىندا جازامىن! قۇمار ويىن بيزنەسٸنە تىيىم سالۋعا بٸرٸنشٸ بولىپ داۋىس بەرەمٸن, پەتيتسيياعا بٸرٸنشٸ قول قويامىن, بٸرٸنشٸ بولىپ لۋدومانييامەن كٷرەسەمٸن. مەنٸڭ ەرٸپتەسٸم, دەپۋتات رۋسلان بەردەنوۆ ناقتى ۇستانىمىمدى بٸلەدٸ. بٸراق قايتالايمىن, ويىن بيزنەسٸمەن كٷرەسۋ وڭاي ەمەس, ٶيتكەنٸ بۇل بيزنەس وليگارحتار مەن پلاتفورمالاردىڭ قولىندا ەرٸ ٸشٸنارا شەتەلدە ورنالاسقان. ايىپتاۋلارعا كەلەتٸن بولساق, ماعان قارسى اقپاراتتىق كومپانييا ٸسكە قوسىلدى جەنە بۇل ارانداتۋشىلىق دەپ سانايمىن. مۇنداي قۋلىقتار مەن ارانداتۋشىلىقتارعا بەرٸلمەيمٸن. مٷمكٸندٸگٸمٸز ٷلكەن, ەرٸك-جٸگەرٸمٸز جەتكٸلٸكتٸ. بارلىعى ەندٸ باستالادى", - دەپ تٷيٸندەدٸ ول.
