مەجٸلٸستٸڭ جالپى وتىرىسىندا دەپۋتات مەرۋەرت قازبەكوۆا مەملەكەتتٸك قىزمەتشٸلەردٸ قىزمەتتٸك باسپانامەن قامتاماسىز ەتۋدٸڭ قاتاڭ كريتەرييلەرٸن بەكٸتۋدٸ سۇرادى, دەپ حابارلايدى Sputnik قازاقستان تٸلشٸسٸ.
مەجٸلٸستٸڭ جالپى وتىرىسىندا دەپۋتات مەرۋەرت قازبەكوۆا پرەمەر-مينيستر باقىتجان ساعىنتاەۆقا دەپۋتاتتىق ساۋال جولدادى. "اقجول" فراكتسيياسىنىڭ مٷشەسٸ ارانى اشىلعان شەنەۋنٸكتەردٸڭ سالىق تٶلەۋشٸلەردٸڭ اقشاسىنا قىزمەتتٸك باسپانا ساتىپ الۋ مەسەلەسٸن كٶتەردٸ. ونىڭ ايتۋىنشا, ەكٸمدٸكتەردٸ ايتپاعاندا, جەرگٸلٸكتٸ جەرلەردە "كٸشٸگٸرٸم" باستىقتار, كوللەدج نەمەسە وبلىستىق فيلارمونييا ديرەكتورىنا دەيٸن قىمبات دجيپ پەن سەدان مٸنەدٸ.
"بيىل مەملەكەت ەسەبٸنەن قىمبات پەتەر العاندار تۋرالى اقپارات بٸرٸنەن سوڭ بٸرٸ شىعىپ جاتىر. بٸر اپتا بۇرىن عانا پاۆلوداردا اۋماعى 230 شارشى مەتر, قۇنى 50 ميلليون تەڭگەنٸ قۇرايتىن قىزمەتتٸك پەتەرگە قاتىستى داۋ تۋعان ەدٸ. سونداي-اق, جالپى قۇنى 226 ميلليون تەڭگەنٸ قۇرايتىن بەس پەتەر ساتىپ الىنعان. بۇل العاش تٸركەلٸپ وتىرعان فاكتٸ ەمەس, "ايسبەرگتٸڭ شىڭى" عانا", — دەدٸ دەپۋتات.
قازبەكوۆا قازاقستان قالالارى مەن اۋداندارىندا قازىنانىڭ اقشاسىنا ساتىپ الىنعان قىزمەتتٸك پەتەرلەردٸ مىسالعا كەلتٸردٸ. مەسەلەن, ونىڭ ايتۋىنشا, بيىل قىركٷيەكتە اتىراۋ قالاسىنىڭ ەكٸمدٸگٸ 58 ميلليون تەڭگەگە جيھازىمەن قوسا 5 بٶلمەلٸ تۇرعىن ٷي ساتىپ العان. ال ٶسكەمەدەندە ەكٸ ەليتالىق تۇرعىن ٷي نىسانىنا 82 ميللليون تەڭگە جۇمسالدى.
سونىمەن قاتار, شىمكەنتتٸڭ تۇرعىن ٷي جەنە تۇرعىن ٷي ينسپەكتسيياسى باسقارماسى "سۋپەر" جايلى 5 قىزمەتتٸك پەتەر ساتىپ الۋ تۋرالى حابارلاندىرۋ بەرگەن. ەر پەتەرگە 43 ميلليون تەڭگەدەن بٶلٸنٸپ وتىر. كٶكشەتاۋدا ەكٸمدٸك 40 ميلليون تەڭگەگە اۋماعى 145 شارشى مەتر 4 بٶلمەلٸ پەتەر ساتىپ الدى.
"ال باتىس قازاقستان وبلىسىنىڭ اقساي قالاسىندا اۋدان ەكٸمٸنٸڭ زەۋلٸم سارايىن جٶندەۋگە بيۋدجەتتەن 24 ميلليون تەڭگە بٶلٸنگەن. الماتى وبلىسى جامبىل اۋدانىنىڭ ەكٸمٸ كەڭ پاركينگٸ بار, اۋماعى 180 شارشى مەتر باسپانانى 35 ميلليون تەڭگەگە ساتىپ الۋدى جوسپارلاعان. ال جۋرناليستەردٸڭ اقپاراتىنشا, سول ۇزىناعاشتاعى ەڭ قىمبات كوتتەدج 20 ميلليون تەڭگەدەن اسپايدى", — دەيدٸ دەپۋتات.
قازبەكوۆا بۇل تەك باق پەن قوعامعا عانا بەلگٸلٸ فاكتٸلەر ەكەنٸن اتاپ ٶتتٸ.
"قازاقستاننىڭ بارلىق قالاسى مەن اۋدانىندا مۇنداي دەرەكتەردٸڭ قانشا ەكەنٸن تەك بولجاۋعا بولادى", — دەيدٸ ول.
مەجٸلٸسمەننٸڭ ايتۋىنشا, مىڭداعان قاراپايىم ازامات يپوتەكاسىن ۋاقىتىندا تٶلەۋ ٷشٸن كٷن-تٷن دەمەي ەڭبەكتەنٸپ, كٶپ نەرسەدەن باس تارتىپ جاتقاندا, ىسىراپشىلدىق پەن استامشىلىققا جول بەرگەن شەنەۋنٸكتەردٸڭ سىنعا ٸلٸگۋٸ ورىندى.
"اقجول" فراكتسيياسى مەملەكەتتٸڭ اقشاسىنا شەنەۋنٸكتەرگە قىزمەتتٸك باسپانا ەپەرۋدٸ باعا پارامەترلەرٸمەن جەنە باسپانا اۋماعىمەن رەتتەۋ كەرەك دەپ سانايدى. مەسەلەن, "7-20-25" باعدارلاماسى بويىنشا دەل سول پاۆلوداردا باسپانانىڭ ەڭ جوعارى باعاسى 15 ميلليون تەڭگە بولىپ بەكٸتٸلگەن. ال ەكٸمدٸك پەتەردٸ ٶزٸنە ٷش ەسە قىمبات باعاعا ساتىپ الدى", — دەدٸ دەپۋتات.
وسى ورايدا قازبەكوۆا پرەمەر-مينيستردەن مەملەكەتتٸك ورگاندار مەن بيۋدجەتتٸك ۇيىمداردا تەكسەرٸس جٷرگٸزۋدٸ سۇرادى.
"تەكسەرٸس قورىتىندىسىنان پارلامەنت پەن قوعام دا حاباردار ەتٸلسٸن. سونداي-اق, زاڭ مەن ەتيكا تالاپتارى ساقتالماعان فاكتٸلەر انىقتالسا, كٸنەلٸلەردٸ جازاعا تارتۋ كەرەك. مەملەكەتتٸك قىزمەتشٸلەردٸ قىزمەتتٸك باسپانامەن قامتاماسىز ەتۋدٸڭ قاتاڭ كريتەرييلەرٸن بەكٸتۋ كەرەك. مەسەلەن, "7-20-25" باعدارلاماسىنىڭ پارامەترلەرٸن نەگٸزگە الا وتىرىپ نەمەسە ەر وتباسى مٷشەسٸن تۇرعىن ٷي اۋماعىمەن قامتۋ ستاندارتتارىن ەسكەرٸپ", — دەدٸ ول.
