قازاقستاندا بوساندىرۋ ۇيىمدارىنداعى سانيتارييالىق تالاپتاردىڭ ساقتالۋىنا جٷرگٸزٸلگەن تەكسەرۋ جۇمىستارى اياقتالۋعا جاقىن. دەنساۋلىق ساقتاۋ مينيسترلٸگٸ 84 نىساننىڭ 82-سٸن تەكسەردٸ. ونىڭ ٸشٸندە 35 پەريناتالدىق ورتالىق پەن 47 بوساندىرۋ بٶلٸمٸ بار, دەپ حابارلايدى ult.kz.
تەكسەرۋ بارىسىندا ماماندار مەديتسينالىق ۇيىمدارداعى ينفەكتسييالىق قاۋٸپسٸزدٸك تالاپتارىنىڭ ورىندالۋىن باعالادى. اتاپ ايتقاندا, ستەريليزاتسييا جەنە دەزينفەكتسييا جۇمىستارى, جەلدەتۋ مەن سۋمەن جابدىقتاۋ جٷيەلەرٸنٸڭ جاعدايى, ينفەكتسييالاردى دەر كەزٸندە انىقتاۋ جەنە ينفەكتسييالىق باقىلاۋ قىزمەتتەرٸنٸڭ جۇمىسى تەكسەرٸلدٸ.
سونىمەن قاتار زەرتحانالىق زەرتتەۋلەر جٷرگٸزٸلدٸ. بۇل ماماندارعا تەك قۇجاتتاردى عانا ەمەس, مەديتسينالىق كٶمەكتٸڭ ٸس جٷزٸندە قالاي كٶرسەتٸلٸپ جاتقانىن باعالاۋعا مٷمكٸندٸك بەردٸ.
تەكسەرۋ نەتيجەسٸندە 81 سانيتارييالىق نۇسقاما بەرٸلدٸ. 29 مەديتسينالىق ۇيىمدا دەزينفەكتسييالىق-ستەريليزاتسييالىق رەجيمنٸڭ بۇزىلعانى انىقتالدى. شۇعىل جويۋدى قاجەت ەتەتٸن كەمشٸلٸكتەر بويىنشا تيٸستٸ شارالار قابىلداندى.
دەنساۋلىق ساقتاۋ بٸرٸنشٸ ۆيتسە-مينيسترٸ تيمۋر سۇلتانعازيەۆ ٶڭٸرلٸك دەنساۋلىق ساقتاۋ باسقارمالارىنا بەرٸلگەن نۇسقامالاردىڭ ورىندالۋىن اي سايىن باقىلاۋدى تاپسىردى. سونداي-اق بوساندىرۋ ۇيىمدارىنىڭ سانيتارييالىق-تەحنيكالىق جاعدايىن بەلگٸلەنگەن تالاپتارعا سەيكەستەندٸرۋ مٸندەتتەلدٸ.
بۇدان بٶلەك, ينفەكتسييالىق باقىلاۋ قىزمەتتەرٸن كادرلارمەن قامتاماسىز ەتۋدٸ كٷشەيتۋ, ينفەكتسييالاردىڭ الدىن الۋ باعدارلامالارىن جاڭارتۋ جەنە مەديتسينالىق ۇيىم باسشىلارىنىڭ جەكە جاۋاپكەرشٸلٸگٸن ارتتىرۋ تاپسىرىلدى.
«بٸزدٸڭ مٸندەتٸمٸز – تەك بۇزۋشىلىقتى تٸركەپ, نۇسقاما بەرۋ ەمەس. بٸر ايدان كەيٸن بٸز قايتا كەلٸپ, ناقتى نەتيجەنٸ كٶرۋٸمٸز كەرەك», – دەدٸ تيمۋر سۇلتانعازيەۆ.
مينيسترلٸكتٸڭ مەلٸمەتٸنشە, تەكسەرۋ جۇمىستارىنىڭ كەلەسٸ كەزەڭٸندە بالالار اۋرۋحانالارى قامتىلادى. كەيٸن وسىنداي باقىلاۋ مەديتسينالىق-سانيتارييالىق العاشقى كٶمەك ۇيىمدارىندا دا جٷرگٸزٸلەدٸ.
