دەنساۋلىق ساقتاۋ مينيسترلٸگٸ ۆاكتسينالاردىڭ ساقتالۋىنا باقىلاۋدى كٷشەيتتٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
ەلٸمٸزدٸڭ پرەزيدەنتٸ قاسىم-جومارت توقاەۆ 2021 جىلعى 19 شٸلدەدەگٸ ەلدەگٸ ەپيدەميولوگييالىق جاعداي جٶنٸندەگٸ كەڭەستە قازاقستاننىڭ كەيبٸر ٶڭٸرلەرٸندە كوروناۆيرۋسقا قارسى ۆاكتسينا دۇرىس ساقتالماعان دەپ اتاپ ايتتى.
«ٶڭٸرلەردٸڭ بەرٸ بٸردەي بۇل جۇمىستى تيٸستٸ دەڭگەيدە ۇيىمداستىرمايدى. ۆاكتسينالاردى ساقتاۋدىڭ تەمپەراتۋرالىق رەجيمٸن بۇزۋدىڭ كٶپتەگەن فاكتٸلەرٸ ەگۋ پۋنكتتەرٸنٸڭ شامامەن 30%-ندا انىقتالدى» – دەدٸ مەملەكەت باسشىسى.
بۇل اقپاراتتى 2021 جىلعى 23 شٸلدەدەگٸ بريفينگتە قازاقستان رەسپۋبليكاسى دەنساۋلىق ساقتاۋ مينيسترلٸگٸنٸڭ ٶكٸلدەرٸ راستادى.
ەستەرٸڭٸزگە سالا كەتەيٸك, اعىمداعى جىلعى اقپاندا COVID-19 كوروناۆيرۋس ينفەكتسيياسىنا قارسى ۆاكتسينالاۋ باستالعان كەزدە ەلٸمٸزدە 200-دەن استام ەگۋ پۋنكتٸ جۇمىس ٸستەدٸ, اعىمداعى جىلعى 23 شٸلدەدەگٸ جاعداي بويىنشا 2300-دەن استام پۋنكت جۇمىلدىرىلدى.
باستاپقىدا سانيتارييالىق-ەپيدەميولوگييالىق قىزمەت ۆاكتسيناتسييا پروتسەسٸ باستالعانعا دەيٸن ەگۋ پۋنكتتەرٸنٸڭ اشىلۋىنا بايلانىستى تەكسەرۋلەر جٷرگٸزدٸ. سونداي-اق, ۆاكتسينالاۋ كەزٸندە سانيتارييالىق قاعيدالار تالاپتارىنىڭ ساقتالۋىنا, ونىڭ ٸشٸندە سالقىن تٸزبەكتٸڭ ساقتالۋىنا مونيتورينگ جاساۋ ٷشٸن جاعدايدى بارىپ باقىلاۋ جٷرگٸزٸلەدٸ. نەگٸزٸنەن, ەربٸر ٷشٸنشٸ ەگۋ پۋنكتٸندە (شامامەن 30%) جۇمىسقا رۇقسات العانعا دەيٸن سانيتارييالىق قاعيدالار تالاپتارىنىڭ بۇزىلاتىنى انىقتالدى. بۇزۋشىلىقتار جويىلعانعا دەيٸن وسى ەگۋ پۋنكتتەرٸن پايدالانۋعا رۇقسات ەتٸلگەن جوق.
ۆاكتسينالاردى ساقتاۋ جەنە تاسىمالداۋ كەزٸندە «سالقىن تٸزبەك» تالاپتارىن ساقتاۋ حالىققا پروفيلاكتيكالىق ەگۋدٸ جٷرگٸزۋ كەزٸندە ماڭىزدى شارت بولىپ تابىلادى. بارلىق ۇيىمداستىرۋشىلىق جەنە پراكتيكالىق ٸس-شارالار ۆاكتسينالاردى ساقتاۋدىڭ وڭتايلى تەمپەراتۋرالىق جاعدايلارىن ساقتاۋعا باعىتتالۋى تيٸس. سانيتارييالىق-ەپيدەميولوگييالىق قىزمەت قولدانىستاعى ەگۋ پۋنكتتەرٸندە سالقىن تٸزبەكتٸڭ, ۆاكتسيناتسييانى ۇيىمداستىرۋ جەنە جٷرگٸزۋ قاعيدالارىنىڭ, ونىڭ ٸشٸندە تەمپەراتۋرالىق رەجيمنٸڭ ساقتالۋىنا تۇراقتى نەگٸزدە مونيتورينگتٸ جٷزەگە اسىرادى.
«ۆاكتسينانى ساقتاۋدىڭ تەمپەراتۋرالىق رەجيمٸن ساقتاۋ – ۆاكتسينالاۋ تيٸمدٸلٸگٸنٸڭ كەپٸلٸ. دەنساۋلىق ساقتاۋ مينيسترلٸگٸ مەملەكەت باسشىسىنىڭ تاپسىرماسىن ەرەكشە باقىلاۋعا الىپ وتىر», - دەلٸنگەن حابارلامادا.
