Densaýlyq saqtaý ministrligi vaktsinalardyń saqtalýyna baqylaýdy kúsheitti, dep habarlaidy "Ult aqparat" ministrliktiń baspasóz qyzmetine silteme jasap.
Elimizdiń Prezidenti Qasym-Jomart Toqaev 2021 jylǵy 19 shildedegi eldegi epidemiologiialyq jaǵdai jónindegi keńeste Qazaqstannyń keibir óńirlerinde koronavirýsqa qarsy vaktsina durys saqtalmaǵan dep atap aitty.
«Óńirlerdiń bári birdei bul jumysty tiisti deńgeide uiymdastyrmaidy. Vaktsinalardy saqtaýdyń temperatýralyq rejimin buzýdyń kóptegen faktileri egý pýnktteriniń shamamen 30%-nda anyqtaldy» – dedi Memleket basshysy.
Bul aqparatty 2021 jylǵy 23 shildedegi brifingte Qazaqstan Respýblikasy Densaýlyq saqtaý ministrliginiń ókilderi rastady.
Esterińizge sala keteiik, aǵymdaǵy jylǵy aqpanda COVID-19 koronavirýs infektsiiasyna qarsy vaktsinalaý bastalǵan kezde elimizde 200-den astam egý pýnkti jumys istedi, aǵymdaǵy jylǵy 23 shildedegi jaǵdai boiynsha 2300-den astam pýnkt jumyldyryldy.
Bastapqyda sanitariialyq-epidemiologiialyq qyzmet vaktsinatsiia protsesi bastalǵanǵa deiin egý pýnktteriniń ashylýyna bailanysty tekserýler júrgizdi. Sondai-aq, vaktsinalaý kezinde sanitariialyq qaǵidalar talaptarynyń saqtalýyna, onyń ishinde salqyn tizbektiń saqtalýyna monitoring jasaý úshin jaǵdaidy baryp baqylaý júrgiziledi. Negizinen, árbir úshinshi egý pýnktinde (shamamen 30%) jumysqa ruqsat alǵanǵa deiin sanitariialyq qaǵidalar talaptarynyń buzylatyny anyqtaldy. Buzýshylyqtar joiylǵanǵa deiin osy egý pýnktterin paidalanýǵa ruqsat etilgen joq.
Vaktsinalardy saqtaý jáne tasymaldaý kezinde «salqyn tizbek» talaptaryn saqtaý halyqqa profilaktikalyq egýdi júrgizý kezinde mańyzdy shart bolyp tabylady. Barlyq uiymdastyrýshylyq jáne praktikalyq is-sharalar vaktsinalardy saqtaýdyń ońtaily temperatýralyq jaǵdailaryn saqtaýǵa baǵyttalýy tiis. Sanitariialyq-epidemiologiialyq qyzmet qoldanystaǵy egý pýnktterinde salqyn tizbektiń, vaktsinatsiiany uiymdastyrý jáne júrgizý qaǵidalarynyń, onyń ishinde temperatýralyq rejimniń saqtalýyna turaqty negizde monitoringti júzege asyrady.
«Vaktsinany saqtaýdyń temperatýralyq rejimin saqtaý – vaktsinalaý tiimdiliginiń kepili. Densaýlyq saqtaý ministrligi Memleket basshysynyń tapsyrmasyn erekshe baqylaýǵa alyp otyr», - delingen habarlamada.
