دەنساۋلىق ساقتاۋ مينيسترلٸگٸ قوعامدىق دەنساۋلىق ساقتاۋ كوميتەتٸنٸڭ تٶراعاسى, ەلٸمٸزدٸڭ باس سانيتارلىق دەرٸگەرٸ جانداربەك بەكشين سەنات سپيكەرٸ قاسىم-جومارت توقاەۆتىڭ مەنينگيتكە قاتىستى ايتقان سىنىنا جاۋاپ بەردٸ, - دەپ حابارلايدى Tengrinews.kz تٸلشٸسٸ.
مۇنىڭ الدىندا پارلامەنت سەناتىنىڭ تٶراعاسى قاسىم-جومارت توقاەۆ ەلدەگٸ مەنيگيتكە قاتىستى پروفيلدەگٸ مينيسترلٸك كەشٸرٸلمەيتٸن جايباسارلىق پەن باتىلسىزدىق تانىتىپ وتىر دەگەن بولاتىن.
"سٸز بۇل جاعدايدى توقتاتۋعا قاتىستى بارلىق تالاپتىڭ ورىندالعانىن ەستٸدٸڭٸز. بٸزبەن بٸرگە ماماندار جۇمىس ٸستەپ جاتىر, ولار بٸزدٸڭ جۇمىستى تولىق اتقارىپ جاتقانىمىزعا باعا بەرٸپ جاتىر. بارلىق ٷش كەزەڭ بويىنشا. بٸرٸنشٸسٸ - اۋرۋ وشاعىن جەنە دەرت جۇقتىرعاندارمەن بايلانىستى بولعانداردى انىقتاپ, ولارعا دەرٸگەرلەردٸڭ باقىلاۋىمەن انتيبيوتيكالىق الدىن الۋ جۇمىستارىن جٷرگٸزۋ. ەكٸنشٸ - دياگنوستيكا. ٷشٸنشٸ - بٸلٸكتٸ ەم جٷرگٸزۋ. بۇل ٷش نەگٸزگٸ تالاپ تولىق ورىندالىپ جاتىر. بٸز ٷنەمٸ تۇرعىندارمەن كەزدەسۋ ٶتكٸزٸپ جاتقانىمىزدى كٶرٸپ وتىرسىز", - دەدٸ جانداربەك بەكشين وكق-دا ٶتكەن بريفينگ كەزٸندە.
ول مۇنداي جۇمىستار ايماقتاردا دا جٷرگٸزٸلٸپ جاتقانىن اتاپ ٶتتٸ.
4 ماۋسىمدا تالدىقورعاندا 17 جاستاعى جٸگٸت مەنينگيتتەن قايتىس بولعانى حابارلاندى. بۇل اقپاراتتى الماتى وبلىسى قوعامدىق دەنساۋلىق ساقتاۋ دەپارتامەنتٸ راستادى. ال دەنساۋلىق ساقتاۋ مينيسترٸ ەلجان بٸرتانوۆ مەنينگيتكە بايلانىستى قازاقستاندا كارانتين جارييالانبايتىنىن مەلٸمدەگەن بولاتىن.
"بٸز مەنينگوكوكك ينفەكتسيياسىن جۇقتىرعاندار مەن قايتىس بولعانداردىڭ سانىن جاسىرمايمىز. قازٸر كارانتين جارييالاۋدىڭ قاجەتٸ جوق. (...) قازاقستاندىقتاردان دەرٸگەرلەر ايتقان كەڭەستەردٸ تىڭداۋلارىن سۇرايمىز", - دەدٸ بٸرتانوۆ.
