قازاقستانعا Pfizer ۆاكتسيناسىنىڭ تٶرت ميلليون دوزاسى جەتكٸزٸلەدٸ. بۇل تۋرالى دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى Sputnik قازاقستان.
"Pfizer بويىنشا بٸز نەگٸزگٸ كەلٸسٸمشارتقا قول قويدىق. وسى كومپانييامەن كەلٸسٸمشارت رەسٸمدەۋدٸڭ ٶزٸندٸك تەرتٸبٸ بار. بٸرنەشە قۇجات بار. بٸز سوڭعى قۇجاتتى رەسٸمدەدٸك. وعان سەيكەس, شامامەن, تٶرت ميلليون دوزا جەتكٸزٸلەدٸ", - دەدٸ تسوي ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
مينيستردٸڭ ايتۋىنشا, Pfizer ۆاكتسينا كەلگەن بويدا ونى الدىمەن 12 جاستان اسقان بالالارعا جەنە جٷكتٸ ەيەلدەرگە ۇسىنادى. سەبەبٸ ەكپەنٸ دەل وسى توپقا جاتاتىن ادامدارعا سالۋعا بولادى.
"مەنٸڭشە, قازان-قاراشادا جەتكٸزەمٸز. قازٸر راستاۋدى كٷتٸپ وتىرمىز. جاقىن ارادا بولادى", - دەپ اتاپ كٶرسەتتٸ تسوي.
وسى ورايدا مينيستر Pfizer ۆاكتسيناسىن ساقتاۋ تەرتٸبٸنە دە توقتالدى. بٷگٸندە توڭازىتقىش قۇرالدارى جەتكٸزٸلٸپ جاتىر. ونى بارلىق ەكپە پۋنكتەرٸندە ورناتادى. سەبەبٸ Pfizer-دٸ -80 گرادۋستا ساقتاۋ قاجەت.
