الماتىدا دەنيس تەننٸڭ ۇرىلارمەن جاعا جىرتىسىپ جاتقانىن كٶرگەن پوليتسەيلەر جاۋاپقا تارتىلۋى مٷمكٸن. بۇل تۋرالى بٷگٸنگٸ الدىن الا سوت تىڭدالىمى بارىسىندا جەبٸرلەنۋشٸ تاراپتىڭ قورعاۋشىسى نۇرلان ٶستەمٸروۆ ايتتى, دەپ حابارلايدى قازاقپارات تٸلشٸسٸ.
«ۆيدەوسى بار. كۋەگەرلەر تٷسٸپ قالعان. ەكٸ پوليتسييا قىزمەتكەرٸ جٷر. ولار نە ٸستەپ جٷر وندا? قازٸر ولارعا قاتىستى ۇلتتىق بيۋرو قىلمىستىق ٸس قوزعاپ جاتىر. بٸراق ولار ەزٸرگە شارا قابىلداماعانى ٷشٸن جاۋاپقا تارتىلىپ جاتىر. تاپسىرىس بەرۋشٸلەر بولۋى ىقتيمال. قيياسوۆ دەنيستٸڭ ٶلٸمٸن ٶز موينىنا الىپ وتىر. ۆيدەودا كٶرٸنگەندەي ول ارتقى جاعىننان كەلگەن. ال ارتقى جاعىنداعى ادام قالايشا ادامنىڭ الدىنا كەلٸپ, سانىنىڭ ٸشكٸ جاعىنان پىشاقتىڭ جٷزٸن جوعارى قاراتا تٸلەدٸ. تۋرا حاس شەبەر سيياقتى. تامىرىن تٸلۋ ٷشٸن ٸستەلگەن دەپ ويلايمىز. سوندىقتان, ٸستە باسقا دا كٷدٸكتٸلەر بولۋى مٷمكٸن ەكەنٸن جوققا شىعارمايمىز», - دەدٸ قورعاۋشى ٶستەمٸروۆ.
مۇنىڭ الدىندا سوتتالۋشىلاردىڭ جەكە باسى تۋرالى مəلٸمەت بەلگٸلٸ بولدى. سوتتالۋشى جانار تولىباەۆا ٶزٸنٸڭ جٷكتٸلٸكتٸڭ 6,5 ايلىعىندا ەكەنٸن مəلٸمدەگەن بولاتىن.
كەلەسٸ سوت وتىرىسى 3 قاڭتارعا تاڭەرتەڭگٸ 10-عا بەلگٸلەندٸ.
ەسكە سالساق, دەنيس تەندٸ بيىل 19 شٸلدەدە الماتى قالاسىندا بەلگٸسٸز بٸرەۋلەر پىشاقتاپ كەتكەن ەدٸ. اۋىر حالدە اۋرۋحاناعا جەتكٸزٸلگەن سپورتشى كٶز جۇمعان بولاتىن.
دەنيس تەننٸڭ ٶلٸمٸنە قاتىستى قىلمىستىق ٸسقوزعالىپ, كٷدٸكتٸلەر ٸزدەستٸرٸلدٸ. ەلباسى دەنيس تەنگە قاتىستى قىلمىستى مۇقييات تەكسەرۋدٸ تاپسىردى. كەيٸن قر ٸٸم كٷدٸكتٸلەردٸڭ ۇستالعانىن جارييا ەتتٸ.
ال, قىركٷيەك ايىنىڭ سوڭىندا ٸشكٸ ٸستەر مينيسترٸ قالمۇحانبەت قاسىموۆ اتالمىش قىلمىستىق ٸستٸڭ تەرگەلۋٸنە قاتىستى مەلٸمەت بەرگەن بولاتىن.
بٷگٸن الماتى قىلمىستىق ٸستەر بويىنشا اۋدانارالىق مامانداندىرىلعان سوتتا بەلگٸلٸ سپورتشىنىڭ ٶلٸمٸ بويىنشا الدىن الا سوت تىڭدالىمى ٶتتٸ.
