دەنيس تەننٸڭ ٶلٸمٸنە قاتىستى ٸس سوتقا جٸبەرٸلدٸ. قىلمىستىق ٸس الماتى قالالىق قىلمىستىق ٸستەر بويىنشا مامانداندىرىلعان اۋدانارالىق سوتىندا قارالاتىن بولدى, دەپ حابارلايدى قازاقپارات تٸلشٸسٸ قالالىق سوتتىڭ باسپاسٶز قىزمەتٸنە سٸلتەمە جاساپ.
«مامانداندىرىلعان قىلمىستىق سوتقا قر قك 434-بابى, قر قك 24-بابىنىڭ 3-بٶلٸمٸ, 188-بابىنىڭ 2-بٶلٸمٸنٸڭ 1- تارماعى بويىنشا ايىپتالعان ج.تولىباەۆا, ال قر قك 188-بابىنىڭ 2-بٶلٸمٸنٸڭ 1 تارماعى, قر قك 99-بابىنىڭ 2-بٶلٸمٸمەن, 192-بابىنىڭ 2-بٶلٸمٸمەن قىلمىستىق جاۋاپكەرشٸلٸككە تارتىلىپ وتىرعان ا. قۇدايبەرگەنوۆ, قر قك 99-بابىنىڭ 2-بٶلٸمٸمەن, 192-بابىنىڭ 2-بٶلٸمٸمەن قىلمىستىق جاۋاپكەرشٸلٸككە تارتىلىپ وتىرعان نۇرالى قيياسوۆقا قاتىستى ٸس 13 جەلتوقساندا تٷستٸ. قىلمىستىق ٸس 38 تومنان تۇرادى. ٸس بويىنشا 3 سوتتالۋشى سوت الدىندا جاۋاپ بەرەدٸ», - دەدٸ باسپاسٶز قىزمەتٸنەن.
ەسكە سالساق, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان كٶز جۇمعان ەدٸ. وقيعا قۇرمانعازى مەن بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00-دەر شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنان جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ.
بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن. 2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى. كەيٸن بەلگٸلٸ بولعانداي, سپورتشىنىڭ ٶلٸمٸنە قاتىسى بار كٷدٸكتٸلەر ۇستالىپ, قىلمىستارىن مويىندادى.
