قازاقستاندىق مەنەرلەپ سىرعاناۋشى دەنيس تەن ٶلتٸرٸلگەن جەرگە بٸرٸنشٸ بولىپ جەتكەن كۋەگەر پوليتسەيلەر الماتى قالاسىنىڭ قىلمىستىق ٸستەر بويىنشا مامانداندىرىلعان اۋدانارالىق سوتىنداعى پروتسەسكە قاتىستى, دەپ حابارلادى Sputnik قازاقستان تٸلشٸسٸ.
قالانىڭ جول-پاتۋلدٸك قىزمەتٸنٸڭ ۆزۆود كومانديرٸ ەردوس ەركٸنبەك 2018 جىلدىڭ 19 شٸلدەسٸندە روتا بويىنشا جاۋاپتى قىزمەتٸن اتقارعان.
"شەۆچەنكو – بايسەيٸتوۆا كٶشەلەرٸ قيىلىسىندا تٶبەلەس بولىپ, بٸرەۋدٸ پىشاقتاپ كەتكەنٸ تۋرالى حابار تٷستٸ. وقيعا ورنىنا التى مينۋتتا جەتتٸم. ابىلايحان كٶشەسٸنە شىققان كەزدە, باعىتتاما جٸبەرە باستاعانمىن. وقيعا ورنىنا كەلگەندە قانسىراپ جاتقان ادامدى كٶردٸم. جاراقاتىنان جوعارىراق بۇراۋ سالدىم. ول كەزدە دەنيس تەن ەكەنٸن بٸلمەگەن ەدٸم. ەتپەتٸنەن جاتقان بولاتىن. سوسىن جەدەل جەردەم كەلٸپ جەتتٸ. اينالار تەننٸڭ قاسىندا جاتقان ەدٸ. سونىمەن بٸرگە ەكٸ جولدوربا بولدى", — دەپ مەلٸمدەدٸ ەركٸنبەك.
ەركٸنبەكتٸڭ ايتۋىنشا, وقيعا ورىنا كەلٸپ جەتكەندە كەمەلەتتٸك جاسقا تولماعاندار ٸسٸ بويىنشا ينسپەكتور سول جەردە بولعان.
"كٷدٸكتٸلەردٸڭ قانداي كيٸم كيگەنٸن ينسپەكتوردان سۇراپ, پوليتسەيلەرگە راتسييامەن حابارلادىم", — دەيدٸ تەرتٸپ ساقشىسى.
المالى اۋدانى جول-پاترۋلدٸك قىزمەتٸنٸڭ ٶكٸلٸ ادالباي سەرجاننىڭ ايتۋىنشا, وقيعانى كٶرگەن كۋەگەر "جاستار ويناپ جٷرگەن شىعار" دەپ ويلاپتى.
"ول باستاپقىدان جٸگٸتتەر ويناپ جٷرگەن شىعار دەپ قالىپتى. بٸرەۋٸ قۇلاعان سەتتە عانا, مەن-جايدى تٷسٸنگەن. كۋەگەر باسقا دا ادامداردىڭ كٶرگەنٸن ايتتى, بٸراق بٸز ولاردى تاپپادىق, سوندىقتان بٸر كۋەگەردٸڭ عانا جاۋابىن الدىق", — دەدٸ سەرجان.
دەنيس تەننٸڭ ٶلٸمٸ تۋرالى ٸس
سوتتالۋشىلار — ارمان قۇدايبەرگەنوۆ, نۇرالى قيياسوۆ جەنە جانار تولىباەۆا. باستاپقى ەكٸ كٷدٸكتٸگە "الدىن-الا سٶز بايلاسۋ ارقىلى ادامدار توبىنىڭ قاراقشىلىق جاساۋى" جەنە "الدىن-الا سٶز بايلاسۋ ارقىلى ادامدار توبىنىڭ كٸسٸ ٶلتٸرۋٸ" دەگەن باپتار بويىنشا ايىپ تاعىلدى. ال تولىباەۆا قىلمىس تۋرالى حابارلامادى دەگەن كٷدٸككە ٸلٸندٸ.
25 جەلتوقساندا ٶتكەن العاشقى وتىرىستا جەبٸرلەنۋشٸ تاراپتىڭ ادۆوكاتى نۇرلان ٶستەمٸروۆ دەنيس تەن تاپسىرىسپەن ٶلتٸرٸلدٸ دەپ مەلٸمدەپ, سوتتان ٸستٸ قوسىمشا تەرگەۋگە جٸبەرۋدٸ سۇراعان بولاتىن. بٸراق سۋديا ٸستٸ قايتا تەرگەۋگە جٸبەرۋدٸڭ قاجەتٸ جوق دەپ شەشتٸ.
قۇدايبەرگەنوۆ پەن قيياسوۆ ۇرلىق جاساعاندارىن مويىندادى. الايدا دەنيس تەندٸ ٶلتٸرۋدٸ جوسپارلاعان جوقپىز دەيدٸ. تولىباەۆا سوتتان ٶزٸ ايىپتالىپ وتىرعان باپتاردى ٶزگەرتۋدٸ سۇرادى.
قازٸر سوت مەملەكەتتٸك تٸلدە سۋديا كەڭشٸلٸك ەبەلدينوۆتٸڭ تٶراعالىعىمەن ٶتٸپ جاتىر. قىلمىستىق ٸس 38 تومنان تۇرادى.
