الماتىدا دەنيس تەننٸڭ ٶلٸمٸنە قاتىستى ٸس بويىنشا باستى سوت تالقىلاۋى جالعاسۋدا, دەپ حابارلايدى قازاقپارات تٸلشٸسٸ.
بٷگٸنگٸ وتىرىستا پروكۋرور قۋاندىق دوسوۆ سوتتالۋشىلارعا قاتىستى ايىپتاۋ اكتٸسٸن وقىدى.
«2018 جىلى ماۋسىمدا بٶتەننٸڭ مٷلكٸن جىمقىرۋ ماقساتىمەن سوتتالۋشى قۇدايبەرگەنوۆ شاگابۋتدينوۆ شەۆچەنكو كٶشەلەرٸنٸڭ قيىلىسىندا تۇرعان جاڭقاباەۆتىڭ Lexus كٶلٸگٸنٸڭ ايناسىن الىپ كەتكەن. وسىلايشا وعان 608 مىڭ تەڭگە كٶلەمٸندە شىعىن كەلتٸردٸ. ٶزٸنٸڭ قىلمىسىن جاسىرۋ ماقساتىندا ول اينالاردى شاڭىراقتاعى سايعا لاقتىرىپ كەتكەن. سونىمەن قاتار, قۇدايبەرگەنوۆ 11-شٸلدەدە زاڭسىز جولمەن اقشا تابۋ ماقساتىندا استاناداعى كٷيشٸ دينا كٶشەسٸندە شəمشيەۆتٸڭ كٶلٸگٸنٸڭ ايناسىن شەشٸپ كەتكەن. وسىعان بايلانىستى قۇدايبەرگەنوۆكە قر قك 188-بابى بويىنشا ايىپ تاعىلدى. كەيٸن قيياسوۆ پەن تولىباەۆا, قۇدايبەرگەنوۆ ٷشەۋٸ «ماگنۋم» ساۋدا ٷيٸنەن اس ٷي پىشاعىن, قولعاپ ساتىپ العان.
19-شٸلدە كٷنٸ قۇرمانعازى كٶشەسٸنەن شىعىسقا قاراي بايسەيٸتوۆا كٶشەسٸندە LEXUS 708 02 نٶمٸرلٸ كٶلٸگٸنٸڭ تۇرعانىن بايقاعان. ولار كٶلٸكتەرٸن «دوستىق» قوناق ٷيٸنٸڭ قاسىنا قالدىرىپ, تەننٸڭ اۆتوكٶلٸگٸنە قاراي جاياۋ جاقىنداعان. تولىباەۆا جان-جاعىنا قاراپ, ادامداردىڭ قاراسى ازايۋىن, ىڭعايلى سəتتٸ كٷتٸپ, 7 مەتر ارا قاشىقتان ايماقتى باقىلاپ تۇرعان. قۇدايبەرگەنوۆ بولسا كٶلٸكتٸڭ ايناسىن شىعارىپ الىپ, كٶلٸك يەسٸنە 199 مىڭ تەڭگە شىعىن كەلتٸرگەن. سول سəتتە دەنيس تەن تولىباەۆانىڭ قاسىنان ٶتٸپ, كٶلٸگٸنٸڭ جانىندا تۇرعان بٶتەن ادامدى كٶرەدٸ. ونىڭ كٶلٸك ايناسىن ۇرلىق جاساپ جاتقانىن بايقاعان سوڭ ايناسىنا جارماسا كەتكەن. قۇدايبەرگەنوۆ سول سəتتە بايسەيٸتوۆا كٶشەسٸنە قاراي قاشا جٶنەلگەن. تەن كٶپ ۇزاماي ونى قۋىپ جەتكەن. سول كەزدە قۇدايبەرگەنوۆ پەن تەن اراسىندا تٶبەلەس باستالعان. قۇدايبەرگەنوۆ شالبارىنىڭ بەلبەۋٸن الىپ تەننٸڭ بەتٸنەن ۇرا باستاعان. سول سəتتە قيياسوۆ ريۋكزاكتان پىشاقتى الىپ ارت جاعىنان كەلگەن. قيياسوۆ ٶزدەرٸنٸڭ قىلمىسىن جاسىرۋ ماقساتىندا ادام ٶلتٸرۋ قىلمىستىق وي پيعىلى پايدا بولعان. قۇدايبەرگەنوۆ تەندٸ ۇستاي تۇرادى. سول كەزدە قيياسوۆ دەنيس تەننٸڭ وڭ جاق سانىنىڭ ارتەريياسىنىڭ جوعارعى تۇسىنان ەكٸ رەت پىشاق سالدى. تەن العان جاراقاتىنان سول جەردە قايتىس بولدى»,- دەدٸ مەملەكەتتٸك ايىپتاۋشى قۋاندىق دوسوۆ.
پروكۋرور ارمان قۇدايبەرگەنوۆكە قر قك 192-بابىنىڭ 2-بٶلٸمٸ, قر قك 188-بابى, قر قك 99-بابىنىڭ 2-بٶلٸمٸ بويىنشا ايىپ تاعىلعانىن ايتتى. ال قيياسوۆقا قر قك 192-بابىنىڭ 2-بٶلٸمٸ, قر قك 2-بٶلٸمٸ, 7-8 تارماعى بويىنشا ايىپ تاعىلدى.
مەملەكەتتٸك ايىپتاۋشى جانار تولىباەۆاعا قر قك 188-بابى مەن قر قك 434-بابى نەگٸزٸندە ايىپ تاعىلعانىن جەتكٸزدٸ.
ال سوتتالۋشىلار ارمان قۇدايبەرگەنوۆ پەن نۇرالى قيياسوۆ ٶزدەرٸنە تاعىلعان ادام ٶلتٸرۋ ايىبىمەن كەلٸسپەيتٸندەرٸن ايتتى.
«مەن ۇرلىق جاساعانىمدى مويىندايمىن. قاراقشىلىق پەن ادام ٶلتٸرۋ قىلمىسىن جاساۋ ويىمدا بولعان جوق. جاڭقاباەۆ پەن شəمشيەۆتٸڭ, تەننٸڭ ايناسىن العانىمدى مويىندايمىن», - دەدٸ قۇدايبەرگەنوۆ.
قيياسوۆ تا ٶز قىلمىسىن مويىنداعان جوق.
سوتتالۋشى جانار تولىباەۆا قر قك 188-بابىن 30-باپقا اۋىستىرۋدى ٶتٸندٸ. ونىڭ ايتۋىنشا, ول قىلمىسقا بارا جاتقانىن بٸلمەگەن.
«434-باپتى دا مويىندامايمىن. سەبەبٸ, مەن پىشاق سالىپ جاتقانىن كٶرگەن جوقپىن»,- دەدٸ جانار تولىباەۆا.
مۇنىڭ الدىنداعى وتىرىستا قوس تاراپ الدىن الا تىڭدالىم بارىسىندا ٶز تالاپ ارىزدارىن ايتقان بولاتىن.
وكسانا تەننٸڭ قۇقىعىن قورعاۋشى نۇرلان ٶستەمٸروۆ دەنيستٸ بٸرەۋلەر تاپسىرىسپەن ٶلتٸرۋٸ مٷمكٸن دەگەن ويمەن ٸستٸ قايتا تەرگەۋگە جٸبەرۋدٸ سۇراعان ەدٸ.
سۋديا سوت زالىنان تىس كەڭەسۋ بٶلمەسٸندە كەڭەسۋدەن سوڭ ٸستٸ پروكۋراتۋراعا قايتا تەرگەۋگە جٸبەرۋ قاجەتتٸلٸگٸ جوق دەپ شەشتٸ.
سونىمەن قاتار, جەبٸرلەنۋشٸ تاراپ دەنيستٸڭ ۇرىلارمەن جاعا جىرتىسىپ جاتقانىن ەكٸ پوليتسەي كٶرگەنٸن ايتتى.
سوتتالۋشى جانار تولىباەۆا ٶزٸنٸڭ جٷكتٸلٸكتٸڭ 6,5 ايلىعىندا ەكەنٸن مəلٸمدەگەن بولاتىن.
ەسكە سالساق, دەنيس تەندٸ بيىل 19 شٸلدەدە الماتى قالاسىندا بەلگٸسٸز بٸرەۋلەر پىشاقتاپ كەتكەن ەدٸ. اۋىر حالدە اۋرۋحاناعا جەتكٸزٸلگەن سپورتشى كٶز جۇمعان بولاتىن.
دەنيس تەننٸڭ ٶلٸمٸنە قاتىستى قىلمىستىق ٸس قوزعالىپ, كٷدٸكتٸلەر ٸزدەستٸرٸلدٸ. ەلباسى دەنيس تەنگە قاتىستى قىلمىستى مۇقييات تەكسەرۋدٸ تاپسىردى.
كەيٸن قر ٸٸم كٷدٸكتٸلەردٸڭ ۇستالعانىن جارييا ەتتٸ. ال, قىركٷيەك ايىنىڭ سوڭىندا ٸشكٸ ٸستەر مينيسترٸ قالمۇحانبەت قاسىموۆ اتالمىش قىلمىستىق ٸستٸڭ تەرگەلۋٸنە قاتىستى مەلٸمەت بەرگەن بولاتىن.
25-جەلتوقساندا الماتىنىڭ قىلمىستىق ٸستەر بويىنشا اۋدانارالىق مامانداندىرىلعان سوتىندا بەلگٸلٸ سپورتشىنىڭ ٶلٸمٸ بويىنشا الدىن الا سوت تىڭدالىمى ٶتتٸ.
