الماتىدا دەنيس تەننٸڭ ٶلٸمٸنە قاتىستى سوت باستالدى. بٷگٸنگٸ وتىرىستا سوتقا دەيٸنگٸ تىڭدالىم بارىسىندا كٷدٸكتٸلەردٸڭ جەكە مəلٸمەتتەرٸ بەلگٸلٸ بولدى, دەپ حابارلايدى قازاقپارات تٸلشٸسٸ.
قر قىلمىستىق كودەكسٸنٸڭ 434-بابى, قر قك 24-بابىنىڭ 3-بٶلٸمٸ, 188-بابىنىڭ 2-بٶلٸمٸنٸڭ 1-تارماعى بويىنشا ايىپتالعان جانار تولىباەۆا جوعارى بٸلٸمدٸ, تاراز يننوۆاتسييالىق گۋمانيتارلىق ۋنيۆەرسيتەتٸن باستاۋىش مەكتەپ مۇعالٸمٸ ماماندىعىمەن اياقتاعان.
23 جاستاعى كەلٸنشەك ٶز سٶزٸندە 4 جاستاعى بالاسى بار ەكەنٸن, ەكٸنشٸ بالاسىنا جٷكتٸ ەكەندٸگٸن ايتتى.
«مەن - ٶزبەكستان رەسپۋبليكاسىنىڭ تۋماسىمىن. قازٸر قازاقستان ازاماتشاسىمىن. اجىراسقانمىن, 4 جاستاعى بالام بار, ەكٸنشٸسٸنە جٷكتٸمٸن, 6,5 اي بولدى», - دەدٸ جانار تولىباەۆا.
ال قر قك 188-بابى 2-بٶلٸمٸنٸڭ 1-تارماعى, قر قك 99-بابىنىڭ 2-بٶلٸمٸمەن, 192-بابىنىڭ 2-بٶلٸمٸمەن قىلمىستىق جاۋاپكەرشٸلٸككە تارتىلىپ وتىرعان ارمان قۇدايبەرگەنوۆ بۇعان دەيٸن كٶلٸك جۋۋ ورنىندا جۇمىس ٸستەگەن. بۇرىن قر قك-نٸڭ 178-بابىنىڭ 2-بٶلٸمٸمەن ٸستٸ بولعان.
قىلمىستىق ٸس 38 تومنان تۇرادى.
ەسكە سالساق, دەنيس تەندٸ بيىل 19 شٸلدەدە الماتى قالاسىندا بەلگٸسٸز بٸرەۋلەر پىشاقتاپ كەتكەن ەدٸ. اۋىر حالدە اۋرۋحاناعا جەتكٸزٸلگەن سپورتشى كٶز جۇمعان بولاتىن.
دەنيس تەننٸڭ ٶلٸمٸنە قاتىستى قىلمىستىق ٸس قوزعالىپ, كٷدٸكتٸلەر ٸزدەستٸرٸلدٸ. ەلباسى دەنيس تەنگە قاتىستى قىلمىستى مۇقييات تەكسەرۋدٸ تاپسىردى. كەيٸن قر ٸٸم كٷدٸكتٸلەردٸڭ ۇستالعانىن جارييا ەتتٸ.
ەسكە سالا كەتسەك, قىركٷيەك ايىنىڭ سوڭىندا ٸشكٸ ٸستەر مينيسترٸ قالمۇحانبەت قاسىموۆ اتالمىش قىلمىستىق ٸستٸڭ تەرگەلۋٸنە قاتىستى مەلٸمەت بەرگەن بولاتىن.
