الماتىدا دەنيس تەننٸڭ ٶلٸمٸ بويىنشا سوت وتىرىسى جالعاسۋدا. بٷگٸن سوتتا سپورتشىنىڭ اناسى وكسانا تەن تٷسٸنٸك بەردٸ, دەپ حابارلايدى قازاقپارات تٸلشٸسٸ.
"بٸرٸنشٸ سەكۋندتان باستاپ مەن مۇنىڭ جاي عانا اۆتوۇرلىق ەكەنٸنە سەنگەن جوقپىن. وعان ماتەريالدارمەن تانىسۋ بارىسىندا دا كٶزٸم جەتتٸ. دەنيس ساراڭ ادام ەمەس ەدٸ. ول ٶتە قولى اشىق جان بولعان. قىمبات زاتتارعا قارامايتىن دا. مەن زاتىمدى جوعالتقان كەزدە ول ٷنەمٸ مەنٸ جۇباتاتىن. دەنيستٸ بٸر زاتقا بولا تٶبەلەستٸرۋ مٷمكٸن ەمەس, ول ٷشٸن شەگٸنەن شىعا اشۋلاندىرۋ كەرەك شىعار. دەنيس شەتەلدە ۇزاق جٷردٸ. قازاقستاندا ول سيرەك بولاتىن. سپورت بازالارىندا, جاتتىعۋدا جٷرەتٸن. ونىڭ قازاقستاندا جٷرگەنٸن دوستارى, تانىستارى جاقسى بٸلەتٸن", - دەدٸ وكسانا تەن.
ونىڭ ايتۋىنشا, سول كٷنٸ ونى "ت9 گرۋپپ" جشس ديرەكتورى ا.م. رەستورانعا شاقىرعان.
"سول رەستوراننىڭ ديرەكتورى ح. دەنيسپەن 1-3-سىنىپتاردا بٸرگە وقىعان ەدٸ. دەنيس ونىمەن جاقسى ارالاسپايتىن. 13:45-تە ح. ونى تٷسكٸ اسقا شاقىرعان. 13.48-دە دەنيس وعان كەلٸسەدٸ. ال 18 شٸلدەدە بٷگٸن كٷدٸكتٸ بولىپ وتىرعان ٷشەۋٸ الماتىدا جينالادى. ولار 18 شٸلدە كٷنٸ كەشكٸ 21-دە قالانىڭ ورتاسىنان پəتەر جالداعان. اقشالارى جوق ولار قىمبات اۋداننان قالاي پەتەر جالداعان? بارلىق əرەكەت 19-ى كٷنٸ تٷسكٸ ەكٸدە باستالادى. تٷسكٸ 14:14-تە ولار ناۋرىزباي كٶشەسٸمەن گوگولعا بۇرىلعان.
14:18-تە دەنيس رەستوراننان شىقتى. 14:30-دا قىلمىسكەرلەر سول وقيعا ورنىندا بولعان. وسى ۋاقىتقا دەيٸن قۇدايبەرگەنوۆ قولعابىمەن جٷرگٸزۋشٸ جاقتىڭ ايناسىن شەشٸپ العان. دەنيس ماشيناعا قۇرمانعازى كٶشەسٸمەن كەلە جاتادى. قۇلاعىندا قۇلاققاپ, مۋزىكا تىڭداپ بارا جاتادى. دەنيس ماشيناعا كەلگەندە قۇدايبەرگەنوۆتى كٶرگەن. سول سəتتە قۇدايبەرگەنوۆ ونىڭ قولىنا ەكٸنشٸ اينانى ۇستاتادى. قانداي ۇرى كٶلٸك يەسٸنە ٶزٸ ۇرلاعان زاتىن ۇستاتۋشى ەدٸ? سودان سوڭ دەنيسكە قۇدايبەرگەنوۆ بٸردەڭە ايتىپ, دەنيس اشۋلانىپ كەتكەن. وعان نە ايتقانىن بٸلمەيمٸن. قۇدايبەرگەنوۆ سپورت الاڭىنا قاراي قاشا جٶنەلەدٸ. ونىڭ ارتىنان قيياسوۆ جٷگٸرەدٸ. دەنيس سول جەردە قانسىراپ قۇلاعانشا اياعىنان تٸك تۇرعان. ونى بٸر كۋəگەر كٶرگەن. ول بٸراق تٶبەلەستەن قورىققانىنان ماشينادان شىقپاعان» - دەيدٸ وكسانا تەن.
ونىڭ ايتۋىنشا, اۆتوۇرىلار ەۋەل باستان اينا ۇرلاۋدى ماقسات تۇتپاعان.
"دەنيستٸڭ سۋمكاسىندا اينادان دا قىمبات زاتتار بولدى. نەگە ونى الماعان? ولار نە ٷشٸن جاسادى مۇنى? اقشا ٷشٸن ەكەنٸ راس. بٸز تاپا-تال تٷستە ادام ٶلتٸرە سالاتىن ەل ەمەسپٸز. كٷندٸز پىشاق ۇستاپ, ادام ٶلتٸرۋ بولا بەرمەيدٸ. مەن وسى نۇسقاعا كٶپ ادامنىڭ سەنگەنٸن قالامايمىن. دەنيس قازاقستانىن تەك قانا جاقسى جاعىنان كٶرسەتكٸسٸ كەلەتٸن, ەلٸن ماقتايتىن, جاقسى كٶرەتٸن, بəرٸن قوناققا شاقىراتىن. بٸزگە كەلگەن قوناقتار «قازاقستان قانداي əدەمٸ, تاماقتارىڭ قانداي دəمدٸ» دەپ ايتىپ كەتەتٸن. ۇستالعاندارعا ايتارىم, سٸزدەر قازاقستان ٷشٸن ٷلكەن قىلمىس جاسادىڭىزدار", - دەدٸ و.تەن.
ونىڭ ايتۋىنشا, دەنيستٸڭ ٶمٸرلٸك ۇستانىمدارى بٸرەۋگە ۇناماعان نەمەسە ونىڭ ٶمٸرٸندەگٸ سəتتٸلٸك بٸرەۋگە كەدەرگٸ بولعان.
ەسكە سالساق, دەنيس تەندٸ بيىل 19 شٸلدەدە الماتى قالاسىندا بەلگٸسٸز بٸرەۋلەر پىشاقتاپ كەتكەن ەدٸ. اۋىر حالدە اۋرۋحاناعا جەتكٸزٸلگەن سپورتشى كٶز جۇمعان بولاتىن.
دەنيس تەننٸڭ ٶلٸمٸنە قاتىستى قىلمىستىق ٸس قوزعالىپ, كٷدٸكتٸلەر ٸزدەستٸرٸلدٸ. ەلباسى دەنيس تەنگە قاتىستى قىلمىستى مۇقييات تەكسەرۋدٸ تاپسىردى. كەيٸن قر ٸٸم كٷدٸكتٸلەردٸڭ ۇستالعانىن جارييا ەتتٸ.
ايتا كەتەيٸك, كەشە دەنيس تەننٸڭ ٶلٸمٸ بويىنشا باستى سوت تالقىلاۋى باستالدى. ٸس بويىنشا ايىپتالعان كٷدٸكتٸلەر كٸسٸ ٶلتٸرگەنٸن مويىندامادى. سوت وتىرىسىندا پوليتسييا ارمان قۇدايبەرگەنوۆتٸڭ نەگە بوستاندىقتا جٷرگەنٸن تٷسٸندٸردٸ. سوت وتىرىسى بٷگٸن دە جالعاسۋدا, وندا مارقۇمنىڭ اناسى وكسانا تەن تٷسٸنٸك بەرۋدە.
