الماتىدا وليمپيادا جٷلدەگەرٸ دەنيس تەننٸڭ ٶلٸمٸنە قاتىستى سوت جالعاسىپ جاتىر, دەپ حابارلايدى قازاقپارات تٸلشٸسٸ.
سوت الدىندا ٷش ادام جاۋاپ بەرۋدە. ولار - قر قك 434-بابى, قر قك 24-بابىنىڭ 3-بٶلٸمٸ, 188-بابىنىڭ 2-بٶلٸمٸنٸڭ 1-تارماعى بويىنشا ايىپتالعان جانار تولىباەۆا, قر قك 188-بابىنىڭ 2-بٶلٸمٸنٸڭ 1-تارماعى, قر قك 99-بابىنىڭ 2-بٶلٸمٸمەن, 192-بابىنىڭ 2-بٶلٸمٸمەن قىلمىستىق جاۋاپكەرشٸلٸككە تارتىلىپ وتىرعان ارمان قۇدايبەرگەنوۆ, قر قك 99-بابىنىڭ 2-بٶلٸمٸمەن, 192-بابىنىڭ 2-بٶلٸمٸمەن قىلمىستىق جاۋاپكەرشٸلٸككە تارتىلىپ وتىرعان نۇرالى قيياسوۆ. قىلمىستىق ٸس 38 تومنان تۇرادى.
سوت مەجٸلٸسٸنەن شىققان سوڭ سوتتالۋشى جانار تولىباەۆانىڭ قورعاۋشىسى امانگەلدٸ ساريەۆ جۋرناليستەرگە تٷسٸنٸكتەمە بەردٸ.
ونىڭ ايتۋىنشا, بۇل قىلمىس تاپسىرىسپەن جاسالدى دەگەن قيسىنعا كەلمەيدٸ.
«بۇل قىلمىسقا ەشكٸمنٸڭ, ٷشٸنشٸ, تٶرتٸنشٸ ادامداردىڭ قاتىسى بارىنا دەلەل جوق. مۇندا ادامدى ٶلتٸرۋ قۇرامى جوق. كٶردٸڭٸزدەر عوي, تەلەفوندارى, اقشاسى, ايفونى, كٶلٸكتٸڭ ايناسى بەرٸ قالعان. قاراقشىلىق جاساعىسى كەلسە, سۋمكانى بوساتىپ الىپ كەتپەي مە?!», - دەدٸ جانار تولىباەۆانىڭ قورعاۋشىسى امانگەلدٸ ساريەۆ.
ونىڭ ايتۋىنشا, جانار تولىباەۆا تەننٸڭ ٶلگەنٸن قاپشاعايدا قىدىرىپ جٷرگەندە ەستٸگەن.
ەسكە سالساق, دەنيس تەندٸ بيىل 19 شٸلدەدە الماتى قالاسىندا بەلگٸسٸز بٸرەۋلەر پىشاقتاپ كەتكەن ەدٸ. اۋىر حالدە اۋرۋحاناعا جەتكٸزٸلگەن سپورتشى كٶز جۇمعان بولاتىن.
دەنيس تەننٸڭ ٶلٸمٸنە قاتىستى قىلمىستىق ٸس قوزعالىپ, كٷدٸكتٸلەر ٸزدەستٸرٸلدٸ. ەلباسى دەنيس تەنگە قاتىستى قىلمىستى مۇقييات تەكسەرۋدٸ تاپسىردى. كەيٸن قر ٸٸم كٷدٸكتٸلەردٸڭ ۇستالعانىن جارييا ەتتٸ. ال, قىركٷيەك ايىنىڭ سوڭىندا ٸشكٸ ٸستەر مينيسترٸ قالمۇحانبەت قاسىموۆ اتالمىش قىلمىستىق ٸستٸڭ تەرگەلۋٸنە قاتىستى مەلٸمەت بەرگەن بولاتىن. 25 جەلتوقساندا الماتى قىلمىستىق ٸستەر بويىنشا اۋدانارالىق مامانداندىرىلعان سوتتا بەلگٸلٸ سپورتشىنىڭ ٶلٸمٸ بويىنشا الدىن الا سوت تىڭدالىمى ٶتكەن-تٸن.
