باتىس قازاقستان وبلىسىندا دەنيس تەندٸ ٶلتٸرگەندەردٸ قولداعان مۇعالٸمگە قاتىستى تەرگەۋ جٷرگٸزٸلۋدە, دەپ حابارلايدى "ۇلت اقپارات".
زەلەنوۆ اۋدانى بەلەس اۋىلىندا تۇراتىن ماتەماتيكا پەنٸنٸڭ مۇعالٸمٸ شەرحان بايزەنوۆ ينستاگرامداعى پاراقشاسىندا دەنيس تەندٸ ٶلتٸرگەندەردٸ قولداپ, جازبا قالدىرعان بولاتىن. بۇل جازبا ەلەۋمەتتٸك جەلٸ قولدانۋشىلارىنىڭ اشۋ-ىزاسىن تۋدىرعاننان كەيٸن ول بۇل ٸسٸ ٷشٸن كٶپشٸلٸكتەن كەشٸرٸم سۇرادى.
بقو ٸشكٸ ٸستەر دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, قازٸرگٸ ۋاقىتتا ش.بايزەنوۆكە قاتىستى قر قك 174-بابى 1-بٶلٸگٸنە سەيكەس (ەلەۋمەتتٸك, ۇلتتىق, رۋلىق, نەسٸلدٸك, تەكتٸك-توپتىق نەمەسە دٸني الاۋىزدىقتى قوزدىرۋ) قىلمىستىق ٸس قوزعالىپ, تەرگەۋ امالدارى جٷرگٸزٸلۋدە.
ش.بايزەنوۆتەن ەشقايدا كەتپەۋ تۋرالى قولحات الىندى.
زەلەنوۆ اۋداندىق بٸلٸم بٶلٸمٸنٸڭ باسشىسى سەرٸك سافيۋللين ورالداعى پەدكوللەدجدٸ بٸتٸرگەن ش.بايزەنوۆتٸڭ بەلەس ورتا مەكتەبٸندە 5-9-سىنىپتارعا ماتەماتيكا پەنٸنەن ساباق بەرەتٸندٸگٸن, قازٸر ەڭبەك دەمالىسىندا ەكەندٸگٸن جەتكٸزدٸ. وعان قاتىستى شارا قىلمىستىق ٸس اياقتالعاننان كەيٸن قولدانىلاتىن بولادى.
ايتا كەتەيٸك, قر قك 174-بابى 1-بٶلٸگٸنە سەيكەس قىلمىسى دەلەلدەنگەن ادام ەكٸ جىلدان جەتٸ جىلعا دەيٸنگٸ مەرزٸمگە باس بوستاندىعىنان شەكتەۋگە نە سول مەرزٸمگە باس بوستاندىعىنان ايىرىلۋى مٷمكٸن.
ەسكە سالايىق, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
