مەنەرلەپ سىرعاناۋدان 2014 جىلى سوچيدە ٶتكەن قىسقى وليمپيادا ويىندارىنىڭ قولا جٷلدەگەرٸ دەنيس تەن پحەنچحانداعى دودانى قىسقا باعدارلامادان كەيٸن-اق اياقتادى. وتانداسىمىز 30 قاتىسۋشىنىڭ ٸشٸندە فينالدىق كەزەڭگە ٶتەتٸن 24 سپورتشى قاتارىنا قوسىلا المادى, - دەپ حابارلايدى "ۇلت اقپارات" Vesti.kz پورتالىنا سٸلتەمە جاساپ.
جاراقاتىنان جاڭا ايىعىپ جٷرگەن قازاقستاندىق سپورتشى ٷشٸن پحەنچحانداعى اق وليمپيادا سەتسٸز ٶتتٸ. قىسقا باعدارلامادا دەنيس 70,12 ۇپاي جيناپ, نەتيجەسٸ تٶمەن بولدى. 30 سپورتشى ٸشٸندە 27-ورىنعا تابان تٸرەدٸ.
"وسىعان دەيٸن دە ايتقانىمداي, بۇل ماۋسىم مەن ٷشٸن ٶتە قيىن بولدى. دەگەنمەن دە پحەنچحانعا كەلٸپ, ٶنەر كٶرسەتٸپ جاتقانىمدى ماقتان تۇتامىن. سەبەبٸ مەن كٷندەلٸكتٸ ۇيىقتار الدىندا اياعىمنىڭ اۋىرىپ جاتقانىن سەزەتٸنمٸن. بۇل مەن ٷشٸن كٷندەلٸكتٸ كٷرەس بولىپ كەتتٸ. پحەنچحانعا قاتتى كەلگٸم كەلدٸ. وسىندا كەلگەنٸمە قۋانىشتىمىن. بٸراق, ٶكٸنٸشكە قاراي, بارلىعى ويداعىداي بولمادى. دەگەنمەن كٶڭٸلٸمدٸ تٷسٸرمەيمٸن. بولاشاقتا بابىما كەلۋگە تىرىسامىن", - دەدٸ دەنيس تەن.
سونداي-اق, مەنەرلەپ سىرعاناۋشى سوڭعى رەت وڭتٷستٸك كورەيا جەرٸندە جاراقات الىپ, بالداق جەنە گيپسپەن قايتقانىن دا ايتىپ, وليمپياداعا بارىن سالا دايىندالعانىن دا جاسىرمادى.
"سپورت قۇرباندىقتى تالاپ ەتەدٸ, بٸراق مەن اقتالۋدى قالامايمىن. مەن راسىمەن دە, تۋرنيرگە بارىنشا دايىندالدىم. قانشا كٷش سالىپ, دايىندالساڭ دا ٷمٸتٸڭنٸڭ اقتالماعانى جامان. بٸراق بۇل ٶمٸر عوي. سەتسٸز ٶنەر كٶرسەتكەنٸمەن قاراماستان الدا مەنٸ جەنە بٷكٸل قازاقستان قۇراماسىن تاماشا جەتٸستٸكتەر كٷتۋدە دەپ بٸلەمٸن. ال ٷشٸنشٸ وليمپيادا قاتىسقانىما قۋانىشتىمىن, سوڭعىسى ەمەس دەپ ويلايمىن", - دەدٸ سپورتشى.
قىسقا باعدارلاما بويىنشا جاپون يۋدزۋرۋ حانيۋ كٶش باستادى. ول 111,68 ۇپايعا يە بولدى. ەكٸنشٸ ورىندا يسپان حاۆەر فەرناندەس كەلەدٸ. ونىڭ ٶنەرٸن تٶرەشٸلەر 107,58 ۇپايمەن باعالادى. ٷزدٸك ٷشتٸكتٸ تاعى بٸر جاپون مەنەرلەپ سىرعاناۋشىسى شوما ۋنو (104,17 ۇپاي) تٷيٸندەپ تۇر.
دەنيس تەن قىسقى وليمپيادا ويىندارىنا 2010 جىلى العاش رەت قاتىستى. ول ەرلەر اراسىنداعى ەڭ جاس سپورتشى بولدى. ول كەزدە وتانداسىمىزدىڭ جاسى 16-دا ەدٸ. جارىس قورىتىندىسى بويىنشا 11-ورىن الدى. سوچيدە قازاقستان قۇراماسىنىڭ قورجىنىنا تٷسكەن بٸر قولانى ەنشٸلەدٸ.
