الماتىدا سپورتشى دەنيس تەننٸڭ ٶلٸمٸ بويىنشا سوت وتىرىسىندا جارىسسٶز ٶتٸپ جاتىر. سوت بارىسىندا پروكۋرور ٷش سوتتالۋشىنى جالپى العاندا 44 جىلعا باس بوستاندىعىنان ايىرۋدى سۇرادى, دەپ حابارلايدى قازاقپارات تٸلشٸسٸ.
«بۇل وقيعا قوعامدا ٷلكەن رەزونانس تۋدىردى. كٷندٸز, حالىقتىڭ كٶزٸنشە ادام ٶلتٸرۋ قىلمىسىنا زاڭ بويىنشا ەڭ اۋىر جازا قولدانىلۋى كەرەك.وسى قىلمىس قوعامدىق تəرتٸپتٸ ساقتاۋ سالاسىنداعى كٶپتەگەن مəسەلەلەردٸ اشتى. جٷرگٸزٸلگەن سوتقا دەيٸنگٸ تەرگەۋ بارىسىندا سوتتالۋشىلارعا تاعىلعان ايىپ تولىعىمەن دəلەلدەندٸ دەپ سانايمىن. ارمان قۇدايبەرگەنوۆتٸ قر قك 188-بابىنىڭ 2-بٶلٸمٸ, 192-بابىنىڭ 2-بٶلٸمٸمەن, 99-بابىنىڭ 2-بٶلٸمٸمەن ايىپتى دەپ تاۋىپ, ونى تٷپكٸلٸكتٸ 20 جىلعا باس بوستاندىعىنان ايىرۋىڭىزدى سۇرايمىن.
نۇرالى قيياسوۆتى قر قك 192-بابىنىڭ 2-بٶلٸمٸمەن, 99-بابىنىڭ 2-بٶلٸمٸمەن ايىپتى دەپ تاۋىپ, ونى تٷپكٸلٸكتٸ 20 جىلعا باس بوستاندىعىنان ايىرۋدى سۇرايمىن. ەكەۋٸنٸڭ əرقايسىسىنان 30 اەك كٶلەمٸندە ايىپپۇل ٶندٸرۋدٸ سۇرايمىن. جانار تولىباەۆانى جٷكتٸلٸگٸ مەن 4 جاستاعى بالاسىنىڭ بارىن ەسكەرە وتىرىپ, قر قك 58-بابىن قولدانا كەلە قر قك 188-بابىنىڭ 2-بٶلٸمٸ, 434-بابىمەن ايىپتى دەپ تاۋىپ 4 جىلعا باس بوستاندىعىنان ايىرۋدى سۇرايمىن. ول جازاسىن ورتا قاۋٸپسٸزدٸكتەگٸ جازالاۋ ورنىندا ٶتەسٸن», - دەدٸ پروكۋرور قۋاندىق دوسوۆ.
ال وكسانا تەن سۋدياعا ٶز ٶتٸنٸشٸن جەتكٸزدٸ. ول سوتتالۋشىلارعا تاعىلعان باپتارعا قوسىمشا قوسۋدى سۇرادى. اتاپ ايتقاندا, قر قك 99-بابىنىڭ 2-بٶلٸمٸ, 8 تارماعى - جالدانىپ ادام ٶلتٸرۋ تۋرالى باپتى قوسۋدى سۇرادى.
«وسى مəسەلەگە بايلانىستى الماتى قالالىق پروكۋرورىنىڭ اتىنا سوتتالۋشىلارعا قر قك 99-بابىنىڭ 2-بٶلٸمٸ, 8 تارماعى - جالدانىپ ادام ٶلتٸرۋ دەگەن ايىپتى تاعۋ تۋرالى جەكە قاۋلى شىعارۋىڭىزدى سۇرايمىن»,- دەدٸ دەنيستٸڭ اناسى وكسانا تەن.
ەسكە سالساق, دەنيس تەندٸ ٶتكەن جىلدىڭ 19 شٸلدەسٸندە الماتى قالاسىندا بەلگٸسٸز بٸرەۋلەر پىشاقتاپ كەتكەن ەدٸ. اۋىر حالدە اۋرۋحاناعا جەتكٸزٸلگەن سپورتشى كٶز جۇمعان بولاتىن. دەنيس تەننٸڭ ٶلٸمٸنە قاتىستى قىلمىستىق ٸس قوزعالىپ, كٷدٸكتٸلەر ٸزدەستٸرٸلدٸ. كەيٸن قر ٸٸم كٷدٸكتٸلەردٸڭ ۇستالعانىن جارييا ەتتٸ.
ايتا كەتەرلٸگٸ, سوتتىڭ سوڭعى وتىرىسىندا سوتتالۋشى نۇرالى قيياسوۆ ٶز كٸنəسٸن ٸشٸنارا مويىنداعان بولاتىن.
