الماتىدا سپورتشى دەنيس تەننٸڭ ٶلٸمٸ بويىنشا سوت بارىسىندا سوتتالۋشى نۇرالى قيياسوۆتان جاۋاپ الىندى, دەپ حابارلايدى قازاقپارات تٸلشٸسٸ.
«مەنٸ نە ٷشٸن ايىپتاپ جاتقانىن تٷسٸنٸپ وتىرمىن. مەن ٶز كٸنەمدٸ تولىعىمەن تٷسٸنەمٸن. بٸراق الدىن الا كەلٸسٸپ الىپ ٶلتٸردٸ دەگەن سٶزگە كەلٸسپەيمٸن», - دەدٸ نۇرالى قيياسوۆ.
ٶتكەن اپتادا باسقا دا سوتتالۋشىلار جانار تولىباەۆا مەن ارمان قۇدايبەرگەنوۆتەن جاۋاپ الىندى.
نۇرالى قيياسوۆ بولعان وقيعا تۋرالى بايانداپ بەردٸ.
ونىڭ ايتۋىنشا, ارمان بٸرٸنشٸ اينانى كٶلٸكتٸڭ سول جاعىنان شەشٸپ, جولدورباعا سالىپ قويعان. ەكٸنشٸسٸن ادام اياعى سيرەگەن سوڭ الماقشى ويمەن كٷتە تۇرادى.
قيياسوۆتىڭ مٸندەتٸ اينالانى شولىپ تۇرۋ بولعان.
«مەن شامامەن 7 مەترگە قاشىقتادىم. تەمەكٸ شەگۋ ٷشٸن. وسى ۋاقىتتا ارمان قۇدايبەرگەنوۆ ەكٸنشٸ اينانى شەشٸپ ٷلگەردٸ. ال سول كەزدە كٶلٸكتٸڭ يەسٸ كەلٸپ قالعانىن كٶرمەي قالىپپىن. ارمان سپورت الاڭىنا قاراي قاشا جٶنەلدٸ. ول كٶلٸككە سوعىلعانىن مەن كٶرمەدٸم. دەنيس (تەن) ونى ارتىنان قۋا جٶنەلدٸ. بٸراز ۋاقىتتا قۋىپ جەتٸپ الدى», - دەدٸ ول.
ونىڭ ايتۋىنشا, دەنيس پەن ارمان تٶبەلەسكەن كەزدە ول تروتۋاردا شىلىم شەگٸپ وتىرعان.
«ارمان قاشىپ كەتەدٸ دەپ ويلادىم. قاراپ باقىلاپ وتىردىم. ارمان بەلدٸگٸن شىعارىپ ۇرا باستادى. ونىڭ سەتكاعا قاراي قۇلاعانىن كٶرٸپ, دەنيستٸڭ ارت جاعىنان كەلدٸم دە تارتىپ قالدىم. ول ماعان قارادى. سول سەتتە قولىمداعى پىشاقتى كٶرسەتتٸم. ول قورقاتىن شىعار دەپ ويلادىم. ول قورىقپادى. مەن دەنيسكە قالاي پىشاق سۇققانىمدى بٸلمەي قالدىم. مەن ونىڭ باسقا جەرٸنەن سالسام دا بولار ەدٸ پىشاقتى. سانىنا سالىپ, قاشىپ كەتەم دەپ ويلادىم. مەن ارت جاعىنان سول جاق تۇسىنان پىشاق سالدىم. پىشاقتى تٶبەلەس بولعان جەردەن 15-20 مەتر قاشىقتىقتا لاقتىرىپ كەتتٸم. مەن بارلىق قازاقستاندىقتاردان, ەسٸرەسە اناسى وكسانا الەكسەەۆنادان كەشٸرٸم سۇرايمىن. ونىڭ جٷرەگٸ قالاي اۋىرىپ تۇرعانىن تٷسٸنەمٸن. كەشٸرە الساڭىز, مەنٸ كەشٸرٸڭٸز», - دەدٸ نۇرالى قيياسوۆ.
ەسكە سالساق, دەنيس تەندٸ بيىل 19 شٸلدەدە الماتى قالاسىندا بەلگٸسٸز بٸرەۋلەر پىشاقتاپ كەتكەن ەدٸ. اۋىر حالدە اۋرۋحاناعا جەتكٸزٸلگەن سپورتشى كٶز جۇمعان بولاتىن. دەنيس تەننٸڭ ٶلٸمٸنە قاتىستى قىلمىستىق ٸسقوزعالىپ, كٷدٸكتٸلەر ٸزدەستٸرٸلدٸ.
ەلباسى دەنيس تەنگە قاتىستى قىلمىستى مۇقييات تەكسەرۋدٸ تاپسىردى. كەيٸن قر ٸٸم كٷدٸكتٸلەردٸڭ ۇستالعانىن جارييا ەتتٸ. ال, قىركٷيەك ايىنىڭ سوڭىندا ٸشكٸ ٸستەر مينيسترٸ قالمۇحانبەت قاسىموۆ اتالمىش قىلمىستىق ٸستٸڭ تەرگەلۋٸنە قاتىستى مەلٸمەت بەرگەن بولاتىن. بٷگٸن الماتى قىلمىستىق ٸستەر بويىنشا اۋدانارالىق مامانداندىرىلعان سوتتا بەلگٸلٸ سپورتشىنىڭ ٶلٸمٸ بويىنشا الدىن الا سوت تىڭدالىمى ٶتتٸ.
