الماتى وبلىستىق سوتى سوتتالۋشى جانار تولىباەۆاعا قاتىستى «جازانى نەعۇرلىم جەڭٸل تٷرٸنە اۋىستىرۋ» تۋرالى ٸلە اۋداندىق سوتىنىڭ قاۋلىسىن بۇزدى, دەپ حابارلايدى "ۇلت اقپارات".
ەسكە سالا كەتسەك, 2019 جىلدىڭ 17 قاڭتارداعى الماتى قالاسىنىڭ مامانداندىرىلعان اۋدانارالىق قىلمىستىق سوتىنىڭ ٷكٸمٸمەن ج.تولىباەۆا «قىلمىستىق قۇقىق بۇزۋشىلىقتى جاسىرۋ» فاكتٸسٸمەن كٸنەلٸ دەپ تانىلىپ, وعان 4 جىل باس بوستاندىعىنان ايىرۋ جازاسى تاعايىندالعان, جازانى ٶتەۋ مەرزٸمٸ 2018 جىلدىڭ 21 شٸلدەسٸنەن باستاپ ەسەپتەلگەن.
2019 جىلى جەلتوقسان ايىندا ج.تولىباەۆا جازا مەرزٸمٸنٸڭ – 1/3 بٶلٸگٸن ٶتەپ, ٶزٸنٸڭ كونستيتۋتسييالىق قۇقىعىن پايدالانا وتىرىپ, «جازانىڭ ٶتەلمەگەن بٶلٸگٸن جازانىڭ نەعۇرلىم جەڭٸل تٷرٸنە اۋىستىرۋ» تۋرالى ارىزىمەن سوتقا جٷگٸنگەن.
2020 جىلدىڭ 6 قاڭتارىندا ٸلە اۋداندىق سوتىنىڭ قاۋلىسىمەن ج.تولىباەۆانىڭ ارىزى قاناعاتتاندىرىلىپ, باس بوستاندىعىنان ايىرۋ جازاسىنىڭ ٶتەلمەگەن مەرزٸمٸ باس بوستاندىعىنان شەكتەۋ جازاسىنا اۋىستىرىلعان.
سوتتا, ج.تولىباەۆانى مەكەمە ەكٸمشٸلٸگٸمەن جاعىمدى سيپاتتالعانى جەنە پروكۋروردىڭ سوتتالعاننىڭ ٶتٸنٸشٸن قولداپ, جازاسىن نەعۇرىلىم جەڭٸل تٷرٸنە اۋىستىرۋدى سۇراعانى ەسكەرٸلگەن.
2021 جىلى قاڭتار ايىندا, جەبٸرلەنۋشٸ تاراپ سوت قاۋلىسىمەن كەلٸسپەي, اپەللياتسييالىق شاعىم بەرۋ مەرزٸمٸن قالپىنا كەلتٸرٸپ, الماتى وبلىستىق سوتىنا سوت قاۋلىسىن بۇزۋدى سۇراپ جەكە شاعىم كەلتٸرگەن.
الماتى وبلىستىق سوتىنىڭ قىلمىستىق ٸستەر جٶنٸندەگٸ سوت القاسىنىڭ 2021 جىل 19 ناۋرىز قاۋلىسىمەن, ٸلە اۋداندىق سوتىنىڭ 2020 جىل 6 قاڭتارداعى قاۋلىسى بۇزىلىپ, جەبٸرلەنۋشٸنٸڭ جەكە شاعىمى قاناعاتتاندىرىلعان.
سوت القاسى, سوتقا ۇسىنىلعان ماتەريالدا سوتتالعاننىڭ تٷزەلۋ جولىنا تٷسكەندٸگٸ تۋرالى مەلٸمەتتٸڭ جەتكٸلٸكسٸز ەكەنٸن, سونىمەن قاتار, بٸرٸنشٸ ساتىداعى سوتتىڭ شەشٸم شىعارۋ كەزٸندە جەبٸرلەنۋشٸ تاراپتىڭ پٸكٸرٸ ەسكەرٸلمەگەندٸگٸن انىقتاعان.
«وسى ورايدا ج.تولىباەۆا جازاسىن ارى قاراي ٶتەۋ ٷشٸن لا-155/4 تٷزەتۋ مەكەمەسٸنە قايتارىلدى»,- دەلٸنگەن الماتى وبلىستىق سوتىنىڭ باسپاسٶز قىزمەتٸ جارييالاعان حابارلامادا.
ايتا كەتسەك, بەلگٸلٸ سپورتشى, وليمپيادا جٷلدەگەرٸ دەنيس تەندٸ ٶلتٸرگەن ارمان قۇدايبەرگەنوۆ, نۇرالى قيياسوۆ جەنە جانار تولىباەۆالار 2019 جىلى قاڭتار ايىندا سوتتالعان بولاتىن. سۋديا ەكٸ سوتتالۋشىنى 18 جىلعا باس بوستاندىعىنان ايىرۋ تۋرالى, جٷكتٸ ەيەل تولىباەۆانى 4 جىلعا باس بوستاندىعىنان ايىرۋ تۋرالى ٷكٸم شىعاردى.
