فوتو ©️ Tengrinews.kz / تۇرار قازانعاپوۆ
استاناداعى Kaspi بانك فيليالىندا ادامداردى كەپٸلگە العان ەر ازاماتتىڭ دەنەسٸ مەن قولىندا جارىلعىش زات بولعان. بۇل جايىندا ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆ قازاقپارات تٸلشٸسٸنە بەرگەن سۇحباتىندا ايتتى, دەپ حابارلايدى «قازاقپارات» حاا.
مارات قوجاەۆ قاسكٶيمەن كەلٸسسٶز جٷرگٸزۋ كەزٸندەگٸ ٸٸم قىزمەتكەرلەرٸنٸڭ جۇمىسى جايلى تارقاتىپ ايتىپ بەردٸ.
«ادامنىڭ اتى-جٶنٸن جىلدامىراق انىقتاساق, ونىمەن كەلٸسسٶز جٷرگٸزۋ دە جەڭٸلٸرەك بولادى. ال بۇل جاعدايدا بٸز ونىڭ تۋعان-تۋىستارىن تارتتىق. ونى سۋرەتكە تٷسٸرٸپ الىپ, جىلدام بازامىزدان قاراپ, اتى-جٶنٸن انىقتادىق. دەگەنمەن, باستاپقىدا ول مٷلدەم باسقا ادامنىڭ اتىن ايتقان بولاتىن. بٸز ديلشوت دەگەن اداممەن كەلٸسسٶز جٷرگٸزگەن ەدٸك», - دەدٸ مارات قوجاەۆ.
سەل كەيٸنٸرەك, سۋرەت ارقىلى ونىڭ ناقتى كٸم ەكەنٸ انىقتالدى. ول جامبىل وبلىسىنىڭ گرودەكوۆو ەلدٸ مەكەنٸنٸڭ تۋماسى ەليحان مۋرادوۆ بولىپ شىقتى. دەرەكتەر ادام جايلى اقپارات جيناۋعا, ونىڭ مٸنەز-قۇلقىن تانىپ بٸلۋگە, جاقىن تۋعان-تۋىستارىنىڭ كٸم ەكەندٸگٸن انىقتاۋعا مٷمكٸندٸك بەردٸ.
«بٸز جامبىل وبلىسىنا حابارلاسىپ, ونداعى بٶلٸمشەمٸز تەز ارادا ونىڭ تۋعان-تۋىستارىن تاپتى. سولار ارقىلى وعان ەسەر ەتۋگە تىرىستىق. سول ارقىلى ول جاساۋى مٷمكٸن ٸس-ەرەكەتتٸڭ قاۋپٸن ازايتتىق. بەيبٸت جولمەن شەشۋگە تىرىستىق. كەلٸسسٶزدەردٸڭ ەش ەسەرٸ بولماعان جاعدايدا بٸزدٸڭ ارناۋلى بٶلٸمشەمٸز ەرەكەت ەتۋٸ تيٸس بولدى», - دەدٸ مينيستردٸڭ بٸرٸنشٸ ورىنباسارى.
ونىڭ ايتۋىنشا, توسىن جاي بولعان كەزدە استانا قالالىق پوليتسييا دەپارتامەنتٸنٸڭ «ارلان» جاساعى ٸسكە كٸرٸسۋگە تيٸس ەدٸ. ارناۋلى جاساق ٶزٸنٸڭ شتاتتىق كەستەسٸنە ساي قارۋلانعان. قۇرامىندا تٷرلٸ ماماندار بار. مەسەلەن, قاتتى دىبىس شىعاراتىن گراناتا لاقتىراتىن مامان بولدى. گراناتا لاقتىرعان كەزدە جار-جۇرق ەتٸپ, ساناۋلى سەكۋندتاردا قىلمىسكەر داعدارىپ قالادى. ال سول ۋاقىتتا شابۋىلداۋشىلار قىلمىسكەرگە جەتٸپ, ونى قارۋسىزداندىرۋى تيٸس.
مارات قوجان ٸٸم بٶلٸمشەسٸ ٶتە جىلدام ەرٸ مٷلتٸكسٸز جۇمىس ٸستەدٸ دەپ سانايدى. قىلمىسكەر دە, تۇتقىنداعى بانك قىزمەتكەرلەرٸ دە زارداپ شەككەن جوق.
سونىمەن قاتار ول قاسكٶيدە قانداي قارۋ بولدى دەگەن ساۋالعا جاۋاپ بەردٸ.
«وندا تاپانشاعا ۇقساس زات بولدى. سونىمەن قاتار قولى مەن دەنەسٸنە قولدان جاسالعان جارىلعىش قۇرىلعىعا ۇقساس زات تاڭىپ العان. قازٸرگٸ ۋاقىتتا بۇل زاتتار ساراپتاماعا بەرٸلدٸ. ولاردىڭ قانشالىقتى جارىلعىش زات نە مۋلياج ەكەندٸگٸن ساراپتاما انىقتايدى», - دەدٸ مارات قوجاەۆ.
