اقش كونگرەسٸنٸڭ ٶكٸلدەر پالاتاسىنداعى دەموكراتتار 11 قاڭتاردا پرەزيدەنت دونالد ترامپقا قارسى يمپيچمەنت باپتارىن تانىستىرۋى مٷمكٸن. بۇل اقپاراتتى كونگرەسسمەن تەد ليۋ سٶزٸنە سٷيەنگەن "امەريكا داۋىسى" سايتى حابارلادى.
9 قاڭتار كەشكە كونگرەستٸڭ 190-نان استام مٷشەسٸ (بارلىعى دا دەموكرات) پرەزيدەنتكە يمپيچمەنت جارييالاۋدى قولداعان. يمپيچمەنت باپتارى قالاي قۇراستىرىلاتىنى بەلگٸسٸز. بٸراق پرەزيدەنتكە 6 قاڭتار كٷنگٸ كاپيتولييگە جاسالعان شابۋىل بويىنشا ايىپتار تاعىلۋى مٷمكٸن. ترامپ جاقتاستارىنىڭ شابۋىلى كەزٸندە بٸر دەمونسترانت پەن بٸر پوليتسەي قازا بولعان.
دەموكراتتار ۆاشينگتونداعى ميتينگ كەزٸندە ترامپ سايلاۋ نەتيجەسٸن مويىنداماي, كاپيتولييگە بارۋعا ٷندەۋ ارقىلى جاقتاستارىن تەرتٸپسٸزدٸككە يتەرمەلەدٸ دەپ سانايدى. شتۋرم كەزٸندە ترامپ شابۋىلدى ايىپتامادى, تەك پوليتسەيلەرگە كٷش قولدانباۋعا شاقىردى. كەيٸنٸرەك جاقتاستارىن سابىرعا شاقىرىپ, باسىپ الۋدى ايىپتاعان.
ترامپقا 2019 جىلدىڭ اياعىندا دا يمپيچمەنت جارييالاندى. ول كەزدە پرەزيدەنت "ٶكٸلەتٸن اسىرا پايدالاندى" دەپ ايىپتالدى. سەناتتا كٶپشٸلٸك بولىپ وتىرعان رەسپۋبليكاشىلدار ونى اقتاپ شىعىپ, ٸزٸنشە ترامپ ٶكٸلەتٸن جالعاستىرا بەرگەن. بٸر جىل ٸشٸندە پرەزيدەنتكە ەكٸ رەت يمپيچمەنت جارييالاۋ اقش تاريحىندا بۇرىن-سوڭدى بولماعان.
ترامپ ٶكٸلەتٸنٸڭ اياقتالۋىنا 10 كٷن قالدى. سايلاۋدا جەڭگەن دجو بايدەن 20 قاڭتاردا ٶكٸلەتٸنە كٸرٸسەدٸ. سوعان قاراماستان ٶكٸلدەر پالاتاسىنداعى دەموكراتتار كەلەسٸ اپتادا پروتسەدۋرانى اياقتاۋدى كٶزدەپ وتىر. ودان كەيٸن ٸس سەناتقا جٸبەرٸلٸپ, سوتقا ۇقساس پروتسەسس تاعايىندالادى. مۇنىڭ بەرٸ 20 قاڭتارعا دەيٸن جٷزەگە اسىپ ٷلگەرمەۋٸ دە مٷمكٸن. ونداي جاعدايدا پروتسەسس ترامپ ٶكٸلەتٸ اياقتالعاننان كەيٸن جالعاسادى.
ترامپ يمپيچمەنت جارييالاۋ ىقتيمالدىعىنا بايلانىستى تٷسٸنٸكتەمە بەرمەدٸ. جەتەكشٸ ەلەۋمەتتٸك جەلٸلەر 6 قاڭتار كٷنگٸ وقيعادان كەيٸن ترامپتىڭ اككاۋنتتارىن بۇعاتتاپ, كەيبٸرٸن جويعان.
