رەسەيلٸك عالىمدار زەرتتەۋ جٷرگٸزٸپ, وندا كوروناۆيرۋستان تولىق قورعانۋ ٷشٸن ادامدا قانشا انتيدەنە بولۋ كەرەكتٸگٸن انىقتادى. سونداي-اق, بٸرنەشە ايدا COVID-19-دى قالاي جەڭۋگە بولاتىنىن بەلگٸلٸ بولدى, دەپ جازادى قازاقپارات اگەنتتٸگٸ «يزۆەستييا» گازەتٸنە سٸلتەمە جاساپ.
گامالەيا اتىنداعى ورتالىق ديرەكتورى الەكساندر گينتسبۋرگ زەرتتەۋ مەسكەۋ دەنساۋلىق ساقتاۋ دەپارتامەنتٸمەن بٸرلەسٸپ جٷرگٸزٸلگەنٸن ايتتى. وعان مەسكەۋدٸڭ 4 مىڭ تۇرعىنى قاتىسقان.
«300 انتيدەنە (حالىقارالىق بٸرلٸك) «دەلتادان» تولىق قورعايتىنىن انىقتادىق. ەگەر ودان از بولسا, «سپۋتنيك لايت» ۆاكتسيناسىن سالدىرۋ قاجەت. ەگەر «لايت» ۆاكتسيناسىنىڭ نەتيجەسٸندە 350-400 انتيدەنە بولسا, وندا «سپۋتنيكتٸڭ» ەكٸنشٸ دوزاسىن ەگۋ قاجەت. ال, ەگەر سٸزدە 500 بٸرلٸكتەن كٶپ بولسا, وندا سٸز COVID-19 جۇقتىرمايسىز دەگەن سٶز», - دەپ تٷسٸندٸردٸ عالىم.
سونداي-اق, ول رەسەي مەن باسقا دا ەلدەردەگٸ شەكتەۋ شارالارى تۋرالى ايتتى. رەسەيلٸك عالىم كوروناۆيرۋستى بٸرنەشە ايدا جەڭۋ ٷشٸن قانشا ادام ەگٸلۋ كەرەگٸن ايتتى.
«شەكتەۋ شارالارى ۆاكتسينالاۋدان بٶلەك ەشقانداي پايدا ەكەلمەيدٸ. ەگٸلگەن ادامدار سانى بٸردەن ارتسا عانا كٶمەك بەرەدٸ. سەرگەي سوبيانين سوڭعى ون كٷندە ۆاكتسينا سالدىرعاندار سانى تٶرت ەسە (كٷنٸنە) ارتقانىن ايتتى. بۇل كٶرسەتكٸش, ون ەسە جوعارىلاۋى قاجەت. سوندا عانا ينفەكتسييانى بٸرنەشە ايدا جەڭۋگە بولادى. بۇعان قوسا, ەگٸلگەندەر مەن ۆاكتسينا الماعانداردى ەكٸ بٶلەك ۇستاعان دۇرىس بولار ەدٸ. انتيدەنەسٸ ٷش جٷزدەن اساتىنداردى شەكتەمەۋگە بولادى», - دەدٸ گينتسبۋرگ.
